Ráðunautafundur - 15.02.1993, Blaðsíða 216

208
Einnig hafa filmumar ólíka eiginleika gagnvart strekkibúnaði á pökkunarvélum og
sumir framleiðendur eru þegar komnir með mismunandi stillingar fyrir ýmsar gerðir af filmum
en almennt er sú hlið tæknimála vanþróuð ennþá.
GÆÐAPRÓFANIR Á PLASTFILMU
Verkun heysins veltur á verulegu leyti á gæðum plastsins og réttri notkun þess. Þær kröfur
sem gerðar eru til filmunnar í því samhengi má í stuttu máli setja fram á eftirfarandi hátt:
Að filman hafi nægjanlegan styrkleika gagnvart beinu (mekanisku) álagi.
Standist niðurbrot gagnvart geislun í tiltekinn tíma.
Að gegndræpi súrefnis sé undir tilgreindum mörkum.
Að loðhæfni (viðloðunarhæfni eða líming) milli laga hindri aðstreymi súrefnis á
geymslutímanum.
Eins og áður var að vikið er framleiðsluferill á plastfilmu nokkuð flókinn og krefst
mikillar nákvæmni. Töluverð samkeppni er orðin milli framleiðenda á markaðnum en hins
vegar er óljóst ffá sjónarhóli neytenda um samhengi milli verðs og gæða.
Prófanir á hinum ýmsu eiginleikum filmanna má firamkvæma eftir margvíslegum
aðferðum en nú eru í mótun staðlar sem að eru aðlagaðir að þeim kröfum sem að
landbúnaðurinn gerir til þessarar framleiðslu. Stöðugt verða háværari raddir um að filmumar
séu prófaðar og að beinlxnis sé hægt að ganga úr skugga um með vörumerkingum hvort að
þær uppfylli tiltekin skilyrði. Innan Norðurlanda er verið að vinna að slíkum samræmdum
stöðlum og f ráði er að á vegum norrænu ráðherranefndarinnar starfí vinnuhópur sem móti
tillögur að slíkum stöðlum. Nú þegar liggja fyrir nokkrar niðurstöður prófana, einkum frá
Noregi.
Allar umræddar prófunaraðferðir taka mið af því að líkja eftir því álagi sem að filman
verður fyrir hjá notandanum við hin ýmsu skilyrði og jafnframt að notandinn geti í framtíðinni
valið þá filmugerð og einnig filmugæði sem henta hveiju sinni. Mjög mikilvægt er að þessar
prófunaraðferðir séu þróaðar í samvinnu við framleiðendur þannig að prófunarstöðvamar hafi
viðurkennd viðmiðunarmörk gagnvart notkun filmunnar við heyverkun og þá við breytileg
skilyrði. Ella er mjög erfitt að draga ályktanir af slíkum niðurstöðum til leiðsagnar fyrir
bændur.
I eftirfarandi verður í örstuttu máli gerð grein fyrir hvaða mælingar em nú þegar
notaðar við prófanir og jafnframt á hvaða bili tölulegar niðurstöður em að jafnaði.