Dagblaðið Vísir - DV - 16.06.2015, Blaðsíða 38

38 Fólk Vikublað 16.–18. júní 2015
Fæst í FK, Byko, Apótekum og öllum helstu leikfangaverslunum um land allt
Safnaðu þeim öllum!
Brjálað stuð í Hörpu
Söngkonurnar gáfu Tinu Turner ekkert eftir
T
ónlistarsýningin Tina –
drottning rokksins fór
fram fyrir fullu húsi í Eld-
borgarsal Hörpu á laugar-
daginn. Söngkonurnar Regína
Ósk, Bryndís Ásmundsdóttir,
Stefanía Svavarsdóttir og Erna
Hrönn fóru algjörlega á kostum
og gáfu Tinu sjálfri ekkert eftir, á
kraftmikilli sýningu sem enginn
var svikinn af. n
Innlifun Regína Ósk er ansi vel
sjóuð í tónlistarsýningum og
kann til verka.
Fór á kostum Bryndís
Ásmundsdóttir lifði sig vel
inn í hlutverkið.
Flott Stefanía Svavarsdóttir
var flott um hárið.
Glæsileg Erna Hrönn
er alltaf stórglæsileg og
geislandi.
„Svo þakklátur að
ég gæti grenjað“
Arnar Freyr í Úlfi Úlfi er feminískur rappari
V
iðbrögðin hafa verið góð
og ég er svo þakklátur að
ég gæti grenjað,“ segir Arn-
ar Freyr Frostason, annar
meðlima rappsveitarinn-
ar Úlfur Úlfur, en plata sveitarinnar,
Tvær plánetur, kom út á dögunum.
Engar berbrjósta stelpur
Myndbönd sveitarinnar hafa vakið
athygli og augljóst er að Úlfur Úlf-
ur treystir ekki á „bling bling“ og
berbrjósta stelpur til að vekja á sér
athygli. „Það er rétt. Við erum að
vinna með eitthvað allt annað en
hvað það er veit ég ekki alveg. Við
höfum einhverja nálgun á tónlist
og textagerð sem við höfum haft frá
því við vorum litlir strákar á Sauð-
árkróki,“ segir hann og játar því að-
spurður hvort hann sé femínisti.
„Að sjálfsögðu. Það er það eina sem
meikar sens. Ég læt mig dreyma um
frjálsan og fordómalausan heim þar
sem allir hafa jafnan rétt til alls og er
til í að berjast fyrir því. Það er beisik.
Ég gæti aldrei stutt það að kvenlík-
aminn sé notaður til auglýsinga eða
til að upphefja sjálfan mig.
Blingið er hins vegar frábært. Við
erum með keðjur og annað skart af
því að það er skemmtilegt. Auðvitað
erum við ekki moldríkir rapparar hér
á Íslandi en það er ákveðið stöðu-
tákn að hafa þor til þess held ég, eins
og að klæða sig og hegða sér öðru-
vísi einfaldlega af því það er gam-
an. Þetta á rætur að rekja til sjálfs-
trausts en að vera með sjálfstraust og
hnausþykkan skráp er nauðsynlegur
þáttur ef þú ert rapp-
ari. Þetta er sport
sem fólk hikar ekki
við að gagnrýna og
hakka í sig. Þá er fínt
að geta bara hleg-
ið og keypt sér nýja
keðju.“
Þrjáhyggja
og unun
Mikil gróska hef-
ur verið í ís-
lensku rappi upp
á síðkastið. „Það
hafa náttúrlega
alltaf verið til
rapparar á Íslandi
en núna fyrst er
fólk að veita því
athygli hvað íslensk rapptónlist er
orðin góð. Rappið sjálft er orðið
heilsteyptara en fyrst og fremst hafa
hljómgæðin stóraukist. Við sem
erum í þessu rembumst við að gera
þetta fagmannlega og í dag er líka
meira samstarf á milli ólíkra stefna.
Þetta er orðið meira en bara rapp.“
Strákarnir í Úlfi Úlfi rappa á ís-
lensku um íslenskan veruleika. „Við
höfum einungis rappað á íslensku
en ég hef ákveðna þráhyggju og
unun af tungumálinu. Það er svo
gaman að vinna með það, beygja í
allar áttir og ögra forminu. Umræðu-
efnið er íslenskur veruleiki, hvernig
það er að vera milli tvítugs og þrí-
tugs og eiga við þetta „shit“ á þessu
landi þar sem við höfum það svo gott
en á sama tíma er allt svo „fucked“.
Þessi ríka þjóð sem sér ekki sólina í
níu mánuði á ári veitir manni enda-
lausan efnivið.“
Rappandi viðskiptafræðingur
Arnar er með viðskiptafræðipróf frá
Háskóla Íslands í vasanum en hef-
ur upp á síðkastið getað lifað á tón-
listinni. „Þetta er blessun. Ég hef far-
ið í bókmenntafræði, kennarann og
í ritlist en tókst að klára viðskipta-
fræðina. Fannst ég þurfa að gera
eitthvað praktískt einu sinni. Það er
ótrúlega hentugt að vera tónlistar-
maður og í námi á sama tíma. Svo
ef allt fer til fjandans þá er ég alla-
vega með prófgráðu í rassvasanum,“
segir hann en neitar því að eiga sér
drauma um frægð og frama á er-
lendri grundu. „Við höfum aldrei
stefnt þangað enda höfum við það
mjög fínt hér á Íslandi og ég vil frekar
hafa það fínt hér en að flytja út 27 ára
gamall og ströggla.“ n
Indíana Ása Hreinsdóttir
indiana@dv.is
„Þessi ríka þjóð
sem sér ekki sólina
í níu mánuði á ári veitir
manni endalausan efni-
við.
Úlfur Úlfur Arnar og Helgi hafa spilað tónlist saman síðan þeir voru litlir strákar á Sauðárkróki.
Arnar Freyr Arnar
segist ekki hafa áhuga
á að upphefja sjálfan
sig á kostnað kvenna.