Tímarit Hjúkrunarfélags Íslands - 01.08.1976, Blaðsíða 21

Raddir hjúkrunarnema
Dagana 20.-27. maí s.l. dvöldu í
Kaupmannahöfn tveir hjúkrunarnem-
ar á vegum HNFI, þær Asa St. Atla-
dóttir og Margrét Tómasdóttir. Til-
efni ferðarinnar var að sækja nám-
skeið sem bar heitið Formands-
næsteformandskursus og var haldið á
vegum Danska hjúkrunarfélagsins
fyrir hjúkrunarnemafélögin þar.
Ferðin var einnig notuð til að kynn-
ast uppbyggingu Danska hjúkrunar-
félagsins og hjúkrunarnemafélaganna
þar. Sambandiö milli félaganna er
mun meira en hér á landi, þar sem
hjúkrunarnemarnir verða meölimir
í DSR strax eftir að þeir liafa lokið
forskólanámi og greiða þá um leið
félagsgjöld til DSR.
Á vegum DSR starfar sérstakur
ritari, sem er ætlaður sem tengiliður
milli nemanna annars vegar og hjúkr-
unarfélagsins hins vegar. Þessi ritari
er í fullu starfi allan ársins hring og
hefur sem aöalstarf að túlka sjónar-
mið beggja aðila á heimaslóð hvors
um sig. Einnig eiga nemarnir eitt
sæti í stjórn DSR og hafa þar bæði
málfrelsi og tillögurétt.
I áðurnefndu ritarastarfi er nú
sem stendur maður, er heitir Hans
Handler. Hefur hann alla tíð verið
mjög vinveittur HNFI og var hann
aðalhvatamaður að því að hægt var
að fara í þessa ferð. Hann sýndi okk-
ur íslensku nemunum bækistöð DSR,
sem er geysilega stór og mikil og
hvernig starfsemin þar og skipulagn-
ing er í heild. Var mjög fróðlegt að
sjá hve skipulagningin var góð og
hve starfsemin gengur þar fljótt og
örugglega fyrir sig. Hans Handler
skipulagði einnig Formands-næste-
formandskursusinn, sem var aðal-
markmið ferðarinnar.
í ferðinni kynntumst við nemarnir
einnig nokkrum einstökum hjúkrun-
arnemum. Nokkrir nemar við Bis-
pebjerghospital buðu okkur fæði og
húsnæði, sem við þáðum að sjálf-
sögðu með miklum þökkum. I gegn-
um þessa nema og fleiri kynntumst
við fyrirkomulaginu á hjúkrunar-
náminu þar. Það er í ýmsu nokkuð
frábrugðið fyrirkomulaginu hér. Eru
nokkur atriði í því sambandi, sem
undirrituð vill gera að umræðuefni.
Jafnvel þótt tengslin milli DSR og
hjúkrunarnemafélaganna séu öðru-
vísi en þau eru hér, er ótalmargt sem
hægt er að taka sér til fyrirmyndar
varðandi framkvæmd hjúkrunar-
námsins og fyrirkomulagið í sam-
bandi við það.
Námstíminn er þrjú heil ár fyrir
utan forskólann, sem er fimm mán-
uðir. Eftir að forskólanum lýkur og
nemarnir fara að vinna, þiggja þeir
laun, sem eru 50% af launum hjúkr-
unarfræðings. Hækka launin síðan í
hundraðshlutum í samræmi við það
sem námstíminn lengist. Þetta er líkt
fyrirkomulag og hjá okkur nema að
dönsku nemarnir byrja með þann
hundraðshluta af launum, sem við
hér heima endum með sem þriðja árs
nemar. Þá er einnig að geta þess að
laun danskra hjúkrunarfræðinga eru
ldutfallslega hærri en íslenskra.
A þessu þriggja ára námstímabili
fá danskir nemar 60 veikindadaga.
Okkur rak í rogastans, þar sem við
höfum 21 veikindadag á okkar
þriggja ára námstímabili. Ef einhver
er svo óheppinn að vera veikur t. d.
30 daga af sínu þriggja ára námi hér,
verður hann að vinna í 9 daga í
nemabúning og á nema launum og
sem nemi eftir að hann er útskrifað-
ur sem hjúkrunarfræðingur.
Hjúkrunarfélagið danska (DSR)
og hjúkrunarskólarnir hafa komið á
nokkru sem kallað er „tjenestefri".
Það er „leyfi“, sem þeir nemar, er
mikið sinna félagsmálum fá. Er þar
átt við formenn nemafélaganna og
aðra stjórnarmeðlimi þeirra er oft
þurfa að sækja ýmiss konar fundi
varðandi nemafélög sín, án þess að
tíminn sé dreginn frá náminu.
Þetta ,,tjenestefri“ getur mest orð-
ið 75 dagar og er metið í hverju til-
felli þegar dagarnir eru orðnir fleiri
en 75, hvort lengja þurfi þá verklegt
nám þeirra.
Nemarnir eru á launm frá þeirri
stofnun sem þeir eru hjá í hvert eitl
Framh. á bls. 126.
TÍMARIT HJÚKRUNARFÉLAGS ÍSLANDS
103