Fréttatíminn - 15.04.2016, Síða 26

Jón Ágúst hætti í handbolta
vegna félagslegrar útskúf-
unar fyrir að vera hinsegin.
Í búningsklefanum var hann
skotmark ósvífinna ummæla
og ásakana. Eftir því sem
liðið fjarlægðist hann meira
því minna fékk hann að
spila. Jón Ágúst kallar eftir
skýrri stefnu og aðgerðum
frá ÍSÍ í jafnréttismálum.
Svanhildur Gréta Kristjánsdóttir
svanhildur@frettatiminn.is
„Ég var aldrei settur í liðið og var
látinn sitja á bekknum á æfingum.
Ég var útskúfaður af liðinu mínu
og þjálfarinn tók þátt í því,“ segir
Jón Ágúst Þórunnarson, tvítugur
menntaskólanemi. Undanfarin
ár hefur Jón Ágúst tekið þátt í
jafningjafræðslu Samtakanna ‘78
en hann öðlaðist nægan frítíma
þegar hann lagði handboltaskóna
á hilluna. Alla tíð hefur Jón Ágúst
heillast af íþróttum og reyndi fyrir
sér í ýmsum greinum. „Ég valdi
að einblína á handboltann því
hann er stundaður á veturna. Ég
er skilnaðarbarn og varði miklum
tíma sumarsins úti á landi hjá
pabba svo það hentaði best.“
Jón Ágúst æfði handbolta hjá
íþróttafélaginu HK og segir fyrstu
árin hafa gengið vel. „Ég var með
þeim bestu, ég er tveir metrar á
hæð svo það var minn styrkleiki.
Ég spilaði alltaf með A flokki og
hafði ótrúlega gaman af íþrótt-
inni. Ég nældi mér í dómararétt-
indi og þjálfaréttindi svo hand-
boltinn átti mig allan. Í dag get ég
ekki fylgst með handbolta vegna
saknaðar, ég vil bara hlaupa út á
völlinn og spila með. Ég fylg-
ist hinsvegar með flest öðrum
íþróttum.“
Hlærð með eða hent út
Þegar Jón Ágúst komst í þriðja
flokk var hann í tíunda bekk í
grunnskóla og segir stemninguna
í búningsklefanum verða grófari.
Brandararnir voru á hans kostnað,
karlremba ríkti og hópþrýstingur.
„Þeir karlar sem hafa stundað
íþróttir vita að ákveðin klefa-
menning ríkir, ég veit ekki hvernig
það er hjá stelpunum en ég get að-
eins talað fyrir mína upplifun. Það
er sífellt verið að grínast á kostnað
annarra og stundum er farið
svo langt yfir strikið að það var
ómögulegt að þykjast hafa húmor
fyrir því. Það eru rassskellingar,
verið að kommenta á kynfæri
manns, homma- og kerlingabrand-
arar. Hinsegin fólk er ekki eina
skotmarkið heldur líka útlending-
ar og fólk sem er annarrar trúar.“
„Búningsklefinn er heimur út af
fyrir sig. Þar er stemning sem sést
ekki í skólanum, þar er oftast ein-
hver sem hefur stjórn á hlutunum.
Í klefanum þá ertu annaðhvort
með eða ekki, ef þú ætlar að vera
hluti af liðinu þá tekur þú þátt í
stemningunni á kostnað annarra.
Það er ekki nóg að vera góður á
vellinum, til þess að vera í liðinu
þarftu að vera hluti af hópnum.
Mér var einfaldlega bolað út og
það ríkti algjör þöggun yfir því.
Ég reyndi að leita til yfirþjálfarans
en það skilaði engu. Sá sem bregst
ekki við einelti er þátttakandi í
einelti, þjálfararnir vissu alveg
hvað var í gangi. Þess vegna talar
enginn um þessi málefni af ótta
við að vera hent úr hópnum og í
kjölfarið vera settur á bekkinn.
Aðeins núna get ég tjáð mig opin-
berlega um þessi málefni því ég er
hættur í handbolta.“
Ásakaður um að stara
Jón Ágúst lýsir síðasta ári grunn-
skólans sem erfiðum tíma í sínu
lífi. Með honum í skóla voru strák-
ar úr handboltanum sem gerðu
honum lífið leitt í klefanum í
skólasundi. „Strákur úr handbolt-
anum ásakaði mig um að horfa
á sig því hann vissi að ég væri
hinsegin. Það var auðvitað algjört
bull en hann ætlaði að ráðast á
mig. Ég er heppinn að vera hávax-
inn og mikill íþróttamaður svo ég
varð lítið fyrir líkamlegu ofbeldi á
skólagöngunni og í þessu tilfelli þá
labbaði ég bara burt.“
„Í menntaskóla hætti þjálfar-
inn að leyfa mér að spila nema
einstaka sinnum í stöðum sem
hentuðu mér ekki. Að lokum var
ég settur á bekkinn á æfingum
líka. Yngri strákar úr öðrum
flokkum voru kallaðir til að fylla
æfingarnar því það vantaði mann-
skap á meðan ég var látinn horfa
á. Á þeim tímapunkti hætti ég að
vilja mæta, ég var ekki tilbúinn
til þess að fórna öllum mínum
tíma í það að horfa á æfingar fimm
sinnum í viku. Þetta var særandi
og mjög erfiður tími því ég á erfitt
með höfnun. Ég þekki fleiri aðila
sem hættu vegna sömu ástæðu og
ég, íþróttafólk sem átti framtíðina
fyrir sér.“
ÍSÍ þarf að fræða
Fræðslustarf á vegum ÍSÍ um fjöl-
breytt jafnréttismál segir Jón
Ágúst vera nauðsynlegt fyrsta
skref. Þjálfarar til jafns við íþrótta-
fólk þurfa á fræðslu að halda. „ÍSÍ
þarf að marka sér skýra stefnu í
þessum málefnum og þróa sjálf-
bært fræðslustarf fyrir þjálfara og
íþróttafélög. Það er ekki hægt að
treysta á skólana eða félagasam-
tök í þessum málum, það verður
að koma skýr afstaða frá ÍSÍ. Töl-
fræðin gengur ekki upp, að það sé
enginn hinsegin í karladeildum
íþrótta. Fólk þorir ekki að stíga
fram af ótta við útskúfun. Ef þú
sýnir að þér sé misboðið, sýnir
veikleika, þá ertu ekki lengur
með.“
Jón Ágúst hefur í nægu að snú-
ast en hann útskrifast af íþrótta-
fræðibraut í vor og sinnir fræðslu-
starfi samhliða því. Hann getur vel
ímyndað sér að taka þátt í fræðslu-
starfi íþróttafélaga í framtíðinni.
„Ég hef trú á því að hlutirnir geti
breyst en til þess þurfum við að
horfast í augu við vandamálið. Það
eiga ekki fleiri að hætta í íþróttum
fyrir það eitt að vera öðruvísi.“
Strákur úr handboltanum sakaði mig
um að horfa á sig því hann vissi að ég væri
hinsegin. Það var auðvitað algjört bull en
hann ætlaði að ráðast á mig.
Búningsklefinn er
heimur fordóma
Jón Ágúst stundaði hand-
bolta af miklu kappi þar
til honum var meinað að
spila og taka þátt í æfingum.
Hann segir þekkingarleysi
og fordóma gagnvart minni-
hlutahópum vera áberandi í
búningsklefanum.
Mynd|Rut
BRATISLAVA
BORGARFERÐ
Frá kr. 63.900
2fyrir1
Netverð á mann m.v.
2 í herbergi með
morgunmat.
5. maí í 4 nætur
Hotel
Falkensteiner
Bir
t m
eð
fy
rir
va
ra
um
pr
en
tvi
llu
r.
He
im
sfe
rð
ir
ás
kil
ja
sé
r r
étt
til
le
iðr
étt
ing
a á
sl
íku
. A
th.
að
ve
rð
ge
tur
br
ey
st
án
fy
rir
va
ra
.
E
N
N
E
M
M
/
S
IA
•
N
M
74
86
2
5.-9. maí
Skelltu þér í
RÓM
Frá kr. 79.900
Stökktu
Netverð á mann m.v.
2 í herbergi með
morgunmat.
28. apríl í 4 nætur.
Stökktu
28. apr -2. maí
Stökktu
LJUBLJANA
Frá kr. 65.900
2fyrir1
Netverð á mann m.v.
2 í herbergi með
morgunmat.
13. maí í 3 nætur.
Hotel City
5.-9. maí
BÚDAPEST
Frá kr. 62.900
2fyrir1
Netverð á mann m.v.
2 í herbergi með
morgunmat.
12. maí í 4 nætur
Hotel Mercure
Buda
12.-16. maí
2fyrir1
2fyrir1
2fyrir1
Frá kr.
62.900
m/morgunmat
FY
RI
R2 1
& SÉRTILBOÐ
STÖKKTU
VALENCIA
Frá kr. 69.900
2fyrir1
Netverð á mann m.v.
2 í herbergi með
morgunmat.
5. maí í 4 nætur.
Senator Parque
Central
5.-9. maí
2fyrir1
26 | FRÉTTATÍMINN | HELGIN 15. APRÍL–17. APRÍL 2016