Hjúkrun: tímarit Hjúkrunarfélags Íslands - 01.12.1989, Qupperneq 56

19.
Alþjóða-
þing ICN
í Seoul
Upprunaleg merking orösins
Kórea er „Land morgunfriðar-
ins“ en það er ekki réttnefni
því vegna landfræðilegrar legu
sinnar hefur Kóreuskaginn
verið vígvöllur nágrannanna
Kína og Japan í tíðum styrj-
öldum þeirra. Á þessari öld
var Kórea hersetin af japönum
í 35 ár og þegar þeir fóru hófst
Kóreustríðið sem skildi landið
eftir í rúst og skipt í tvö
aðskilin ríki, Norður- og
Suður-Kóreu. Núna er Norður-
Kórea með lokuðustu löndum
í heiminum en Suður-Kórea
hefur tekið mjög upp vestræna
siði og iðnvæðst af kappi.
Höfuðborgin Seoul er í norð-
vesturhluta Suður-Kóreu og
sýnir vel þessi vestrænu áhrif
og uppbyggingin er útrúleg.
Ólympíuleikarnir 1988 þóttu
takast mjög vel og urðu tilefni
mikilla byggingaframkvæmda
sem lýsa miklum stórhug og
ríkidæmi. En ekki er allt sem
sýnist því óeirðir eru nánast
daglegt brauð og sáum við
a.m.k. eitt dæmi þess þegar
hópur manna var að mótmæla
eyðingu gamals þorps sem átti
að víkja fyrir nýjum háhýsum.
„Seoul“ þýðir höfuðborg,
hún á sér um 2000 ára sögu.
íbúafjöldinn er um 10 milljónir
eða fjórðungur íbúa Suður-
Kóreu. Þar er margt að sjá; í
gegnum borgina rennur fljótið
Han breitt og lygnt og fjöldi
brúa sker það. Innan um öll
þessi vestrænu hús er sem
betur fer að sjá gamlar bygg-
ingar t.d. mjög falleg hof sem
eru eins og friðsælar vinjar í
óróa borgarinnar. Borgin er
byggð á og umhverfis lága ása
en lítið var unnt að sjá vegna
mengunarmisturs sem lá yfir
öllu.
Sigurhelga Pálsdóttir
50 HJÚKRUNHí-65. árgangur