Fréttatíminn - 06.05.2016, Blaðsíða 15

Vélarnar fást eingöngu í Bosch-búðinni.
Tilboð gildir til 12. maí eða á meðan birgðir endast.
Opið virka daga frá kl. 11 - 18
og á laugardögum frá kl. 11 - 16.
Bosch, þvottavél
Serie 4, WAN 282B7SN
Ný 7 kg þvottavél með íslensku stjórnborði.
1400 sn./mín. og í orkuflokki A+++.
Mjög hljóðlátur, kolalaus mótor með 10 ára ábyrgð.
Tilboðsverð: 89.900 kr.
Fullt verð: 129.900 kr.
Bosch, þurrkari
Serie 4, WTH 8520SSN
Nýr 8 kg þurrkari með íslensku stjórnborði og rafrænum
rakaskynjara. Orkuflokkur A++. 40 mínútna hraðkerfi.
Krumpuvörn við lok þurrkunar.
Fullt verð: 129.900 kr.
Tilboðsverð: 89.900 kr.
Bjóðum nú Bosch
þvottavél og þurrkara á
einstöku tilboðsverði.
8
Frábært par, sem hugsar vel um þig.
Hlíðasmára 3 . Sími 520 3090
www.bosch.is
Pabbi hefði þurft
miklu meiri hjálp
Ásta Bjarndís er ein þeirra sem
fannst kunnuglegt stef í fréttum
af nýliðnum atvikunum í Selja-
hlíð en faðir hennar dvaldi á
Seljahlíð í rúmt ár þar til hann
lést árið 2014.
Hún segir þó faðir hennar hafi
verið ánægður í Seljahlíð hafi
hann í raun þurft miklu meiri
aðstoð en hann fékk í þjón-
ustuíbúðinni. „Hann glímdi við
einhverskonar framheilabilun
og þurfti aðstoð við margt, til
dæmis við að taka inn lyfin.
Hann gat ekki séð um þetta
sjálfur svo ég hafði ítrekað sam-
band við starfsfólkið og bað um
að hann fengi aðstoð við þetta.
Mér var tjáð að það væri ekki í
þess verkahring, þar sem hann
var ekki í hjúkrunarrými. Það
var því undir honum komið að
taka lyfin, sem hann réði ekkert
við. Oftast þurfti að leita vel til
að finna starfsmann sem gat að-
stoðað með eitthvað tilfallandi.
Þá var nú oftast orðið við óskum
mínum.“
Ásta segist hafa þurft að
ganga á eftir hjálpinni í húsinu.
„Ég fékk alltaf þau skilaboð að
þarna væri bara veitt lágmarks-
þjónusta. Maður myndi samt
halda að það væri athugað með
fólkið nokkrum sinnum yfir dag-
inn. En það kom til dæmis fyrir
að þegar barnabarn hans kom í
heimsókn, þá uppgötvaðist að
hann lá enn í rúminu í náttföt-
um klukkan fimm um dag. Hann
hafði þá ekkert borðað og var
mjög áttavilltur. Eins þurfti hann
aðstoð við daglegar athafnir, svo
sem að fara í bað og svoleiðis en
hann var bara einn þarna í íbúð-
inni. Ef eitthvað bjátaði á þá
hringdi hann í okkur ættingjana.
Þetta var bara eina úrræðið sem
hann fékk, því það var ekkert
annað pláss.“
Fréttatíminn sagði frá því í síðustu
viku að Judith Júlíusdóttir, 96
ára íbúi á heimilinu, hefði veikst
alvarlega að næturlagi og hringt
öryggiskallkerfi viðstöðulaust í 1,5
klukkustund án þess að starfsfólk
kæmi henni til hjálpar. Brá hún
þá á það ráð að hringja í dóttur
sína sem reyndi að koma henni
til bjargar en hún kom að læstum
dyrum hússins. Næturvaktin svar-
aði hvorki símtölum, öryggiskall-
kerfi né dyrasíma. Lögreglan var
komin á staðinn þegar starfsfólkið
loks brást við, opnaði dyrnar og
kom Judith til hjálpar. Atvikið átti
sér stað fyrir hálfum mánuði.
Í viðtali við Fréttatímann í
síðustu viku sagði Margrét Árdís
Ósvaldsdóttir, forstöðukona Selja-
hlíðar, að ólíklegt væri að Judith
hefði hringt öryggiskallkerfinu.
Hún fullyrti jafnframt að sambæri-
leg mál hefðu ekki komið upp á
Seljahlíð áður.
Judith var í kjölfarið lofað að
starfsfólk kæmi framvegis til
hennar tvisvar sinnum um nótt,
fyrst klukkan tvö og svo klukkan
sex. Nóttina eftir atvikið, ákvað
dóttir Judithar að dvelja hjá henni
á Seljahlíð yfir nótt. Starfsfólkið
kom hinsvegar ekki inn til hennar
fyrr en klukkan fimm um morgun
og var því brugðið að sjá dótt-
urina í íbúðinni. Frá þessu greinir
fjölskylda Judithar í samtali við
Fréttatímann.
Segja verklagið ekki bætt
Katrín Ósk Jóhannsdóttir, barnabarn Ju-
dithar, segist vilja fylgja máli ömmu sinnar
fast eftir. Hún er sjálf fyrrum starfsmaður
Seljahlíðar og telur nauðsynlegt að úrbæt-
ur verði gerðar á íbúðakjarnanum. „Ég hef
gert þá kröfu til Margrétar Ósvaldsdóttur,
forstöðukonu Seljahlíðar, að lögmætir að-
ilar taki út kerfið og veiti svör um málið
fyrir föstudag.“
Sama dag og fjallað var um mál Judithar
í Fréttatímanum greindi RÚV frá því að
annar íbúi heimilisins hefði um svipað leyti
dottið úr rúmi sínu og fótbrotnað en starfs-
fólk ekki komið á staðinn fyrir en tuttugu
mínútum eftir að kallað var á hjálp. Maður-
inn býr með eiginkonu sinni í Seljahlíð en
hún greip til þess ráðs að hringja í dóttur
þeirra, Kolbrúnu Karlsdóttur, og biðja hana
um að hjálpa úr því enginn svaraði öryggis-
kallkerfinu. Kolbrún reyndi þá ítrekað að
ná í starfsfólkið í síma, en enginn svaraði.
Kolbrún segir í samtali við Fréttatímann að
ættingjar þurfi að treysta á þjónustan sem
lofað er í Seljahlíð sé veitt. Hún hafi sent
Reykjavíkurborg erindi vegna málsins.
Samkvæmt upplýsingum frá starfsfólki
Seljahlíðar leiddi athugun á málinu í ljós að
eiginkona mannsins sem slasaðist hafi ekki
kunnað á öryggiskallkerfið og ekki náð að
kalla eftir hjálp. Það sé hinsvegar rétt, að
starfsfólkið hafi ekki heyrt í síma hússins
þegar dóttirin reyndi að ná sambandi.
Judith Júlíus-
dóttir íbúi í
þjónustuíbúð í
Seljahlíð.
Katrín Ósk Jóhanns-
dóttir, barnabarn
Judithar.
|15FRÉTTATÍMINN | 6. MAÍ 2016