Hjúkrun: tímarit Hjúkrunarfélags Íslands - 01.07.1991, Blaðsíða 11

» FÉLAGSMÁL «
Hlutastarf var meira en í dag og yfir-
vinna mikil þannig að hærra starfs-
hlutfall náðist. Félagið var með
endalausan taprekstur því félags-
gjöldin eru eina tekjulind þess. Þetta
var mikið rætt á fulltrúafundum og
félagsmenn sáu að ætti félagið þeirra
að geta tekist á við þau verkefni sem
til var ætlast þurfti meira fjármagn.
Það varð gjörbreyting á rekstri
félagsins eftir að farið var að taka
1,1% af fullum launum í stað
föstum. Hægt var að veita fjármagni
út í svæðisdeildirnar og efla þær,
styrkja námssjóði félagsins, auka
starfshlutfall starfsmanna á skrifstof-
unni, veita þóknun til formanna
stærstu svæðisdeildanna ásamt því
að umbuna félagsmönnum fyrir hin
ýmsu trúnaðarstörf er þeir inntu af
hendi. Að ógleymdu því að þá fyrst
var hægt að fara að huga að stærra og
hentugra húsnæði fyrir starfsemina.
Húsnæðið okkar að Þingholtsstræti
30 var fyrir löngu hætt að geta
þjónað allri okkar starfsemi. í dag
held ég að við getum öll verið stolt af
því hve vel tókst til með hið glæsilega
húsnæði sem við eigum að Suður-
landsbraut 22, enda tóku hjúkrun-
arfræðingar á sig tímabundið hærra
félagsgjald ásamt framlögum til að
koma því í höfn. Það er ángæjulegt
hve mikið það er notað af félags-
mönnum og sýnir best að þrátt fyrir
að mikið sé talað um félagslega
deyfð er mikið líf í starfsemi félags-
ins okkar. Undanfarið höfum við
verið að láta skrá allan bóka- og
tímaritakost félagsins ásamt skjala-
safni. Allt kostar þetta peninga, en í
raun má segja að þarna sé, t.d. hvað
skjalasafnið áhrærir, saga hjúkrun-
armála á íslandi í hnotskurn.
Þegar þú lítur yfir farinn veg sem
formaður, ertu sátt við stöðu félags-
ins og hvaða framtíðarsýn sérðu?
- Já,égersáttviðstöðufélagsinsí
dag. Við erum sterkt og öflugt félag,
höfum verið það lengi. Á 70 ára
afmæli félagsins árið 1989 var litið
yfir farinn veg og reynt að skyggnast
inn í framtíðina á ráðstefnu sem við
héldum. Við höfum í gegnum ára-
tugi verið að sækja fram á öllum
sviðum, kjaralega, menntunarlega,
fag- og félagslega, slíkt er eðli fram-
þróunar. Saga HFÍ er í reynd saga
hjúkrunar á íslandi. Hjúkrunarþjón-
ustan á íslandi eða hjúkrunarfræð-
ingarnir sjálfir stæðu í dag ekki jafn
framarlega ef ekki hefði strax í upp-
hafi valist til verka framsýnar konur
með þor til hugsana og athafna. Það
er ótrúlegt hvað hjúkrunarfræðingar
gegnum áratugi hafa unnið fórnfúst
starf fyrir félagið sitt og til starfa hjá
félaginu hefur valist úrvals fólk, sem
ásamt okkur hefur borið hag þess
mjög fyrir brjósti og viljað veg þess
sem mestan. Ég hef átt miklu láni að
fagna í gegnum þessi ár sem ég hef
starfað hjá félaginu, að fá að kynnast
og starfa með öndvegis fólki, sem
orðið hafa vinir mínir, fyrir það er ég
þakklát. Hafi ég getað lagt eitthvað á
þær vogarskálar gleðst ég yfir því.
Það er samtakamáttur okkar allra
sem skiptir máli, þannig vinnum við
okkar málum brautargengi. Ég sé
framtíðina fyrir mér þannig að nýtt
og öflugt félag allra hjúkrunarfræð-
inga á Islandi verði enn sterkara en
við erum í dag í tveimur félögum, þá
höfum við gengið til góðs götuna
fram eftir veg. Ég þakka öllum
hjúkrunarfræðingum í HFÍ það
traust, hlýju og þá vináttu sem ég hef
mætt árin sem ég hef gegnt for-
mannsstarfinu. Ég óska nýjum for-
manni og hans stjórn farsældar og
Hjúkrunarfélagi íslands allra heilla.
Viðtal: Stefanía V. Sigurjónsdóttir
HJÚKRUNARFRÆÐINGUR:
H jálpar einstaklingum og fjölskyldum til sjálfshjálpar
ákvætt hugarfar, heiðarleiki og hugrekki eru góðir kostir
U rvals þekkingu þinni og þjálfun er nauðsynlegt að viðhalda
K ennsluhæfileikar og samtalstækni koma þér vel
R aðar hlutunum íforgangsröð og mætir þörfum skjólstæðinga
A lltaf er þörf fyrir þína þjónustu
R annsóknir styrkja fagmennskuna, ef þú lest þær og notar
Sólfr. G. /'91
HJÚKRUN 2M - 67. árgangur 11