Fréttablaðið - 18.05.2017, Síða 8

Gróðurmold 20 l Blákorn 5 kg
1.190kr. Sláttuvélar, verð frá kr.490kr. 42.990
SLYS Maður af erlendu bergi brotinn
fær ekki bætur vegna höfuðmeiðsla
sem hann hlaut við að stinga sér
út í sundlaug. Þetta er niðurstaða
úrskurðarnefndar í vátrygginga­
málum.
Atvik voru þau að maðurinn
kom úr búningsklefa og sá skilti við
suðurenda laugarinnar þar sem stóð
að dýfingar væru bannaðar. Taldi
hann að norðurendinn væri dýpri,
gekk þangað, stakk sér og slasaðist
á höfði við það.
Maðurinn taldi að ekki hefði
komið nægilega skýrt fram að
bannað væri að dýfa sér. Einn­
ig hefði skiltið verið á íslensku en
hann skildi ekki það tungumál.
Í áliti nefndarinnar kemur fram
að ekkert í málinu bendi til þess að
frágangi á sundlauginni væri ábóta­
vant og því var bótum úr ábyrgðar­
tryggingu rekstraraðila laugarinnar
hafnað. – jóe
Skall á botn
sundlaugar
DÓMSMÁL Fyrrverandi aðstoðar­
skólameistari Fjölbrautaskóla
Vesturlands á Akranesi (FVA) hefur
stefnt ríkinu til greiðslu launa og
bóta vegna ólögmætrar uppsagnar á
haustmánuðum 2015.
Maðurinn hafði starfað við FVA
í tæpa tvo áratugi við góðan orð­
stír  þegar staða aðstoðarskóla­
meistara, staðgengils skólameistara,
var auglýst laus til umsóknar. Afréð
hann að sækja um starfið meðal ann­
ars eftir hvatningu frá skólameistara.
Í stefnu segir að samstarf aðstoðar­
skólameistara og skólameistara hafi
gengið vel framan af. Hins vegar kom
smám saman í ljós að skólameistari
ætlaðist til annarra hluta af stað­
gengli sínum en féllu undir eðlilega
túlkun á starfslýsingu hans. Í stefnu
mannsins segir að skólameistari
hafi litið svo á að hlutverk hans væri
fyrst og fremst að vera aðstoðar­
maður skólameistara í hverju því
sem honum kæmi til hugar.
Af þessum sökum kvartaði mað­
urinn til skólameistara og í kjölfarið
fóru fram tveir fundir vegna málsins.
Þar var aðstoðarskólameistaranum
tilkynnt að hann stæði sig illa í starfi
þó eigi væri tilgreint frekar hvar þá
vankanta væri að finna. Þriðji fundur
var áætlaður í lok september en ekki
kom til hans þar sem aðstoðarskóla­
meistaranum var án skýringa kynnt
riftun á ráðningarsamningi hans.
Við skoðun á aðdraganda riftunar
og efni uppsagnarbréfsins taldi hann
að brotið hefði verið á sér. Freistaði
hann þess að afhenda skólameistar­
anum greinargerð um stöðu málsins
en skólameistarinn neitaði að veita
henni viðtöku. Degi síðar var maður­
inn beðinn um að taka saman föggur
sínar og mæta ekki frekar í skólann.
Aðstoðarskólameistarinn fyrr­
verandi telur að riftunin hafi verið
ólögmæt. Eigi hann því rétt á efnda­
bótum, bótum fyrir ólögmæta upp­
sögn og miskabótum, alls rúmlega 63
milljónum króna. – jóe
Skólameistari kom fram við staðgengil sem aðstoðarmann
ÁSTRALÍA Ætli ungt fólk að hafa ráð á
að eignast eigið heimili verður það
að breyta neysluvenjum sínum og
byrja að spara. Þetta segir ástralski
fasteignajöfurinn Tim Gurner í við­
tali við 60 Minutes Australia.
Haft er eftir Gurner, sem er 35 ára,
að þegar hann hafi reynt að kaupa
sitt fyrsta heimili hafi hann ekki
keypt lárperumauk  á 1.400 krónur
og fjóra kaffibolla á 300 kr. bollann.
Gurner segir væntingar ungs fólks
mjög miklar. Þeir sem eigi húsnæði
í dag hafi unnið hörðum höndum
fyrir því og sparað hverja krónu. – ibs
Gagnrýnir
neyslu hjá
ungu fólki
Í upphafi vikunnar sagði Fréttablaðið frá því að FVA hefði komið verst
allra framhaldsskóla út úr könnun SFR á stofnun ársins. Samkvæmt
heimildum Fréttablaðsins er starfsandi innan skólans í molum og má
rekja það að hluta til stjórnunarhátta skólameistarans. Reynt hefur verið
að bæta úr þessu en menntamálaráðuneytið hefur meðal annars fengið
vinnustaðasálfræðinga og sérstakan skólameistara til að sitja tíma­
bundið við hlið skólameistara.
uMhveRfiSMÁL „Það eru vonbrigði
að Náttúruminjasafnsins skuli ekki
vera getið í ríkisfjármálaáætluninni.
Sérstaklega vegna þess að fyrir liggur
samþykkt Alþingis frá síðasta þingi
um að tryggja skuli uppbyggingu
safnsins í áætluninni,“ segir Hilmar J.
Malmquist, forstöðumaður Náttúru­
minjasafns Íslands.
Hópur félagasamtaka á sviði nátt­
úrufræða, útivistar og umhverfismála
afhenti í gær Kristjáni Þór Júlíussyni,
mennta­ og menningarmálaráðherra,
sameiginlega ályktun og áskorun um
að stjórnvöld standi við fyrirheit, sem
gefin voru í ályktun Alþingis vegna
100 ára fullveldisafmælis landsins
árið 2018, um uppbyggingu Náttúru­
minjasafns Íslands.
Hilmar segir þó ekki alla von úti.
„Enn er tími til stefnu og ég trúi ekki
öðru en að þingmenn standi við lof­
orð sín og sjái sóma sinn í því að leið­
rétta stöðu Náttúruminjasafnsins.
Samstarf við háskólasamfélagið og
hugsanleg bygging safnahúss í Vatns­
mýri, eins og nefnt er í ályktun sam­
takanna, kann að vera mikilvæg lausn
til frambúðar fyrir Náttúruminja­
safnið,“ segir Hilmar og bætir við að
um langtímaverkefni sé að ræða og
fleira þurfi að koma til og fyrr. Þar á
meðal er möguleg þátttaka safnsins
í sýningahaldi í Perlunni með Perlu
norðursins ehf., sem mennta­ og
menningamálaráðherra hefur nýlega
ákveðið að láta kanna nánar og er sú
vinna hafin.
Hilmar segir að hvatning sextán
samtaka um uppbyggingu Náttúru­
minjasafnsins sé bæði ánægjuleg og
dýrmæt í baráttunni fyrir bættum hag
safnsins – og þakkar hann framtakið.
„Þarna taka saman höndum sam­
tök á ýmsum sviðum sem snerta
Ekkert um safnið í áætlunum
Náttúruminjasafns Íslands er ekki getið í fimm ára ríkisfjármálaáætlun. Það er þvert á samþykktir Alþingis.
Sextán félagasamtök skoruðu á menntamálaráðherra í gær að virða gefin loforð um uppbyggingu safnsins.
Kristján Þór Júlíusson, menntamála- og menningarráðherra, tók við áskorun 16 félagasamtaka í gær. Fréttablaðið/GVa
Safn í minningu aldarafmælis
Ályktun Alþingis nr. 70/145 um
hvernig minnast skuli aldar­
afmælis fullveldis Íslands, sem
formenn allra þingflokka á Alþingi
fluttu undir lok síðasta kjörtíma­
bils og samþykkt var með 56
atkvæðum mótatkvæðalaust, er
mikið fagnaðarefni. Þar kemur
m.a. fram að Alþingi ályktar að
fela ríkisstjórninni … „að sjá til
þess að í fjármálaáætlun til næstu
fimm ára, sem lögð verður fyrir
Alþingi vorið 2017, verði gert ráð
fyrir uppbyggingu Náttúruminja­
safns.“
Úr ályktun sextán félagasamtaka til
Alþingis og mennta- og menningar-
málaráðherra.
Enn er
tími
til stefnu og ég
trúi ekki öðru
en að þing-
menn standi
við loforð sín
og sjái sóma
sinn í því að
leiðrétta stöðu
Náttúruminja-
safnsins.
Hilmar J.
Malmquist,
forstöðumaður
Náttúruminjasafns
Íslands
náttúrufræði, jafnt samtök um nátt­
úrufræðikennslu, náttúruvernd,
umhverfismál og útivist. Þetta lýsir
vel málefninu sem ályktunin snýst
um – starfsemi Náttúruminjasafns­
ins snertir alla þjóðina og aðra gesti
landsins – sem er fræðsla og kynn­
ing á undrum náttúrunnar, landsins
gögnum og nauðsynjum og upplýsing
um hvernig sjálfbær umgengni við
auðlindirnar skilar okkur áfram veg­
inn á vistvænan hátt,“ segir Hilmar.
svavar@frettabladid.is
1 8 . M A Í 2 0 1 7 f i M M T u D A G u R8 f R é T T i R ∙ f R é T T A B L A ð i ð
1
8
-0
5
-2
0
1
7

0
5
:0
0
F
B
0
7
2
s
_
P
0
6
5
K
.p
1
.p
d
f
F
B
0
7
2
s
_
P
0
6
0
K
.p
1
.p
d
f
F
B
0
7
2
s
_
P
0
0
8
K
.p
1
.p
d
f
F
B
0
7
2
s
_
P
0
1
3
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
C
E
2
-4
3
5
8
1
C
E
2
-4
2
1
C
1
C
E
2
-4
0
E
0
1
C
E
2
-3
F
A
4
2
7
5
X
4
0
0
.0
0
1
7
B

F
B
0
7
2
s
_
1
7
_
5
_
2
0
1
7
C
M
Y
K