Fréttatíminn - 06.05.2016, Blaðsíða 60

Ég man
alla þessu
sætu sigra,
fögnuðinum s
em
fylgdi, hvar ég

var og með
hverjum.
Heiðmörk Inga Dís nýtur þess að hlaupa í Heiðmörkinni. Hún hefur hlaupið tvö maraþon en
er hrifnari af utanvegahlaupum og styttri vegalengdum. Mynd | Hari
…hlaup 16 | amk… FÖSTUDAGUR 6. MAÍ 2016
Inniheldur 11,6 mg af díklófenaktvíetýlamíni. Ábendingar: Staðbundnir bólgukvillar. Skammtar og lyfjagjöf Fullorðnir og börn 14 ára og eldri: 2-4 g af hlaupi borið á aumt svæði 3-4 sinnum á sólarhring. Mælt er með handþvotti eftir notkun, nema verið sé að meðhöndla hendur. Ef meðhöndla á bráð, minniháttar meiðsli í
stoðkerfi skal ekki nota Voltaren lengur en 7 daga án samráðs við lækni. Hafið samband við lækninn ef einkenni eru viðvarandi eða versna eftir meðferð í 7 sólarhringa. Frábendingar: Ofnæmi fyrir einhverju innihaldsefnanna, asetýlsalisýlsýru og öðrum bólgueyðandi gigtarlyfjum (NSAID). Sjúklingar sem hafa fengið astma,
ofsakláða eða bráða nefslímubólgu af völdum asetýlsalisýlsýru eða annarra bólgueyðandi gigtarlyfja (NSAID) eiga ekki að nota lyfið. Má ekki nota á síðustu 3 mánuðum meðgöngu. Má ekki nota handa börnum og unglingum 14 ára og yngri. Sérstök varnaðarorð: Má eingöngu bera á heila og heilbrigða húð og alls ekki á
slímhúðir, augu, sár, exem, vessandi húðbólgu. Getur valdið húðertingu. Varast skal mikið sólarljós, notkun samhliða bólgueyðandi lyfjum eða að hylja notkunarsvæðið með loftþéttum umbúðum. Gæta skal sérstakrar varúðar hjá öldruðum eða astma-/ofnæmis-sjúklingum (hefur valdið berkjukrampa). Hætta á meðferð ef
útbrot koma fram eftir notkun. Við notkun á stór húðsvæði eykst hættan á altækum aukaverkunum, t.d. á nýru. Við brjóstagjöf eða meðgöngu má eingöngu nota lyfið í samráði við lækni. Getur dregið úr frjósemi en þau áhrif ganga til baka. Lesið leiðbeiningar á umbúðum og í fylgiseðli fyrir notkun. Geymið þar sem
börn hvorki ná til né sjá. Markaðsleyfis hafi: Novartis Healthcare A/S. Umboð á Íslandi: Artasan ehf., Suðurhrauni 12a, 210 Garðabæ.
Viltu meðhöndla liðverkinn
án þess að taka töflur?
150g50%
meira m
ag
n!
Prófaðu að meðhöndla liðverkina
með Voltaren geli.
Lyaauglýsing
Voltaren-Gel-NEW-5x10 copy.pdf 1 13/05/15 16:53
Sófakartaflan sem varð að íþróttaálfi
Inga Dís hafði aldrei stundað íþróttir þegar hún fór að hlaupa fyrir sjö árum. Fyrst hljóp hún
fyrir félagsskapinn og til að fá smá hreyfingu en smám saman urðu hlaupin að lífsstíl.
Hlaupasumarið 2016 er hafið og nú keppa skærklæddir hlauparar um plássið á göngustíg-unum við hjólafólkið.
Sumir hlauparanna eru að koma úr
vetrardvala en margir hlaupa allt
árið um kring. Það gerir Ingveldur
Hafdís Karlsdóttir, deildarstjóri hjá
Þjóðskrá Íslands, sem tók forskot á
sæluna með því að hlaupa maraþon
í París á dögunum.
„Ég fór í Parísarmaraþonið í
byrjun apríl ásamt þremur vin-
konum mínum,“ segir Inga Dís, eins
og hún er alltaf kölluð. „Að fara í
svona borgarferð og hlaupa er alveg
frábær skemmtun, undirbúningur
sem að öllu jöfnu tekur margar
vikur og tilhlökkunin þegar nær
dregur er einstaklega skemmtilegur
hluti af þessu. Æfingar fyrir París
gengu brösuglega vegna meiðsla
og svo var tvísýnt fram að brottför
hvort ég yrði með. Ég var því að
vonum sátt að geta mætt á rásmark
með vinkonum mínum, tekið þátt
í stemingunni og klárað hlaupið
á fínum tíma. Ég á eftir að finna
mig sem maraþonhlaupara, er
frekar hvatvís og óöguð og er í dag
hrifnari af millivegalengdum, en
hlaupaferðir sem þessar eru frábær
skemmtun.“
Inga Dís hefur hlaupið í nokkur
ár og segir mörg eftirminnileg
augnablik á ferlinum til þessa.
„Ég man eftir því þegar ég hljóp
fimm kílómetra í fyrsta sinn og í
fyrsta skipti sem ég fór yfir átta
kílómetra. Ég man alla þessu sætu
sigra, fagnaðinn sem fylgdi, hvar
ég var og með hverjum. Svo hættir
þetta að vera bara áhugamál og
markmiðin hætta að snúast um að
sigrast á vegalengdum. Metnaður-
inn eykst og markmiðið verður
að ná sífellt betri tíma í tilteknum
vegalengdum. Sætu sigrarnir verða
þá af öðrum toga og maður á það til
að rata á verðlaunapall.“
Hún segist ekki hafa neinn bak-
grunn í íþróttum og byrjaði alveg
frá grunni þegar hún fór að hlaupa.
„Ég byrjaði að hlaupa haustið
2009. Þá fór ég eftir prógrammi
sem átti að koma manni úr sóf-
anum í að geta hlaupið fimm kíló-
metra. Ég hljóp í orðsins fyllstu
merkingu á milli ljósastaura í
byrjun en svo kom þetta og ég fór
að æfa með ÍR-skokki. Fyrst var
það bara fyrir félagsskapinn og til
að fá smá hreyfingu, það var sigur
að byrja að mæta á æfingar, en svo
varð þetta að lífsstíl.“
Inga Dís segir að þó hún hafi
byrjað að hlaupa fyrir sex árum
hafi metnaðurinn ekki komið fyrr
en eftir að hún hljóp Laugaveginn
árið 2012. „Þá fór ég að lifa og hrær-
ast í þessu. Þarna eru vinir manns
og félagar og tengslanetið hefur
margfaldast,“ segir Inga sem hefur
síðustu ár tekið þátt í að skipuleggja
ÍR-hlaupin vinsælu; víðavangs-
hlaupið og gamlárshlaupið.
Hvað hleypurðu oft í viku?
„Það fer eftir því að hverju
maður er að vinna hverju sinni. Ég
hleyp að staðaldri alla vega fjórum
sinnum í viku og ef það er eitt-
hvað sérstakt framundan eru þetta
kannski 5-6 hlaupaæfingar á viku.
Það besta við hlaupin er að þú getur
stýrt þessu sjálfur, þú treður bara
hlaupaæfingum inn í dagskrána
þegar það hentar.“
Inga Dís segist reyna að mæta
alltaf á langar æfingar með ÍR
skokki á laugardögum. „Það eru
forréttindi að fá að hlaupa með
reynsluboltunum á laugardögum
sem flestir eru býsna hraðir og
halda manni við efnið. Svo hef
ég verið að taka gæðaæfingar í
miðri viku með Hlaupahópi Sigga
P. Þar er ég yfirleitt eina konan og
reyni að narta í hælana á þessum
strákum. Á veturna æfum við alla
jafnan á brautinni í Laugardalshöll-
inni sem mér þykir mjög gaman og
hef aðeins prófað að keppa á braut.
Ég er þá yfirleitt elst og er hringuð
af hinum keppendunum, en það
skiptir engu máli ef ég næ mínu
markmiði.“
Inga Dís, sem er nýorðin fertug,
þvertekur fyrir að allur hennar frí-
tími fari í hlaupin. „Alls ekki. Ég
á mín börn og sinni þeim. Ég geri
líka fleira en að hlaupa, hef aðeins
verið að gæla við að hjóla og
tók upp á því í vetur að
fara á gönguskíði. En
það viðurkennist alveg
að ég er orðinn hálf-
gerður íþróttaálfur
eftir að hafa verið
antisportisti svo til
öll fullorðinsárin.“
Inga Dís hefur
hlaupið tvö maraþon,
í París á dögunum og
í München fyrir tveimur
árum. Hún segist þó hafa
meiri ánægju af styttri hlaupum.
„Styrkur minn liggur í styttri vega-
lengdum og mig langar í enn meiri
hraða í fæturna áður en ég legg
maraþonin fyrir mig. Reyndar er
ég líka mjög hrifin af utanvega-
hlaupum og þau eiga vel við mig,
enda svo til allar langar æfingar á
sumrin teknar í Heiðmörk. Það er
af nógu að taka í framtíðinni, bæði
hér heima og erlendis, hvort heldur
í styttri vegalengdum, utanvega-
hlaupum eða maraþonum. Aðal-
atriðið er að hafa gaman.“
Mikilvægt er fyrir alla hlaupara
að gefa sér góðan tíma til að ná
árangri. Annars er voðinn vís og
aukin hætta á meiðslum. Fólk sem
komið er yfir þrítugt þarf að stíga
sérstaklega varlega til jarðar.
1. Byrjum rólega
Margir byrja of hratt og setja sér
of háleit markmið. Þjálfun byggir á
því að betrumbæta vefi líkamans
og byggja þá upp til að standast
frekara álag. Ef
álagið er of bratt
hefur líkaminn
ekki undan
við að styrkja
sinar og
vöðva. Þreyta
gerir þá vart
við sig og
hætta á meiðslum
eykst. Þegar fólk byrjar
að hlaupa eftir 35 ára aldur
má búast við því að breytingar á
sinum og vöðvum séu hægari en
hjá yngra fólki og því mikilvægt að
setja sér hófleg markmið.
2. Ekki bara hlaupa
Styrktarþjálfun er mjög mikilvæg
þeim sem stunda hlaup, sérstak-
lega þeim sem eru komnir yfir
þrítugt og hafa ekki stundað
aðrar íþróttir áður en þeir fóru að
hlaupa.
3. Muna að teygja
Mikilvægt er að
hita vel upp fyrir
hlaup eða að
byrja fyrstu
mínúturnar ró-
lega. Teygjur
eftir hlaup eru
mikilvægar og
draga úr þreytu og
stirðleika eftir æfingar.
4. Höfum æfingarnar
fjölbreyttar
Forðumst einhæft og of mikið
álag. Kynntu þér þrepaskipt æf-
ingaálag eða láttu reynda hlaupara
hjálpa þér með æfingaáætlunina.
5. Skokkum niður
Niðurskokk, eða rólegt skokk eftir
hlaup, er góð leið til að draga úr
álagi og gefa líkamanum tækifæri
til að jafna sig rólega eftir æfingu.
6. Splæstu í góða sk Góðir skór eru nauðsynlegir og
göngugreining getur verið góð til
að velja réttu skóna.
6 góð ráð
til að forðast
álagsmeiðsli