Dagblaðið Vísir - DV - 29.12.2015, Blaðsíða 30

30 Fréttir Erlent Áramótablað 29. desember 2015
27.–29. apríl
Konur og börn frelsuð
Nígeríski herinn heldur af stað í
björgunarleiðangur inn í Sambisa-
frumskóginn í þeim erinda-
gjörðum að frelsa konur
og börn sem hryðju-
verkasamtökin Boko
Haram halda föngn-
um. Þegar allt var
yfir staðið 29. apríl
lágu yfir 400 liðs-
menn Boko Haram
í valnum, þrettán
búðir uppreisnar-
mannanna voru eyði-
lagðar og yfir 700 gíslum var
bjargað.
MAÍ
2. maí
Lítil prinsessa fæðist
Hertoginn og hertogynjan af
Cambridge, Vilhjálmur Breta prins
og Catherine, eignast sitt annað
barn. Um var að ræða stúlkubarn
sem hlaut nafnið Charlotte Eliza-
beth Diana. Hennar opinberi titill er
Charlotte prinsessa af Cambridge.
8. maí
Cameron endurkjörinn
Breski Íhaldsflokkurinn undir for-
ystu David Camerons vinnur sann-
færandi sigur á Verkamannaflokkn-
um í þingkosningum á Bretlandi.
Íhaldsmenn tryggja sér hreinan
meirihluta á þingi og er Cameron
endurkjörinn forsætisráðherra. Ed
Miliband, formaður Verkamanna-
flokksins, segir af sér daginn eftir
kosningar og afhroð. Íhaldsmenn
hljóta 331 sæti af 650, og bæta við
sig 24 þingsætum. Verkamanna-
flokkurinn nær 232 sætum og tapaði
26 frá síðustu kosningum. Frjáls-
lyndir demókratar undir forystu
Nick Clegg gjalda sömuleið-
is afhroð og ná aðeins
8 sætum eftir að hafa
myndað meirihluta
með Íhaldsmönnum
á síðasta kjörtímabili.
Clegg segir af sér.
16. maí
Dæmdur til
dauða
Mohamed Morsi, fyrrverandi forseti
Egyptalands, sem í apríl hlaut 20 ára
fangelsisdóm, er dæmdur til dauða í
öðru máli. Ákæran snérist um dular-
fulla fangelsisflótta fjölda meðlima
Múslimska bræðralagsins árið 2011.
22. maí
Sigur fyrir
samkynhneigða
Írar stigu skrefið til fulls
og lögleiddu hjóna-
bönd samkyn-
hneigðra og varð
fyrsta þjóðin til að
lögleiða slíkt með
þjóðaratkvæða-
greiðslu. Kjörsókn
var 60,5 prósent og
af þeim greiddu 62,1
prósent með tillögu
um það að breyta stjórn-
arskrá landsins og heimila hjóna-
bönd samkynhneigðra. Írska þjóð-
in hefur tekið stór skref í þessum
efnum enda eru aðeins 22 ár síðan
það var bannað með lögum að vera
samkynhneigður í landinu. Enda
Kerry, forsætisráðherra Írlands,
fagnaði niðurstöðunni.
JÚNÍ
4. júní
Tölvuþrjótar herja á
Bandaríkin
Bandarísk stjórnvöld greindu frá því
að tölvuþrjótar sem taldir eru vera
frá Kína hafi komist yfir persónu-
upplýsingar minnst fjögurra millj-
óna opinberra starfsmanna í einni
viðamestu tölvuárás á opinber
gagnaver þar í landi. Upp komst um
öryggisbrestinn í apríl en bandarísk
stjórnvöld segja að árásirnar kunni
að hafa byrjað síðla árs 2014.
26. júní
Strandgestir myrtir
38 ferðamenn voru myrtir á hinni
vinsælu ferðamannaströnd Port El
Kantaoui í Túnis. Árásarmaðurinn
var hinn 23 ára gamli Seifeddine
Rezgui. Líkt og með árásina í
Bardo-safninu í mars, lýstu
ISIS-samtökin ódæðinu á
hendur sér.
29. júní
Grikkir í bobba
Efnahagsvandræði
Grikklands héldu áfram
þegar 1,5 milljarða evra
skuld þjóðarinnar við Alþjóða-
gjaldeyrissjóðinn (AGS) gjaldféll.
Alþjóðlegir kröfuhafar Grikklands
neituðu að framlengja efnahags-
björgunaraðgerðir þjóðarinnar.
Bankakerfi Grikklands lamaðist og
lokaði eftir áhlaup viðskiptavina og
almenningur er sár og reiður.
JÚLÍ
5. júlí
Grikkir í kreppu
Grikkir halda þjóðaratkvæðagreiðslu
þar sem þeir fylgja fyrirmælum for-
sætisráðherrans Alexis Tsipras um
að hafna niðurskurðartillögum kröf-
uhafa þjóðarinnar sem var eitt af skil-
yrðum fyrir frekari efnahagslegum
björgunaraðgerðum þeirra. 61 pró-
sent þjóðarinnar hafnaði tillögunum
en leiðtogar annarra Evrópuríkja
segja að samningaviðræður við
Grikki muni halda áfram. Útlit er þó
fyrir að Grikkjum verði sparkað úr
myntbandalaginu. Bönkum er áfram
lokað í sex daga til viðbótar.
29. júlí
Leiðtogi látinn
Leyniþjónusta Afganistan greinir
frá því að talið
sé að Mullah
Muhammad
Omar, stofn-
andi talíbana,
hafi látist árið 2013
í Pakistan. Orðrómur
um dauða hans hafði ver-
ið þrálátur enda hafði hvorki spurst
til hans né sést í fjölda ára. Talí-
banar hafa hins vegar ekki staðfest
dauða Omars.
ÁGÚST
Flóttamenn
á hrakhólum
Sumarið 2015 rann það upp fyrir
þjóðarleiðtogum í Evrópu að
neyðarástand væri að skapast vegna
flóttamannastraums frá Sýr-
landi og Afganistan þar
sem fólk flúði stríðs-
átök og ægivald
hryðjuverkasamtaka.
Flóttamannaráð
Sameinuðu þjóð-
anna áætlaði í ágúst-
byrjun að þrjú þús-
und hælisleitendur og
flóttamenn myndu fara
um hina svokölluðu Balk-
anleið í leit að hæli í Vestur-
Evrópu. Angela Merkel og þýsk
stjórnvöld bjuggu sig undir að taka
á móti 800 þúsund flóttamönnum
og hælisleitendum. Þúsundir sýr-
lenskra flóttamanna leggja á sig lífs-
hættulega för til að ná til Evrópu og
fjölmargir lifa ekki af þá svaðilför.
Ástandið var grafalvarlegt og kast-
ljós fjölmiðla beindist að málefnum
flóttamanna.
17.–18. ágúst
Banvæn sprenging í
Bangkok
Sprengju var komið fyrir við
Erawan helgiskrínið, vinsælum
ferðamanna stað í Bangkok í
Taílandi. 20 manns láta lífið og á
annað hundrað særast í árásinni.
Degi síðar, 18. ágúst, springur önnur
sprengja í Bangkok en engan sakaði.
Enginn lýsti ábyrgð á hendur sér.
19.–20. ágúst
Grikkjum bjargað með
risaláni
Þýska þingið samþykkti þriðja
neyðarlánið til bjargar Grikk-
landi og þótti þetta mikill sigur
fyrir kanslarann Angelu Merkel.
20. ágúst höfðu aðrar Evrópuþjóðir
gert slíkt hið sama og Grikkjum var
bjargað fyrir horn. Björgunarpakk-
inn er metinn á rúma 95 milljarða
evra á þriggja ára tímabili. Grikkir
fengu fyrsta hlutann greiddan, 14,5
milljarða evra, eftir samþykktina.
Sama dag sagði Alexis Tsipras, for-
sætisráðherra Grikklands, af sér eftir
hörð innanflokksátök vegna neyðar-
lánsins. Bráðabirgðaríkisstjórn var
skipuð og ljóst varð að Grikkir þyrftu
að ganga til kosninga í þriðja skipt-
ið á árinu.
21. ágúst
Hetjudáð í Frakklandi
Þrír Bandaríkjamenn og Breti yfir-
buguðu karlmann vopnaðan AK-47
hríðskotariffli, skammbyssu og hníf
um borð í lest skammt fyrir utan
París í Frakklandi. Fyrir hetjudáð-
ina sæmdi Francois Hollande, forseti
Frakklands, fjórmenningana æðstu
heiðursorðu Frakka fyrir hugrekki sitt
og hetjudáð. Ljóst var að þeir höfðu
komið í veg fyrir mannskæða árás.
24. ágúst
ISIS eyðileggur
menningarminjar
Hryðjuverkjasamtökin héldu áfram
þeirri vegferð sinni að rústa fornum
og ómetanlegum menningarminj-
um. Að þessu sinni meðal
annars Baalshamin-must-
erið, einstaklega vel varð-
veitta byggingu í Palmyru,
og rómverskt kaþólskt
musteri frá fimmtu öld.
Skæruliðar ISIS afhöfð-
uðu einnig Khaled Assad,
81 árs gamlan fyrrver-
andi yfirmann fornminja í
Palmyra, eftir að hafa pynt-
að upp úr honum upplýsingar
um óuppgrafnar minjar í borginni.
Palmyra er söguleg borg í Sýrlandi,
þar sem er að finna ótal fornminj-
ar og rústir auk þess sem borgin er
á heimsminjaskrá Sameinuðu þjóð-
anna.
SEPTEMBER
Flóttamannavandi
Neyðarástand kemur upp í
Ungverjalandi þar sem þúsundir
flóttamanna sitja fastir á lestarstöð
í Búdapest. Þúsundir hæl-
isleitenda halda áfram
að leggja líf sitt í hættu
á hverjum degi til að
komast frá Afganistan,
Sýrlandi og Norður-
Afríku til Evrópu og
er Ungverjaland eitt
af þeim löndum sem
á leið þeirra verða. Við-
brögð ungverskra stjórn-
valda þykja sérstök. Ákveðið
er að reisa gríðarháa gaddavírs-
girðingu meðfram landamærum
Serbíu og settu lög þar sem heimil-
að er að handtaka flóttamenn sem
reyna að komast þaðan inn í landið
ólöglega.
Hinn 14. september funda leið-
togar Evrópusambandsþjóða til
að finna leið til að bregðast við
ástandinu en án árangurs. Bitbeinið
var tillaga Jean-Claude Juncker
að veita 120 þúsund hælisleit-
endum aukalega hæli innan ESB.
Skipulagður var fundur í október til
að ræða málin á ný.
1. september
Spilltur forseti
handtekinn
Þingið í Gvatemala samþykkti
einróma að svipta forseta lands-
ins, Otto Perez Molina, friðhelgi.
Daginn eftir segir Molina af sér.
Hinn 3. september tekur varaforseti
landsins við stjórnartaumunum og
Molina er handtekinn, sakaður um
spillingu.
20. september
Tsipras snýr aftur
Alexis Tsipras sem hrökklaðist
frá völdum sem forsætisráðherra
Grikklands í ágúst, nær aftur völd-
um eftir þriðju kosningarnar í
landinu á árinu. Hlýtur 35 prósent
atkvæða og 145 af 300 þingsætum
ásamt Syriz-flokki sínum.
KR flugeldaR
KR Heimilinu Frostaskjóli
Opið til kl.22 í dag
Og til kl.16 á gamlársdag