Dagblaðið Vísir - DV - 27.11.2015, Qupperneq 10

10 Fréttir Helgarblað 27.–30. nóvember 2015
Verð miðast við 4 dekk
Eik vill bætur út af Turninum
n Fasteignafélagið vill láta meta meinta fasteignagalla í kjölfar kaupa af SMI n Krafan nemur um 100 milljónum
E
ik fasteignafélag vill að dóm­
kvaddir matsmenn verði
fengnir til að meta meinta
fasteignagalla í Turninum
við Smáratorg og verslunar­
húsnæði við Dalsbraut 1 á Akureyri
sem félagið keypti af SMI ehf. í jan­
úar 2014. Samkvæmt heimildum DV
hefur Eik einnig gert athugasemd­
ir við frágang nokkurra leigusamn­
inga sem SMI gerði áður en kaup­
in gengu í gegn og að félagið hafi
ekki verið upplýst um samkomulag
við Akureyrarbæ um framkvæmd­
ir á fasteigninni þar. Krafa Eikar um
bætur nemur samkvæmt heimild­
um um 100 milljónum króna.
Deilt um klæðningu
Krafan um dómkvaðningu mats­
manna verður tekin fyrir í Héraðs­
dómi Reykjavíkur í dag, föstudag.
Samkvæmt upplýsingum DV full­
yrðir Eik að fasteignagallar hafi
komið í ljós eftir að gengið var frá
kaupunum. Dalsbraut 1 er staðsett
fyrir aftan verslanamiðstöðina Gler­
ártorg en stjórnendur Eikar halda
fram að SMI hafi ekki greint þeim
frá samkomulagi við Akureyrarbæ
um að eigandi húsnæðisins myndi
ráðast í og bera kostnaðinn við að
klæða það að utan. Upplýsingar
sem þeim hafi verið gefin í gagna­
herbergi fyrir kaupin hafi ekki inni­
haldið áðurnefnd atriði.
Hannes Friðjónsson, forstjóri
Eikar, og Halldór Karl Halldórsson,
lögmaður félagsins, vildu ekki tjá
sig um málið þegar eftir því var leit­
að. Fasteignafélagið keypti einnig
Glerártorg og verslanamiðstöðina
Smáratorg í Kópavogi af SMI í kaup­
unum sem voru handsöluð í ágúst
2013 og gengu í gegn fimm mánuð­
um síðar. Kaupverðið var trúnaðar­
mál en eignasafn Eikar stækkaði
um rúmlega 70% við kaupin. Eign­
ir félagsins námu þá 21 milljarði
króna. Kaupin voru liður í skrán­
ingu Eikar í Kauphöll Íslands þang­
að sem fasteignafélagið fór í apríl
síðastliðnum.
Jákúp formaður stjórnarinnar
Davíð Freyr Albertsson, fyrrverandi
framkvæmdastjóri SMI, vildi ekki tjá
sig um kröfu Eikar þegar blaðamað­
ur náði tali af honum en hann var
starfsmaður og hluthafi félagsins í
janúar 2014. Samkvæmt fyrirtækja­
skrá Ríkisskattstjóra er SMI ekki
með skráðan framkvæmdastjóra
og Davíð svarar aðspurður að hann
viti ekki hver veiti félaginu forstöðu í
dag. Jákup á Dul Jacobsen, stofnandi
Rúmfatalagersins, er stjórnarfor­
maður SMI, sem hélt eftir eigninni
Korputorgi í Grafarvogi þegar salan
til Eikar var samþykkt. Davíð er í dag
einn eigenda Korputorgs.
Jákup fór einnig fyrir SMI á ár­
unum fyrir hrun en fasteignir þess
hýsa enn í dag margar af þeim versl­
unum sem hann hefur rekið hér á
landi. Samkvæmt nýjasta ársreikn­
ingi félagsins, sem er fyrir árið 2013,
fór hann úr hluthafahópi þess það ár
ásamt Arion banka og slitabúi gamla
Landsbankans (LBI). SMI var í árs­
lok 2013 í 70% eigu The Calabry Trust
samkvæmt ársreikningnum en ekkert
félag með því nafni er skráð hjá fyrir­
tækjaskrá Ríkisskattstjóra. Aðrir
hluthafar voru Davíð Freyr, Jákup
Napóleon Purkhús, innkaupastjóri
Rúmfatalagersins og viðskiptafélagi
nafna síns, og María Rúnarsdóttir,
fyrrverandi starfsmaður SMI og nú­
verandi hluthafi í Korputorgi. n
Haraldur Guðmundsson
haraldur@dv.is
Stjórnarformaðurinn Jákup á Dul
Jacobsen, stofnandi Rúmfatalagersins, er
stjórnarformaður SMI.
Framkvæmdastjóri Eikar Garðar
Hannes Friðjónsson vildi ekki tjá sig um
kröfur fasteignafélagsins á hendur SMI.