Fréttablaðið - 16.02.2017, Page 10

Húðvörur án ilmefna sem
húðlæknar mæla með
afsláttur
20%
Lægra verð í Lyfju
Ráðgjafi í Lyfju Smáratorgi
fimmtudaginn 16. febrúar kl. 14-16
Bandaríkin Donald Trump Banda-
ríkjaforseti segir bandarísku leyni-
þjónustuna leka upplýsingum eins
og hún sé að dreifa sælgæti. Það sé
raunverulega hneykslið.
Þá segir hann fréttir af tengslum
sínum og samstarfsmanna sinna við
Rússa vera tómt kjaftæði, sem hafi
þann eina tilgang að draga athyglina
frá öllum þeim mistökum sem Hill-
ary Clinton gerði í kosningabarátt-
unni.
Þetta segir hann á Twitter-síðu
sinni í gær, en hann hefur verið
býsna iðinn við að nota þann vett-
vang til að koma skoðunum sínum
á framfæri.
Þá sakaði hann fjölmiðla um að
velta sér upp úr samsæriskenning-
um. Þeir væru haldnir blindu hatri
á sér. Þar tilgreindi hann sérstak-
lega sjónvarpsstöðvarnar MSNBC
og CNN ásamt stórblöðunum New
York Times og Washington Post.
Hins vegar væri Fox-sjónvarpsstöðin
frábær.
Þessi gusa á Twitter virðist vera
viðbrögð hans við skrifum New
York Times um að starfsfólk á vegum
Trumps hafi átt í miklum samskipt-
um við háttsetta rússneska leyni-
þjónustumenn meðan kosninga-
baráttan stóð enn yfir.
Blaðið sagðist hafa heimildir fyrir
þessu frá bæði lögreglu og leyni-
þjónustu. Þetta hefði komið í ljós
við rannsókn alríkislögreglunnar
FBI á því hvort Rússar hefðu brotist
inn í tölvukerfi Demókrataflokksins
og lekið þaðan upplýsingum í þeim
tilgangi að veikja stöðu Clinton í
kosningabaráttunni.
Rannsóknin hefði hins vegar ekki
enn leitt í ljós að samstarfsmenn
Trumps hefðu beinlínis átt í sam-
vinnu við Rússa um þessar netnjósnir.
Eitt stærsta áfallið sem hin nýja
stjórn Trumps hefur orðið fyrir á
fyrstu vikunum var afsögn þjóðar-
öryggisráðgjafans Michaels Flynn,
sem varð uppvís að því að hafa logið
að Mike Pence varaforseta um samtal
sitt við sendiherra Rússlands.
Repúblikanar í öldungadeild
Bandaríkjaþings hafa nú tekið
undir kröfur um að hefja þurfi ítar-
lega rannsókn á tengslum Trumps
við Rússa.
Þá hefur Dan Rather, fréttamað-
urinn fyrrverandi, sagt nauðsynlegt
að hefja óháða rannsókn á þessum
tengslum. Hvorki Bandaríkjastjórn
né þjóðþingið njóti lengur trausts til
þess að gera slíka rannsókn:
„Watergate var stærsta pólitíska
hneykslið á minni ævi, þangað
til kannski núna,“ sagði Rather á
Facebook-síðu sinni.
gudsteinn@frettabladid.is
Trump sakar fjölmiðla um blint hatur
Dondald Trump, forseti Bandaríkjanna, segir fréttir af tengslum samstarfsmanna sinna við Rússa vera samsæriskenningar, til þess
ætlaðar að draga athyglina frá mistökum Hillary Clinton. Á blaðamannafundi sagði hann fréttaumfjöllun um málið afar ósanngjarna.
Watergate var
stærsta pólitíska
hneykslið á minni ævi,
þangað til kannski núna.
Dan Rather, fyrrverandi fréttamaður
Trump undirritaði lagafrumvarp sem léttir af olíufyrirtækjum þeirri kvöð að þurfa að gera grein fyrir peningum sem þau greiða til erlendra stjórnvalda. FréTTablaðið/EPa
Flynn neyddist á endan­
um til að segja af sér þegar í
ljós kom að hann hefði, þvert
gegn eigin fullyrðingum, rætt
við sendiherrann um við­
skiptaþvinganir Bandaríkj­
anna gegn Rússlandi.
norður-kórea Kona hefur verið
handtekin í Malasíu í tengslum við
morðið á Kim Jong-nam, en hann
var hálfbróðir Kim Jong-un, leið-
toga Norður-Kóreu.
Talið er að eitrað hafi verið fyrir
honum á mánudaginn á flugvell-
inum í Kúala Lúmpúr, höfuðborg
Malasíu, þar sem hann var að bíða
eftir flugi til Makaó.
Hann veiktist skyndilega meðan
hann var á flugvellinum og dó
stuttu síðar á leiðinni á sjúkrahús.
Tvær konur og fjórir karlar eru
grunuð um aðild að tilræðinu.
Margt bendir til að þau hafi verið
útsendarar frá Norður-Kóreu.
Kim Jong-nam, sem var 45 ára,
var elsti sonur fyrrverandi leiðtoga
Norður-Kóreu, Kim Jong-il. Hann
var lengi vel talinn líklegur arftaki
hans.
Hann féll hins vegar í ónáð hjá
föður sínum, líklega eftir að hann
reyndi árið 2001 að komast frá
Norður-Kóreu til Japans á fölsuðu
vegabréfi. Hann sagði þá að til-
gangur þeirrar ferðar hafi verið að
skreppa í Disneyland í Tókíó.
Undanfarin ár, eða frá því yngsti
hálfbróðir hans tók við völdum
í Norður-Kóreu, hafði Kim Jong-
nam dvalist utanlands. Hann
er sagður hafa haldið sig mest í
löndum á borð við Kína, Singapúr
og Makaó.
Fyrir nokkrum árum var haft
eftir honum að hann teldi bróður
sinn ekki hafa næga leiðtogahæfi-
leika til að halda um stjórnartaum-
ana í Norður-Kóreu.
Þar þurfi að gera efnahagsum-
bætur með svipuðum hætti og gert
hefur verið í Kína, þar sem við-
skiptafrelsi hefur verið í hávegum
haft af stjórnvöldum undanfarið
þrátt fyrir að málfrelsi lúti enn
ströngum takmörkunum. – gb
Kona handtekin vegna morðsins á bróður Kim Jong-un
Kim Jong-nam í Malasíu árið 2007.
NordicPhoTos/aFP
1 6 . f e B r ú a r 2 0 1 7 f i M M T u d a G u r10 f r é T T i r ∙ f r é T T a B L a ð i ð
1
6
-0
2
-2
0
1
7

0
5
:3
3
F
B
0
7
2
s
_
P
0
6
3
K
.p
1
.p
d
f
F
B
0
7
2
s
_
P
0
6
2
K
.p
1
.p
d
f
F
B
0
7
2
s
_
P
0
1
0
K
.p
1
.p
d
f
F
B
0
7
2
s
_
P
0
1
1
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
C
3
F
-4
8
3
C
1
C
3
F
-4
7
0
0
1
C
3
F
-4
5
C
4
1
C
3
F
-4
4
8
8
2
7
5
X
4
0
0
.0
0
1
9
B

F
B
0
7
2
s
_
1
5
_
2
_
2
0
1
7
C
M
Y
K