Álit: tímarit löggiltra endurskoðenda - 01.01.1991, Blaðsíða 44

ENDURSKOÐUNARNEFND FLE
Að ósk ritstjóra Álits vill Endurskoðunarnefnd Félags
löggiltra endurskoðenda gera stuttlega grein fyrir því
helsta sem nefndin hefur fengist við að undanförnu.
Nefndir félagsins gerðu síðast grein fyrir störfum sínum
í 19. árgangi tímaritsins 1989/1990.
Leiðbeinandi reglur
Eins og áformað hafði verið lagði nefndin tvær tillögur
að leiðbeinandi reglum undir atkvæði félagsmanna á
aðalfundi félagsins 1989. Voru báðar tillögurnar sam-
þykktar, en þær eru þessar:
Leiðbeinandi reglur um endurskoðun á viðskipta-
kröfum, og Leiðbeinandi reglur um endurskoðun
birgða.
í framhaldi af þessu tók nefndin til við tvö ný viðfangs-
efni á þessu sviði, og hefur í framhaldi af því fullmótað
tillögur að leiðbeinandi reglum, sem eru:
Tillaga að leiðbeinandi reglum um endurskoðun
varanlegra rekstrarfjármuna.
Tillaga að leiðbeinandi reglum um endurskoðun
þegar vafi leikur á um rekstrarhæfi.
Hér er um viðkvæm og viðamikil málefni að ræða, sér-
staklega þó það síðarnefnda. íslenskar aðstæður eru að
ýmsu leyti sérstakar á þessu sviði, en þó var höfð hlið-
sjón af erlendum stöðlum eftir því sem tök voru á.
Lagði nefndin umtalsverða vinnu í báðar tillögurnar, og
tóku þær miklum breytingum í meðförum nefndarinn-
ar. Voru þær síðan kynntar á félagsfundi í tengslum við
aðalfund FLE 1990, og stofnað til almennra umræðan
um þær. Komu þar fram ýmis sjónarmið félagsmanna.
Eftir yfirferð Endurskoðunarnefndar var félagsmönn-
um síðan gefinn kostur á að koma að skriflegum at-
hugasemdum sínum við tillögurnar, en það er skemmst
frá að segja að enginn hefur séð ástæðu til þess. Er nú
áformað að leggja þessar tillögur undir atkvæði félags-
manna á aðalfundi 1991, sem ekki hefur verið haldinn
þegar þetta er ritað. Er það von nefndarmanna að þær
fái þar gott brautargengi.
Norrænt samstarf
Nefndin hefur sem fyrr átt fulltrúa á árlegum fundum
Norrænu endurskoðunar-nefndarinnar (NRK), en þeir
eru jafnan haldnir í júnímánuði. Fundurinn árið 1990
var haldinn í Osló og sóttu hann af okkar hálfu tveir
fulltrúar Endurskoðunarnefndar FLE. Helstu atriði úr
dagskrá fundarins voru:
Áritanir á óendurskoðuð reikningsskil.
Endurskoðun tölvukerfa.
Endurskoðun þegar vafi leikur á um rekstrarhæfi.
(íslensk framsaga).
Ábyrgð endurskoðenda á að uppgötva undanskot
og fjárdrætti.
Gerð nýrrar endurskoðunaráritunar.
Samhengi leiðbeinandi reglna við alþjóðlega staðla.
Gæðaeftirlit á vegum samtaka endurskoðenda.
Það sem íslensku fulltrúarnir lögðu hér til málanna var
hugsað sem liður í undir-búningi áðurnefndrar tillögu
um leiðbeinandi reglur um sama efni. I ljós kom að ná-
grannar okkar gefa þessu viðfangsefni nú sérstakar gæt-
ur.
í síðastliðnum júnímánuði var fundur NRK haldinn í
Helsinki, og sóttu hann sem fyrr tveir fulltrúar héðan.
Helstu umræðuefni voru nú:
Heildarskipan leiðbeinandi reglna.
Nýtt form endurskoðunaráritunar.
Hlutverk endurskoðenda þegar vafi leikur á um
rekstrarhæfi.
Hlutverk endurskoðenda við skráningu félags á
verðbréfaþingi. (ísland).
Viðbrögð endurskoðenda við að uppgötva lögbrot.
„Analytisk'1 endurskoðun.
Báðir þessir fundir voru með hefðbundnu sniði og um-
ræður fjörugar. Stéttar-bræður okkar á hinum Norður-
löndunum virðast mjög áhugasamir um að vinna að
framförum í staðlasetningu og ekki velta þeir síður fyrir
sér þeim áhrifum sem staðlarnir hafa á störf einstakra
endurskoðenda. Þá eru þeir mjög áhugasamir um að
fyrir leita hver í annars smiðju og að miðla af reynslu
sinni. íslenskir endurskoðendur geta einnig notið góðs
af þessu.
Önnur viðfangsefni
Á árinu 1990 vísaði Álitsnefnd FLE til Endurskoðunar-
nefndar erindi frá Endur-skoðunarmiðstöðinni hf., en
þar voru lagðar fyrir spurningar sem vörðuðu starfs-
skyldur kjörinna endurskoðenda. Endurskoðunar-
nefndin gerði Álitsnefnd grein fyrir skoðunum sínum,
en um innihaldið er vísað til svars Álitsnefndar sem
birst hefur í Fréttabréfi FLE.
Nefndinni hefur borist málaleitan um að taka til um-
fjöllunar hvert skuli vera hlutverk endurskoðenda í
tengslum við umsókn um skráningu hlutabréfa á verð-
bréfaþingi. Nokkur umræða hefur farið fram í nefnd-
inni um þetta mál og einnig var það af okkar hálfu bor-
ið upp til umræðu á áðurnefndum fundi NRK í Helsinki
fyrr á árinu. Ætlunin er að ýta þessu frekar áfram á
næstunni.
44