Fréttatíminn - 06.05.2016, Blaðsíða 48

Sólrún Lilja Ragnarsdóttir
solrunlilja@amk.is
Fanney Dóra Sigurjóns-dóttir er menntuð sem félagsráðgjafi en hefur alltaf haft ástríðu fyrir matargerð. Eftir að hafa
starfað sem félagsráðgjafi um tíma
ákvað hún að söðla um, elta draum
sinn og prófa að starfa sem kokkur.
Fyrst í Noregi en svo á veitingastað
Jamie Oliver í Brighton – Jamie’s
Italian – þar sem hún hefur starfað
í tæp tvö ár.
Skaust á prufuvakt
„Ég sá auglýst starf á staðnum
hans í Brighton, þar sem ég hafði
borðað nokkrum árum áður og
líkað vel. Ég ákvað að sækja um, ég
sæi aldrei eftir því. Fékk strax svar
og var beðin um að koma á prufu-
vakt, þannig ég skaust frá Noregi
til Bretlands í vaktafríinu mínu, og
var komin með vinnuna strax eftir
vaktina.“ Fanney átti aldrei von á
því að fá starfið, hvað þá að þetta
gengi svona hratt fyrir sig. Hún fór
einfaldlega á prufuvaktina til að fá
að fá að vera í Jamie Oliver eldhúsi
í nokkrar klukkustundir. Dvölin
varð hins vegar aðeins lengri,
henni til mikillar ánægju.
Jamie Oliver hafði lengi verið
í uppáhaldi hjá Fanneyju, enda
kann hún að meta viðhorf hans til
matargerðar. Það var því draumi
líkast að landa starfi á veitinga-
húsi í hans eigu. „Ég hafði auðvitað
bara verið að vinna sem félags-
ráðgjafi og var ekkert á leið í fullt
starf í matreiðslu. En ég tók bara
sénsinn og allt fór að rúlla,“ segir
Fanney sem sýndi matargerð strax
áhuga þegar hún var barn. „Matur
hefur alltaf verið stór þáttur í fjöl-
skylduviðburðum, svo áhuginn
kom bara um leið og ég fór að
hafa vit. Pabbi er frábær grillari
sem gaman er að fylgjast með og
mamma bakar alltaf um helgar. Ég
man eftir því að þegar ég var að
byrja að baka ein, þá setti mamma
þá reglu að ég yrði að taka til eftir
mig. Ég var algjör tætubuska í
byrjun,“ segir Fanney hlæjandi.
Prófar sig áfram
í íslenskri matargerð
Eftir mikið ævintýri hjá Jamie Oli-
ver er Fanney nú á leið heim til Ís-
lands. Henni finnst tími til kominn
að prófa sig aðeins áfram í íslenskri
matargerð og er komin með vinnu
hjá Gísla Matthíasi Auðunssyni,
eiganda Matar og drykkjar. „Ég
verð með honum í Vestmanna-
eyjum á fjölskylduveitingastaðnum
Slippnum, sem hann á þar. Ég verð
með bísperrt eyru og augu að læra
á íslenskt hráefni af þessum færa
kokki. Eftir sumarið er svo ekkert
ákveðið, en ég hef verið heppin
með tækifæri hingað til svo
eg hef litlar áhyggjur,“
segir Fanney full af til-
hlökkun.
En það er líka fjöl-
skyldan sem kallar á
hana. „Ég hef verið
erlendis í fjögur ár
en núna finnst mér
mikilvægt að koma
heim, taka þátt í lífi fjöl-
skyldu minnar og vina
– svona þegar ég er ekki að
vinna,“ segir hún kímin.
Fanney segir það hafa verið ein-
staklega lærdómsríkt á margan
hátt að starfa fyrir Jamie Oliver.
Um er að ræða stórt fyrirtæki en
hver starfsmaður skiptir engu að
síður máli og starfsfólkið er eins
og ein stór fjölskylda. Hún hefur á
þessum tíma eignast marga góða
vini og lært margt nýtt, bæði um
mat og sjálfa sig.
Aðspurð segir Fanney erfitt að
velja eitthvað eitt sem stendur
upp úr eftir þennan tíma, og
þó. „Mómentið þegar ég fékk þá
viðurkenningu að vera Rising Star
Jamie’s Italian á öllu Suður-Bret-
landi, það var frábær viðurkenn-
ing á öllu púlinu undanfarin ár.“
SVÍNSLEGA
GOTT
Í HÁDEGINU, Á KVÖLDIN
OG BARA ALLAN DAGINN
GASTROPUB
SÆTA SVÍNIÐ // Hafnarstræti 1–3 / Sími 555 2900 / saetasvinid.is
Kokteilar, bjór á
krana
og léttvín í glös
um – á hálfvirð
i!
HAPPY HOU
R
ALLA DAGA
15–18
DJÚSÍ BORGARI
úr sérvaldri rumbsteik og „short ribs“, í bjór-brioche brauði
með rauðlaukssultu, Búra, trušu-mayo og vöšufrönskum ...
... SVÍNVIRKAR
HREINN SÚKKULAÐIUNAÐUR
Ylvolg djöflakaka með mjúku kremi, vanilluís og rjóma ...
... DJÖFULLEGA GÓÐ!
Sjávarréttarisottó að hætti Fanneyjar
Ævintýri að starfa
hjá Jamie Oliver
Fanney Dóra er á leið heim eftir að hafa látið kokkadrauma
sína rætast í Bretlandi
Steikið lauk og fennel í smá olíu á
lágum hita þar til það verður mjúkt,
bætið þá grjónunum og steikið í 1
mínútu. Hellið þá 200 ml af hvít-
víni (eða mysu sé hún notuð)
og hrærið vel. Byrjið þá að
bæta heitu soði við smátt
og smátt og hrærið í öðru
hvoru, með helluna á lágum
hita. Þegar grjónin eru alveg
að verða tilbúin er fisknum
og rækjunum bætt út í sem
og smjöri og parmesanosti.
Steikið bláskelina á pönnu
ásamt hvítlauk, chilli og ansjós-
um í um mínútu og hellið restinni
að hvítvíninu yfir og setjið lok á.
Leyfið skelinni að opna sig, hendið
þeim skeljum sem ekki opnast.
Smakkið risottóið til með salti og
jafnvel meiri parmesan og bætið
vökvanum af bláskelinni út í. Risottó
á að leka rólega en ekki vera stíft og
halda formi. Að síðustu er tómöt-
unum bætt út í og risottoið sett á
400 gr arborio hrísgrjón
U.þ.b. 1 lítri fiskisoð eða
grænmetissoð, heitt
250 ml gott hvítvín eða mysa
1 laukur, fínt saxaður
1 fennel, fínt saxaður
1 chilli, sneitt
50 gr smjör
100 gr rifinn parmesanostur
200 gr kirsuberjatómatar,
skornir í fernt
400 gr bláskel, hreinsuð
400 gr fiskur að eigin vali
skorinn í bita (frábært er að
nota þorsk, lax eða keilu en
endilega prófið ykkur áfram
með spennandi tegundir)
200 gr rækjur
2 hvítlauksrif
2 ansjósuflök
Eldaði hjá Jamie Oliver Fanney Dóra
Sigurjónsdóttir félagsráðgjafi venti kvæði
sínu í kross og fór að elda á veitingastað
Jamie Oliver í Brighton. Hún er nú á heim-
leið og ætlar að vinna á veitingastaðnum
Slippnum í Vestmannaeyjum.
diska eða á stórt fat og skreytt með
bláskelinni og ferskri steinselju eða
kerfli.
Þetta er tilvalinn réttur með ís-
köldu hvítvíni, sitjandi á pallinum í
góðra vina hópi.
…matur 4 | amk… FÖSTUDAGUR 6. MAÍ 2016
Ég hafði auð-
vitað bara
verið að vinna sem
félagsráðgjafi og var
ekkert á leið í fullt
starf í matreiðslu. En
ég tók bara sénsinn
og allt fór að rúlla.
Fanney Dóra Sigurjónsdóttir
Matreiðslumaður