Lystræninginn - 01.06.1982, Blaðsíða 5

alröng kort, jafnvel landakort af einhverju sem þeim sjálf-
um og þeim einum dettur í hug. Þarna bregst þeim að
sjálfsögðu bogalistin, að mati allra „heilvita manna”, sem
krefjast þess að landmælingamenn hætti að gera röng kort
afímynduðum heimi.
Verum þessu algerlega sammála, en sláum þó varnagla:
Ef þið hugsið ekkert en þó í senn um eitthvað, þá ber
ykkur brátt að landamærum hugarheimsins.
Svona er ferðin auðveld en erfið þó, vegna þess að flestir
kjósa helst að hugsa aðeins um eitthvað ákveðið. Og þeir
sem hugsa um eitthvað ákveðið geta að sjálfsögðu ekki um
annað hugsað um leið.
Þetta veit hver hugsandi maður!
Ibúarnir í hugarheiminum eru afar fáir. íbútatalan er
lág. Hugarlandið er strjálbýlt land. En þangað leggja leið
sína oft eins og á flótta ótal ferðamenn. Stundum fara
leiðsögumenn þangað með fólk í stuttar kynnisferðir, svo
það lendi andartak í hverfufum ævintýrum og geti tekið í
skyndi nokkrar hugmyndir. Slíkt er vinsælt ef ferðin er
skyndiferð. Oll ferðalög í landinu eru ókeypis, það er að
segja ferðalögin kosta aðeins erfiði. Slíkt fælir ýmsa frá
ferðalögum, enda kýs fólk fremur að láta fé af hendi rakna
en leggja á sig erfiði.
í búarnir í hugarheimi eru kallaðir hugarheimsfólk: hug-
arheimsmenn og hugarheimskonur. Vert er að rugla ekki
íbúunum saman við heimsmenn og heimskonur. Það er
gerólík manntegund.
Fólk sem er frjáhverft ferðalögum vill hvorki ferðast til
hugarheimsins né heyra minnst á hann. Því er meinilla við
hugarheimsmenn og hugarheimskonur, og jafnvel örlítið
hrætt við slíkt fólk.
Oft er hugarheimsfólk ekki með réttu ráði, það er allt
uppi í skýjunum, segja bekkjarsetumenn.
Sjálfir áræða þeir varla að fara hænufet út fyrir vana-
gang hversdagslífsins, vegna þess - og takið nú eftir - að ef
þeir voguðu sér að ganga aðrar en troðnar slóðir, þá
mundu þeir hreinlega villast og rata kannski aldrei aftur til
óbrenglaðs þankagangs. Tíðum kallar ferðahrætt fólk sig
raunsæisfólk, en í raun og sannleika ratar það hvergi eitt og
sjálft, og reynir að breiða yfir blindni sína með því að
ríghalda sér í raunveruleikann.
Tíðum komast slíkir ratar til æðstu valda. Og hræðsla
valdhafanna við hina fótfráu hugarheimsmenn leiðir til
þess að þeir láta lækna og rannsóknarstofur reyna að finna
upp nærsýnisgleraugu sem eiga að gera nærsýni að víðsýni.
Gleraugun eiga að leiða hugarheimsfólkið úr hugarlandi
inn í hversdagsleikann.
í sumum löndum, sem til eru á landabréfinu, ganga
leiðtogarnir svo langt að þeir hafa læst fjölda af hugar-
heimsfólki inn á geðveikrahælum, og jafnvel einnig þá
menn sem grunur leikur á að renni huganum stundum yfir
í hugarlandið. Hinir eru hálshöggnir sem halda fram sinni
sannfæringu að hugarlandið sé þeim hið eina og sanna
föðurland.
Tvær bjartar hlíðar
á hverjum miða
Annars vegar: - góð von þín um veglegan vinning því nær 2/3
hlutar veltunnar fara í vinninga. og meira en fjórði hver miði
hlýtur vinning.
Hin hliðin, jafnvel enn bjartari: Hver seldur miði á
-þáttí því að vonir annarra rætast. Þeirra hundruðasem
þurfa á endurhæfingu og þjálfunarstarfi á Reykja-
lundi að halda.----------—-------------------------
Auk þeirra /U oryrkja sem daglega stunda
vinnu sína í nýjum húsakynnum Múlalundar.
Það eru tvær góðar hliðar á þessu máli.
Happdrætti SÍBS
5