Dagblaðið Vísir - DV - 29.12.2015, Blaðsíða 76

48 Skrýtið Sakamál Áramótablað 29. desember 2015
Líkin í tunnunum
F
rá ágúst 1992 til maí 1999 voru
tólf manneskjur myrtar í Suð-
ur-Ástralíu. Flest morðanna
voru framin hér og þar í grennd
við Adelaide en voru kennd
við bæinn Snowtown enda höfðu lík
flestra fórnarlambanna verið flutt
þangað snemma árs 1999 og fundust
síðar þar. Aðeins eitt fórnar lambanna
var myrt í Snowtown en ekkert þeirra
eða ódæðismannanna var úr þeim
bæ.
Þann 20. maí, 1999, fundust átta lík
í plasttunnum í ónotaðri bankahvelf-
ingu í Snowtown. Þremur dögum síð-
ar fundust tvö lík niðurgrafin í bak-
garði í Salisbury, úthverfi norður af
Adelaide. Undir lok júní var búið að
bera kennsl á níu líkanna en rann-
sókn leiddi enn fremur í ljós að tvö
óupplýst morð að auki mátti bendla
við 'Snowtown-morðingjana'.
Forsprakkinn
Ódæðisfólkið var féleg hjörð eða hitt
þó heldur. Forsprakkinn var John
Justin Bunting. Talið er að hann
hafi verið driffjöðrin að baki öllum
morðunum. Uppáhaldsiðja hans í
bernsku var að brenna skordýr með
sýru og á unglingsaldri fékk hann dá-
læti á nýnasisma. Á fullorðinsaldri
þróaðist hjá honum botnlaust hatur á
hommum og barnaníðingum.
Fylgjendurnir
Bunting hitti Robert Joe Wagner
1991 og hvatti hann til að taka þátt í
morðunum.
Mark Ray Haydon var í genginu og
játaði sig síðar sekan um að hafa að-
stoðað við að ganga frá líkum fórnar-
lamba.
James Spyridon Vlassakis bjó hjá
Bunting, dróst smám saman inn
í hvort tveggja morð og pyntingar
en varð að lokum lykilvitni ákæru-
valdsins.
Elizabeth Harvey, móðir Vlassakis,
vissi af morðunum og tók þátt í að
minnsta kosti einu. Krabbamein
varð henni að aldurtila ekki löngu
eftir að Bunting, Wagner, Haydon og
Vlassakis voru handteknir.
Thomas Trevilyan tók þátt í einu
morði en var myrtur af félögum sín-
um árið 1997.
Treggáfuð mágkona Haydons,
Jodie Elliott, var í genginu. Hún var
hugfangin af Bunting en andlega
fatlaður sonur hennar var myrtur af
Bunting.
Vinir og kunnningjar
Hvað fórnarlömbin varðar virðist
sem duttlungar Buntings hafi mestu
ráðið í valinu á þeim. Einhver þeirra
grunaði Bunting um að vera bar-
aníðinga, önnur voru valin vegna
óbeitar hans á feitu fólki, fíkniefna-
neytendum eða samkynhneigðum.
Flest fórnarlambanna voru vinir
eða kunningjar í það minnsta eins úr
genginu og önnur voru einfaldlega
ættingjar.
Í kjölfar morðanna sveik gengið út
tryggingagreiðslur fórnarlambanna
en þó er ekki talið að það hafi verið
hvatinn að baki morðunum – heldur
einfaldlega drápslöngun Buntings.
Hvað sem því líður höfðu Bunting og
félagar andvirði um þrettán milljóna
íslenskra króna upp úr krafsinu með
þessum hætti.
Óhugnanlegur fundur
Það sem mætti lögreglunni þegar
hún kom inn í bankann í Snowtown
var eins og í verstu hryllingsmynd.
„Þetta var eins og í verstu martröð. Ég
held að enginn okkar hafi verið búinn
undir það sem við sáum,“ var haft
eftir einum þeirra lögreglumanna
sem fóru inn í hvelfinguna. Í banka-
hvelfingunni var grúi af tólum sem
morðingjarnir höfðu beitt við mis-
þyrmingar og morð sín; hnífar, sög,
haglabyssa, reipi, límband, gúmmí-
vettlingar og klútar. Einnig var þar
tæki til að gefa rafstuð.
Frekari rannsókn leiddi í ljós að
hversdagsleg áhöld á borð við nagl-
bít, töng og klemmu höfðu verið not-
uð við langdregnar pyntingar.
Fórnarlömbin I
Clinton Trezise var myrtur í ágúst
1992 í stofunni heima hjá Bunting í
Salisbury North. Honum hafði verið
boðið í heimsókn og hann síðan bar-
inn til dauða með skóflu. Lík hans
fannst í grunnri gröf árið 1994.
Í desember 1995 var Ray Davies,
andlega fatlaður maður sem bjó í
hjólhýsi í bakgarði Suzanne Allen,
vinkonu John Bunting. Hún sakaði
Ray um að vera barnaníðingur og þá
voru dagar hans taldir.
Suzanne kembdi ekki hærurnar,
hlaut sömu örlög og Davies og var
grafin ofan á honum í garðinum
heima hjá Bunting.
Michael Gardiner var sendur yfir
móðuna miklu í ágúst 1997. Hann var
samkynhneigður og Bunting grunaði
hann einnig um barnagirnd.
Homminn og klæðskiptingurinn
Barry Lane var í sambandi með
Robert Joe Wagner þegar Wagner
kynntist Bunting. Síðar rugluðu Lane
og Thomas Trevilyan saman reyt-
um. Lane var pyntaður áður en hann
var myrtur í október 1997 og tók
Trevilyan þátt í því.
Sama ár fannst Trevilyan hengdur í
tré. Hann var myrtur eftir að hafa verið
helst til lausmáll um morðið á Lane.
Fórnarlömbin II
Gavin Porter var heróínfíkill og vinur
James Spyridon Vlassakis. Eftir að
Bunting stakk sig á sprautunál sem
Porter hafði skilið eftir í sófa voru
örlög Porters ráðin – hann var kyrktur.
Troy Youde, hálfbróðir Vlassakis
og sonur Elizabeth Harvey, var í sept-
ember 1998 dreginn úr rúminu og
myrtur og tók Vlassakis þátt í því.
Í sama mánuði var Fred Brooks,
andlega fatlaður sonur Jodie Elliott,
n Aðeins eitt Snowtown-morðanna var framið í Snowtown n Sum líkin voru grafin, önnur sett í tunnur og komið fyrir í geymslu
Vinkona John Bunting Suzanne Allen
olli óbeint dauða eins fórnarlambanna og
var síðan myrt sjálf.
Á vettvangi
Lögreglumaður skoðar
verksummerki.
John Bunting og
Robert Wagner
Sá fyrrnefndi var drif-
fjöðrin í ódæðunum.
„ Í bankahvelf­
ingunni var grúi af
tólum sem morðingjarn­
ir höfðu beitt við mis­
þyrmingar og morð sín;
hnífar, sög, haglabyssa,
reipi, límband, gúmmí­
vettlingar og klútar.
Göldrótt súpa og
gómsætur humar
Eyrarbraut 3, Stokkseyri · Sími: 483 1550
info@fjorubordid.is · www.fjorubordid.is