Fréttatíminn - 15.04.2016, Síða 91

Unnið í samstarfi við GÁP
„Við erum alhliða hjólabúð sem
leggur metnað í að veita góða
persónulega þjónustu fyrir allt reið-
hjólafólk. Hjá okkur færðu allt frá
sparkhjólum fyrir yngstu kynslóðina
upp í flottustu keppnishjól og allt
þar á milli. Við erum með hjól í
öllum verðflokkum,“ segir Mogens
L. Markússon, verslunarstjóri í GÁP
í Faxafeni. „Hér færðu allt sem þú
þarft til þess að stunda hjólreiðar,
sama hvort það snýr að fatnaði eða
fylgihlutum.“
Í GÁP má finna hin ýmsu hjólreiða-
merki. „Við erum með merki eins
og Mongoose, sem við höfum boðið
upp á í fjölmörg ár, Cannondale sem
eru amerísk hjól og nýlegt merki hjá
GÁP heitir Kross, sem eru gríðarlega
vönduð pólsk hjól,“ segir Mogens.
„Kross er að verða mjög stórt merki
hjá okkur. Kross býður upp á mjög
breiða línu reiðhjóla, einmitt frá
sparkhjólum til milljóna króna
keppnishjóla, ásamt öllum auka-
búnaði sem þarf. Kross Trans Solar
er hjól sem er orðið afar vinsælt hjá
fullorðnum en það kemur fullbúið og
klárt með öllum aukabúnaði.“
Að sögn Mogens hefur orðið
gríðarleg aukning í sölu keppnishjóla
að undanförnu. „Það hefur orðið
algjör sprenging síðustu ár, sérstak-
lega eftir að WOW Cyclothon kom
til. Krúnudjásn keppnishjólanna eru
hin frægu Cannondale hjól en frá
okkur fer einmitt 10 manna lið í ár,
á slíkum hjólum,“ segir Mogens og
hlær. „Cannondale hefur síðastliðna
fjóra áratugi farið sínar eigin leiðir í
nýsköpun til að hanna hið fullkomna
hjól.“
Í GÁP er einnig hægt að sérpanta
Cannondale hjól sem sniðin eru að
þörfum hvers og eins. „Við erum
með það sem kallast bike-fit, þá
mælum við fólk upp og finnum
rétta hjólið. Það er auðvitað enginn
eins og þannig er hægt að finna hjól
sem hentar hverjum og einum,“
segir Ragnar Kristján Jóhannsson,
einn af starfsmönnum GÁP.
Breiðhjól (e. fatbike) njóta einnig
vaxandi vinsælda en slík hjól komast
upp um fjöll og firnindi. „Þetta eru
virkilega skemmtileg hjól og auðvelt
að hjóla á þeim. Útlit hjólanna er
svolítið blekkjandi, þau líta út fyrir
að vera þung og jafnvel erfið viður-
eignar en svo er ekki. Gott breiðhjól
er ekkert þyngra en hefðbundið
fjallahjól,“ segir Ragnar.
Unnið í samstarfi við
Blue Lagoon Challenge
„Árið 1996 fengu 12 vinir og félagar
þá hugmynd að hjóla saman úr
Hafnarfirði að Bláa lóninu, keppa
sín á milli og baða sig í Bláa lóninu
að lokinni keppni. Ári síðar voru
keppendur átta en þátttakan hefur
vaxið jafnt og þétt síðan,“ segir
Bjarni Már Gylfason hjá Hjólreiða-
félagi Reykjavíkur um Blue Lagoon
Challenge sem fer fram þann 11. júní
næstkomandi.
Í fyrra voru um 700 keppendur en
í ár stefnir í að þeir fari langt yfir eitt
þúsund en nú þegar hafa yfir 900
hundruð keppendur skráð sig. Allt
eins má búast við 1200 keppendum
sem þýðir hundraðföldun á kepp-
endafjölda frá upphafi
Var nördasamkoma og jaðarsport
Bjarni segir þessa miklu fjölgun á
þátttakendum vera lýsandi fyrir þá
miklu og jákvæðu þróun sem hafi
verið á hjólreiðum á Íslandi síðustu
ár. Bæði hafa keppnishjólreiðar verið
að vaxa mikið en líka hjólreiðar sem
almenningsíþrótt.
„Blue Lagoon Challenge er í raun
blanda af þessu tvennu. Annars
vegar mikilvæg keppni fyrir hjóla-
menn en líka mikilvægur almenn-
ingsíþróttaviðburður. Að mörgu leyti
má segja að keppnin sé ákveðið
mótvægi við Reykjavíkurmaraþonið,
nema á fjallahjólum. Þetta er 60 kíló-
metra leið yfir frekar grýtt og erfitt
svæði, það er hjólað úr Hafnarfirði
framhjá Hvaleyrarvatni, upp Krýsu-
víkina og svo er hjólað Djúpavogs-
leiðina gegnum allt Reykjanesið í átt
að Grindavík og að Bláa lóninu. Það
eru rosalega margir að nota tímana
sína og árangur sem viðmið frá ári til
árs. Keppnin er hápunktur tímabils-
ins hjá mörgum, svona eins og fólk
er að nota Reykjavíkurmaraþonið,“
segir Bjarni og bætir við að keppnin
sé farin frá því að vera frekar frum-
stætt jaðarsport eða „nördasam-
koma“ yfir í að verða langstærsti
fjallahjólaviðburður landsins. „Þetta
er orðinn almenningsviðburður sem
dregur til sín alls konar fólk. Þarna
hafa menn verið að taka sín fyrstu
skref á fjallahjólum,“ segir Bjarni.
Tveggja tíma múrinn erfiður
Á upphafsárum keppninnar var
ásjóna Bláa lónsins töluvert langt
frá þeirri sem nú blasir við. „Það má
segja að þessi keppni hafi vaxið með
Bláa lóninu sjálfu. Þegar við vorum
að byrja þá var Bláa lónið bara blátt
heilnæmt vatn úti í hrauni og frekar
frumstæðir klefar. Ástæðan fyrir
því að Bláa lónið varð fyrir valinu að
þarna var einhver sturta og það var
hægt að baða sig. Nú er þetta orðið
að vinsælasta ferðamannastað lands-
ins með einstaka ásýnd og ímynd.
Það er okkur mikils virði að geta gert
haldið svona mót í samstarfi við Bláa
lónið,“ segir Bjarni sem sjálfur tók
fyrst þátt árið 2008 og hefur keppt
öll árin síðan þá, utan eins.
„Ég er svo heppinn að ég hef alltaf
bætt mig en nú fer það að verða
þrautin þyngri því að ekki yngist ég,
samkeppnin harðnar. Fyrsta árið
sem ég fór var ég í einhverja þrjá og
hálfan tíma að þessu og restina af
sumrinu að jafna mig. Nú er maður
kominn niður í tvo tíma en þar lenda
margir á vegg. Þeir allra bestu hafa
verið að fara leiðina á u.þ.b. 1:40.“
Sterkir erlendir keppendur
Fjölmargir erlendir keppendur eru
farnir að venja komu sína í Blue
Lagoon Challenge og þeir verða sí-
fellt fleiri með hverju árinu. „Keppnin
er farin að draga að sér mjög sterka
erlenda keppendur. Þetta hefur
mjög góð áhrif á okkar bestu menn
og dregur fram það besta í þeim.
Samkeppnin er mikill hvati. Okkar
bestu menn hafa átt virkilega góða
keppni síðustu 2-3 árin, ekki síst
vegna þessa. En að komast í tæri við
reynda hjólamenn færir keppnina á
æðra plan. Í sumar eigum við von
miklu meiri fjölda en áður sem er
mikil lyftistöng fyrir keppnina,“ segir
Bjarni.
Leiðin sem er hjóluð er vel grýtt
og segir Bjarni um 60% vera malar-
vegi og margir býsna grófir. „Út-
lendingar sem hingað koma hafa
aldrei hjólað í svona umhverfi. Þeir
hafa alveg hjólað í möl en þetta er
öðruvísi, það er þetta hraungrjót, litir
í landslaginu og svo drullan þegar
rignir. Það er mikil upplifun fyrir
þá að hjóla í gegnum jarðsöguna
okkar, vitandi það að Reykjanesið er
sjóðheitur reitur sem iðar af orku.
Það verður allavega mikill kraftur á
Reykjanesinu 11. júní.“
Hundraðföldun á 20 árum
Lítil nördasamkoma breytist í almenningsviðburð
Keppendur í Blue Lagoon Challenge þurfa að takast á við grófa
malarvegi og hraungrjót.
Í Blue Lagoon Challenge er hjóluð 60 kílómetra leið.
Búist er við yfir eitt þúsund keppendum í ár.
Alhliða hjólabúð með góða
og persónulega þjónustu
Í GÁP færðu allt frá sparkhjólum fyrir yngstu kynslóðina upp í flottustu keppnishjól og allt þar á milli
Í GÁP færðu allt fyrir hjólreiðar og hjól í öllum verðflokkum.
Mogens L.
Markússon
verslunarstjóri
GÁP í Faxafeni.
|19fréttatíminn | HELGiN 15. APRÍL–17. APRÍL 2016
Kynningar | Hjól