Dagblaðið Vísir - DV - 28.04.2015, Blaðsíða 36

Vikublað 28.–29. apríl 201524 Lífsstíll
Þegar líða
fer að sumri
n sumarið skemmtilegur tími n líkamsrækt utan dyra n Hollt og gott á grillið
g
leðilegt sumar kæru
lesendur! Ég held að það
séu flestir hér á klakanum
orðnir spenntir fyrir kom­
andi sumri, enda komið
gott af snjó og kulda í bili. Þessi vet­
ur var ekkert lamb að leika sér við og
höfum við Íslendingar svo sannar­
lega unnið okkur fyrir sól og hita.
Svo þarf að krossleggja fingur svo að
það rætist eitthvað úr því. Engu að
síður fylgir sumrinu ögn meiri hiti,
birta, hækkandi sól og önnur gleði,
sem er ekkert nema jákvætt.
Mér finnst sumarið virkilega
skemmtilegur tími, það verða allir
eitthvað svo léttir í lundu og jákvæð­
ir. Svo er hægt að nýta hlýnandi
veður til þess að njóta útiverunnar,
grilla og hafa gaman.
Útiveran
Mér finnst leiðinlegt að sjá hvernig
fólk kýs nú orðið að fara allra sinna
ferða á bíl. Ég hef því tamið mér að
fara reglulega í göngutúr á kvöldin
þegar veður leyfir og hyggst setja
stefnuna á að verða duglegri og
gera það oftar með sumrinu. Það er
nefnilega lúmskt gott að fara í stutta
göngu, þarf ekki að vera nema 30
mínútur til að fá blóðflæðið af stað,
hreinsa hugann og anda að sér
fersku lofti. Við notum göngutúra
óspart í æfingarplönum Betri ár­
angurs og gerum það til að hvetja
aðrar til að njóta útiverunnar.
Það er um að gera að stíga út fyr­
ir þægindaramman og líkamsrækt­
arstöðina og fá smá fjölbreytni í
hreyfinguna.
Það er hægt að fara í göngu­
túra, hjólreiðatúra, renna sér á línu­
skautum, stunda útihlaup eða jafn­
vel fara í sund og synda nokkrar
ferðir. Það skemmtilega við útiver­
una er að hana má líka stunda með
öðrum eins og til dæmis fjölskyldu
og vinum og þannig gera sér góð­
an dag.
Betri kostir á grillið
Með hækkandi sól er grillið dregið
fram og flestir góðir sólardagar nýtt­
ir í slíka eldamennsku. Það er hægt
að hafa betri kosti bak við eyrað við
grillið eins og í eldhúsinu. Ég fékk
vinkonur mínar í heimsókn um
daginn og matreiddi fyrir þær dýr­
indis hamborgara og kartöflubáta
sem ég færði að sjálfsögðu í hollari
búninginn og smellti myndum af
til að deila þeirri snilld með öðrum.
Það var ekki veður fyrir útigrillið, en
heilsugrillið mitt stóð fyrir sínu. n
„Gúrmara“
hamborgarinn
Ég hef það á tilfinningunni að þessi verði
matreiddur oft í sumar. Úr þessari upp-
skrift má gera um 4–5 hamborgara
Það sem þú þarft í
hamborgarakjötið er:
n 600 g nautahakk (ég kaupi hakkið
oftast nær í kjötbúð, þar sem það er
hreinna en það sem fæst í pakka í
stórmörkuðunum)
n 1 heilt egg
n 1 lítinn snakkpoka (ég notaði svart
Doritos)
n Salt og pipar ásamt Fajita spice mixi
frá Santa Maria
Meðlæti:
n Lífskornabollur
n Sýrður rjómi, 5 prósent
n Salsasósa
n Avókadó
n Jalapeno
n 17 prósent ostur
n Iceberg
Ég nota alltaf Lífskornabollurnar sem
hamborgarabrauð því þær eru talsvert
matarmeiri og betri kostur en hvítu
hamborgarabrauðin. Svo vel ég fitu-
minnsta ostinn og sýrða rjómann.
Hamborgarakjötið útbúið
Ég setti hakkið í skál og stappaði það
niður með gaffli, þegar það var orðið
lausara í sér bætti ég egginu við sem
mýkir hakkið en festir það jafnframt
betur saman, þannig verður auðveldara
að gera bollur úr því.
Til þess að hafa smá mexíkanskt
bragð á þessu, í samræmi við meðlætið
sem ég valdi ofan á hamborgarana,
bætti ég við um lúku af svörtu Doritos
sem ég var búin að mylja vel niður.
Áður en ég gerði bollurnar setti ég
salt og pipar út á hakkið ásamt fajitas-
kryddinu, en það gefur mjög gott bragð.
Úr þessu gat ég gert um fjórar bollur
sem ég gerði að hamborgurum og setti
svo á heilsugrillið og grillaði þar til þeir
voru tilbúnir.
Hamborgarinn gerður klár:
Ég tók svo kjötið af grillinu og setti ost
ofan á hvert stykki fyrir sig sem bráðn-
aði meðan ég hitaði Lífskornabollurnar
á grillinu.
Því næst dreifði ég smá avókadó,
sýrðum rjóma og salsasósu á efri og
neðri hluta brauðsins eftir smekk, kjötið
sett fyrir miðju og ofan á bætti ég við
smá jalapeno og iceberg.
Kartöflubátar á betri máta
Ég var mjög sátt við hollari útgáfuna á
kartöflubátunum mínum sem hægt er
að borða með góðri samvisku samhliða
grillmatnum í sumar.
Það sem þú þarft er:
n Bökunarkartöflur
n Fituminni eldunarúði
n Salt og pipar
Aðferð
Ég skar bökunarkartöflurnar niður í
þunnar skífur og raðaði þeim á ofnskúffu
með bökunarpappír undir. Því næst
úðaði ég yfir þær olíunni og saltaði og
pipraði vel.
Þetta setti ég í ofninn og tók út eftir
um 20 mínútur, eða þegar skífurnar voru
orðnar brúnaðar og stökkar á endunum.
Alexandra Sif
Nikulásdóttir
ale_sif@hotmail.com
Göngutúr „Gott er að fara í
göngutúr á kvöldin. Á sumar-
daginn fyrsta fór ég í göngutúr
með Lilju vinkonu minni og strák-
unum hennar, Castro og Erró.“
SEPT O AID eru þurrfrystar örverur tilbúnar til
að brjóta niður allan lífrænan úrgang í rotþróm.
Kemi • Tunguhálsi 10, 110 Reykjavík • www.kemi.is • Sími: 415 4000
Opið: Mánudag - fimmtudags: Frá kl. 8.00-17.30. Föstudaga: Frá kl. 8.00-17.00.
KOMDU ROTÞRÓNNI
Í LAG MEÐ
SEPT-O-AID
UMHVER
FISVÆN
VARA F
RÁ KEM
I
Samsetning 13 mismunandi örvera hjálpar til að vinna á og minnka fastan úrgang
og breyta í fljótandi form ásamt því að eyða allri ólykt frá rotþrónni. Einfalt í notkun;
sett í klósett skálina og beðið í 20 mínútur, því næst er efninu skolað niður.