Skagfirðingabók - 01.01.2015, Síða 56

SKAGFIRÐINGABÓK
56
að aðlagast nýjum tímum, en standa þó
föstum fótum í því sem eldra er, tengja
saman tvenna tíma í sjálfum sér. Þannig
varð hann mér hugmynd þess bjargs sem
ekki bifast í rótleysi okkar tíma.
Það er erfitt að lýsa Óla Bang í fáum
orðum. Þótt það nái ekki langt er það
þó áleiðis er ég segi að hann hafi verið
höfðingi. Ekki var hann það aðeins í
verkum sínum heldur líka í lund. Hann
umgekkst þá jöfnum hætti sem kallaðir
eru olnbogabörn lífsins og þá sem telja
sig yfir aðra setta. Ég hygg að hann hafi
lagt mikið kapp á að þroska með sér þau
verðmæti sem margir gefa lítið fyrir í dag
en kalla má manngildi.“
X
OLE BANG var einn af stofnendum
Rotaryklúbbs Sauðárkróks, eins og
komið hefur fram, og sótti fundi hans
reglulega. Árið 1966 stofnuðu þeir félagar
innanhússtímarit sem þeir kölluðu
Rafpóstinn til heiðurs Adolf Björnssyni
rafveitustjóra og Ólafi Stefánssyni
póstmeistara. Rotarymenn skiptust á að
skrifa vikulega pistla í Rafpóstinn og eru
margir tengdir viðburðum í bæjarlífinu,
en jafnoft rita menn um hugðarefni sín.
Hver félagi las síðan sinn pistil á fundum
klúbbsins. Bang er höfundur Rafpóstsins
vikuna 7.–14. júlí 1966, en hann heldur
ekki á penna því að íslenskan er ekki hans.
Jón Ormar Ormsson var „léttadrengur á
ritstjórninni“. Bang segir:
„Því miður hef ég haft í svo mörgu að
snúast, að ég hef ekki séð mér fært að
afla neinna bæjarfrétta þessa viku. Ýmist
hefur verið mikið að gera vegna tals-
verðra umferðarkvilla. Þar næst heimsókn
fimm manna fjölskyldu laugardag og
sunnudag vegna garðaúðunar í bænum.
Á mánudaginn tók svo við opinbert
eftirlit í Apótekinu – og daginn eftir, það
er þriðjudag, hófst niðurjöfnun útsvara
fyrir Sauðárkróksbæ, og hefur staðið dag
og nótt síðan, má heita. Þrátt fyrir þetta,
verð ég að viðurkenna, að ég hef ekki
komist hjá því að taka eftir, að komnar
eru nýjar útidyrahurðir í Apótekinu.
Í sambandi við garðaúðunina, sem ég
minntist á áðan, þá var þetta gert á vegum
garðyrkjunefndar, sem Rotaryklúbburinn
er aðili að. Svo óheppilega vildi til, að allan
laugardaginn var rigning og því ekki hægt
hefjast handa þann daginn. Sunnudaginn
var aftur á móti full hvasst, en þá voru
samt úðaðir 30 garðar hér í bænum. Í
sambandi við útrýmingu fífla er notað
hermonaeitur, en því varð að sleppa í
þetta skiptið, þar sem slík úðun útheimtir
algert logn. Á næsta ári er áætlað að úða
miklu fyrr, og áður en trén eru laufguð,
og hefur það þann kost með sér, að þá er
hægt að nota eiturtegund, sem er ólíkt
hættuminni.
Framtalsnefnd bæjarins tók til starfa
þriðjudaginn 12. júlí kl. 5, og eru fyrstu
fundirnir um almennar álagsreglur. Kl. 8
um kvöldið mætti svo nefndin aftur og
hófst þá niðurjöfnun. Upphæðin, sem á
að jafna niður er kr. 5.786.000, og með
5–10% fyrir afföllum, gerir þetta ca. kr.
6.300.000. Gjaldendur eru um það bil
630.
Síðastliðið föstudagskvöld komu
Haraldur Júlíusson og frú heim úr
sinni utanlandsreisu til Skotlands og
Norðurlanda. Er ánægjulegt að hafa
Harald hér á fundi hjá okkur aftur og
biður Rafpósturinn þau hjónin velkomin
heim, einnig biður Rafpósturinn Hauk
Jörundsson velkominn aftur til Íslands.