Álit: tímarit löggiltra endurskoðenda - 01.01.1991, Blaðsíða 46

MENNTUNARNEFND FLE.
Á undarförnum mánuðum hefur menntunarnefnd unn-
ið að skipulagningu námskeiða og ráðstefna sem halda
á nú í haust (1991). Þar ber hæst námskeið sem haldið
verður á Akureyri dagana 11-12 október í samvinnu við
félag endurskoðenda í Englandi og Wales. Fjallað verð-
ur annars vegar um endurskoðun smærri fyrirtækja og
hins vegar um endurskoðun tölvukerfa - áhætta og eft-
irlit með tölvukerfum. Fyrirlesarar koma frá Englandi
og heita þeir Alan Bonham og Richard Fullerton.
Það hefur lengi verið skoðun nefndarmanna að nám-
skeið með takmörkuðum þátttökufjölda séu betra fyrir-
komulag með tilliti til endurmenntunar félagsmanna
heldur en hið hefðbundna ráðstefnuhald, þar sem
þáttakendur eru á bilinu 50-100. Almenn skoðanaskipti
milli þáttakenda og leiðbeinanda á viðfangsefnum nám-
skeiðanna verði meiri ef fjöldi hverju sinni er takmark-
aður. Nefndin gerði tilraun með þetta í fyrra og þótti sú
tilraun takast vel. Á þessu ári er haldið áfram á þessari
braut og boðið upp á 3 námskeið með þessu sniði, um
samstæðureikningsskil, rekstrar- og greiðsluáætlanir og
um sjóðsstreymi.
Nefnin annaðist skipulagningu hins faglega hluta sum-
arráðstefnu FLE, sem haldin var að Hótel Örk, Hvera-
gerði 5.-7. júlí sl. Efni ráðstefnunar var tvískipt. Fjallað
var annars vegar um „pappírslaun viðskipti“ og héldu
þeir Vilhjálmur Egilsson, Óskar Hauksson og Jón
Magnússon erindi um það efni. Hinn hluti ráðstefnunar
fjallaði um „tölvur og endurskoðendur" og voru fyrir-
lesarar þeir Frosti Bergsson, Guðmundur Hannesson
og Baldur Johnsen.
Nefnin hefur haldið fjölda funda við undirbúning nám-
skeiða. Einnig hafa verið haldnir fundir með fyrirlesur-
um eins og ástæða hefur þótt til. Námskeið á vegum fé-
lagsins hafa hingað til verið vel sótt og er það von
nefndarinnar að svo verði áfram.
Menntunarnefndin sænska félagsins (FAR) hélt haustf-
und sinn að þessu sinni á íslandi og fóru tveir fulltrúar
úr menntunarnefnd FLE til fundar við þá. Sérstaklega
forvitnilegt var að sjá hversu umfangsmikil starfsemin
er og hversu mikil áhersla er lögð á endurmenntun hjá
frændum okkar. Þetta vakti upp spurningar hjá okkur
um það hvort við værum á réttri leið eða hvort félagið
eigi að leggja meiri áherslu á endurmenntunarmál í
framtíðinni og þá á hvern hátt það verði gert. Slíkt væri
hægt að gera í samráði við Háskóla íslands og með
auknu samstarfi við menntunarnefndir erlendra endur-
skoðendafélaga, eins og raunar er verið að gera tilraun
með nú í haust. Ég tel að næsta stjórn FLE verði að
taka upp umræður á sínum vettvangi á hvern hátt þess-
um málum verði best háttað innan félagsins og móta
framtíðarstefnu í menntunarmálum FLE.
46