Dagblaðið Vísir - DV - 27.11.2015, Qupperneq 4

4 Fréttir Helgarblað 27.–30. nóvember 2015
V
ið finnum alveg fyrir ríkis­
reknu sjónvarpi annars vegar
og svo ókeypis Skjá Einum
hins vegar,“ segir Sigmundur
Ernir Rúnarsson, sjónvarpsstjóri
Hringbrautar. Sigmundur Ernir
viðurkennir að rekstur stöðvarinn­
ar sé þungur en segir að forsvars­
menn hennar telji sig hafa tryggingu
fyrir því að reksturinn lifi út næsta ár.
„Þá vonandi verðum við komnir með
nægar auglýsingar til að viðhalda
þessu.“ Þeir finni fyrir hlýhug al­
mennings og sumra fyrirtækja en
Sigmundur Ernir bendir á að fyrir­
tæki fari varlegar í markaðssetningu
en stundum áður. Það sé gott fyrir
samfélagið en ekkert sérstaklega já­
kvætt fyrir Hringbraut. Hann hafi
verið í fjölmiðlum í 35 ár og þeir berj­
ist alltaf í bökkum.
Nokkrir þættir á
sjónvarpsstöðinni Hringbraut eru
farnir, eða eru að fara, í jólafrí. Þar á
meðal eru þættir Páls Magnússonar,
Sigríðar Arnardóttur og Karls Ágústs
Úlfssonar. Sigmundur Ernir segir
í samtali við DV að þau muni öll
snúa aftur á skjáinn á nýju ári. „Við
hvílum alltaf þætti öðru hverju.“
Páll Magnússon staðfestir í samtali
við DV að hann muni snúa aftur á
skjáinn á nýju ári. n
Þungur rekstur Hringbrautar
Sjónvarpsstjórinn segir þó næsta ár tryggt
Sjónvarpsstjórinn Nokkrir þættir eru
komnir í jólafrí að sögn Sigmundar Ernis.
Styrkja með
bensínlítranum
Olíuverzlun Íslands hf. ýtti
verkefninu „Gefum & gleðjum“
úr vör á dögunum. Næstu fimm
föstudaga fram að áramótum
munu 5 krónur af hverjum seld­
um eldsneytislítra hjá Olís og
ÓB renna til þeirra félaga sem
ákveðið hefur verið að styrkja en
þau eru: Styrktarfélag barna með
einhverfu, Mæðrastyrksnefnd,
Neistinn styrktarfélag hjartveikra
barna, Geðhjálp og Landsbjörg.
„Það er okkar samfélagslega
skylda að leggja góðum málefnum
lið. Olís hefur undanfarin ár styrkt
myndarlega við hin ýmsu verk­
efni, samtök og íþróttafélög og því
viljum við halda áfram,“ segir Jón
Ólafur Halldórsson, forstjóri Olís.
Bætur vegna
skarkala
Breskt par, sem dvaldi á gisti­
heimili í miðborg Reykjavíkur,
var mjög ósátt við dvölina vegna
ónæðis sem orsakaðist af skarkala
frá næturlífi miðborgarinnar. Þar
sem gistiheimilið var fullbókað
gat fólkið ekki skipt um herbergi
og þurfti því að sætta sig við and­
vökunætur vegna óhljóða. Fólkið
fór fram á bætur vegna ónæðis­
ins þegar gera átti dvölina upp en
því höfnuðu eigendur gistiheim­
ilisins. Parið hafði í framhaldinu
samband við Neytendasamtök­
in og eftir íhlutun þeirra þá var
niðurstaðan sú að Bretarnir fengu
35.400 krónur í bætur.
Leigir moskuna á
10.000 á mánuði
Menningarsetur múslima á Íslandi segir leigugreiðslur vegna Ýmishússins vera táknrænar
T
rúfélagið Menningarsetur
múslima á Íslandi greiðir tíu
þúsund krónur í húsaleigu á
mánuði til Stofnunar múslima
á Íslandi ses. fyrir 1.200 fer­
metra Ýmishúsið í Skógarhlíð. Sam­
kvæmt húsaleigusamningi þeirra á
leigan að nema sömu upphæð út tíu
ára samningstímann eða til ársloka
2023. Taoufik Elmassoudi, stjórn­
armaður og einn stofnenda trúfé­
lagsins, segir leigugreiðslurnar tákn­
rænar þar sem fasteignin hafi verið
keypt með fjárframlögum „úr hinum
múslimska heimi“. Annar forsvars­
maður trúfélagsins hefur fullyrt að
Stofnun múslima á Íslandi hafi fengið
margumrædda rúma milljón Banda­
ríkjadala, um 130 milljónir króna, sem
Sádi­Arabía gaf til stuðnings byggingar
mosku hér á landi, en ítrekað að stofn­
unin sé ótengd menningarsetrinu.
„Við óskuðum eftir langtíma leigu­
samningi til að tryggja stöðugleika,
sjálfstæði trúfélagsins og að það gæti
starfað án þrýstings eða skilyrða,“ segir
Taoufik í skriflegu svari við fyrirspurn
DV.
Hóf söfnunina
Húsaleigusamningurinn tók gildi í árs­
byrjun 2013 og var þinglýst í janúar
síðastliðnum. Stofnun múslima á Ís­
landi keypti Ýmishúsið við Skógarhlíð
20 í október 2012 en fasteignamat þess
fyrir næsta ár er 230 milljónir króna og
brunabótamatið rétt tæpar 329 millj­
ónir. Hussein Al Daoudi, stjórnarfor­
maður Stofnunar múslima á Íslandi,
skrifaði undir leigusamninginn fyrir
hönd hennar. Samkvæmt fyrirtækja­
skrá er stofnunin til húsa á sama stað
og trúfélagið. Ahmad Seddeq, ímam
menningarsetursins, sagði í samtali við
RÚV í mars síðastliðnum að stofnunin
hefði fengið peningagjöfina frá Sádi­
Arabíu sem átti að renna til byggingu
mosku hér á landi. Hussein sé búsettur
í Svíþjóð en að Ahmad viti ekki til hvers
stofnunin ætli að nota peningagjöfina.
Ítrekaði ímaminn að stofnunin væri
ekki trúfélag, ólíkt menningarsetrinu.
„Þessi moska var keypt af Stofn­
un múslima á Íslandi með fjárfram­
lögum frá hinum múslimska heimi og
þar á meðal Sádi­Arabíu. Byggingin er
í hennar nafni en stofnunin er ekki trú­
félag,“ segir Ahmad í samtali við DV. Í
svari Taoufik segir að Hussein Al Da­
oudi hafi hafið söfnunina fyrir kaupun­
um á Ýmishúsinu.
„Síðar féll hann frá því sem hann
hafði áður sagt og stofnaði sjálfseignar­
stofnunina eftir að hafa fengið loforð
um fjárframlög. Þegar búið var að safna
peningunum sem þurfti voru þeir lagð­
ir inn á bankareikning stofnunarinnar
á Íslandi og fasteignin keypt í lok 2012.
Við viljum að fasteignin verði skráð
undir nafni múslima á Íslandi og að
fjárframlög vegna hússins séu í hönd­
um skráðs trúfélags,“ segir Taoufik.
Afsprengi klofnings
Menningarsetur múslima á Íslandi er
annað tveggja trúfélaga íslam hér á
landi og afsprengi klofnings innan sam­
félags þeirra. Forsvarsmenn hins trúfé­
lagsins, Félags múslima á Íslandi, hafa
ítrekað vísað því á bug að það hafi feng­
ið peningagjöfina frá Sádi­Arabíu sem
fyrst var greint frá í mars síðastliðnum
á vefsíðu forsetaembættisins. Kom þar
fram að Ibrahim S.I. Alibrahim, sendi­
herra Sádi­Arabíu á Íslandi, hefði á
fundi með Ólafi Ragnari Grímssyni,
forseta Íslands, greint frá því að ein­
ræðisríkið styddi byggingu mosku í
Reykjavík og myndi leggja verk efninu
til rúmlega eina milljón dala.
„Leigusamningurinn um Ýmishús­
ið var gerður áður en það fjárframlag
kom til sögunnar,“ segir Ahmad.
Forsvarsmenn Félags múslima á
Íslandi hafa fullyrt að menningarsetr­
ið í Skógarhlíð sé stutt af sænska trú­
arhópnum Ar­Risalah. Ibrahim Sverrir
Agnarsson, fyrrverandi formaður fé­
lagsins, sagði í viðtali við RÚV í október
2012 að Ar­Risalah væri að hans mati
öfgahópur. Í fyrirspurn DV til menn­
ingarsetursins var ekki spurt út í meint
tengsl þess við Ar­Risalah. Taoufik seg­
ir aftur á móti í svari sínu að ekki sé
fótur fyrir ýmsum fullyrðingum á vef­
síðu Ar­Risalah um starfsemi sænska
trúarhópsins hér á landi eins og þeirri
að hann starfræki skóla fyrir múslima
í Skógarhlíð.
„Þú getur spurt þá hvar öll þessi
starfsemi er rekin en Skógarhlíð 20 er
rekin af Menningarsetri múslima á Ís­
landi. Hussein Al Daoudi hefur að
undanförnu notað ákveðið fólk hér á
Íslandi í þeim tilgangi að grafa undan
menningarsetrinu sem á í deilum við
hann. Þetta gerir hann til að hafa áhrif
á það hverjir sitja í stjórn trúfélagsins.
Yfirvöld á Íslandi hafa verið upplýst um
þetta,“ segir Taoufik. n
Haraldur Guðmundsson
haraldur@dv.is
„Þessi moska var
keypt af Stofnun
múslima á Íslandi með
fjárframlögum frá hinum
múslimska heimi og þar á
meðal Sádi-Arabíu.
Ýmishúsið Menningarsetur múslima á Íslandi vildi upphaflega leigja Skógarhlíð 20 til
ársins 2038 en á endanum var samið til 2023. Svo virðist sem upp séu komnar deilur á milli
leigutakans og forsvarsmanna stofnunar múslima á Íslandi. Mynd SiGtryGGur Ari
Ímaminn Ahmad Saddeq, ímam Menn-
ingarseturs múslima á Íslandi, ítrekar að
leigusamningurinn um Skógarhlíð 20 hafi
verið gerður áður en Stofnun múslima á
Íslandi tók við rúmlega milljóna dala pen-
ingagjöf frá Sádi-Arabíu.
Hittust á Bessastöðum Ibrahim S.I.
Alibrahim, sendiherra Sádi-Arabíu á Íslandi,
greindi Ólafi Ragnari Grímssyni, forseta
Íslands, frá því í mars að konungsdæmið
hefði ákveðið að gefa rúmlega eina milljón
dala til byggingu mosku hér á landi.