Dagblaðið Vísir - DV - 14.10.2016, Blaðsíða 8

Helgarblað 14.–17. október 20168 Fréttir
Einu eggin á neytendamarkaði
með löggilda vottun
Lífrænu hænurnar
hjá Nesbúeggjum
• Fá lífrænt fóður
• Fá mikið pláss
• Njóta útiveru
nesbu.is
NESBÚ
EGG
Lóðarskuld kísilvers
safnar dráttarvöxtum
n Geysir Capital skuldar Reykjaneshöfn 162 milljónir n Benda á höfnina
R
eykjaneshöfn hefur ekki
enn fengið greiddar 162
milljónir króna af kaup­
verði lóðarinnar undir kísil­
ver United Silicon í Helgu­
vík. Dráttarvextir vegna vanskilanna
nema nú um átján milljónum króna.
Höfnin seldi lóðina árið 2012 og á
eigandi hennar, einkahlutafélagið
Geysir Capital, enn eftir að ganga
frá tveimur síðustu greiðslunum.
Önnur þeirra nemur 100 milljónum
króna og var á gjalddaga í byrjun
nóvember í fyrra og fór í innheimtu
hjá lögfræðingi hafnarinnar um
síðustu áramót. Stjórnarformaður
Geysis Capital hefur sagt tafir á
hafnarframkvæmdum í Helguvík
ástæðu þess að félagið hefur haldið
eftir greiðslum.
Seld á 362 milljónir
Geysir Capital eignaðist lóðina
Stakksbraut 9 í Helguvík árið 2014
þegar félagið keypti hana af Stakks­
braut 9 ehf. Reykjaneshöfn, sem er
í eigu Reykjanesbæjar, seldi Stakks­
braut 9 lóðina árið 2012 á 362 millj­
ónir króna en félagið rann inn í
United Silicon (Sameinað Sílíkon
hf.) nokkrum mánuðum eftir að
Geysir Capital gekk frá kaupunum.
Kaupverðinu var, eins og kom fram
í DV í febrúar síðastliðnum, skipt
í fjórar greiðslur og hefur Geysir
Capital, sem er í eigu hollenska fé­
lagsins USI Holding BV, greitt tvær
þeirra eða alls 200 milljónir króna.
Þriðja greiðslan átti eins og áður
segir að berast höfninni í nóvember
í fyrra en sú fjórða í apríl síðastliðn­
um. Auðun Helgason, stjórnarfor­
maður Geysis Capital, sagði í að­
sendri grein í Víkurfréttum í ágúst
að vanskilin mætti rekja til tafar á
hafnarframkvæmdum Reykjanes­
hafnar í Helguvík.
„Ekki mun standa á greiðslu frá
félaginu þegar töfinni léttir. Þess
má geta að United Silicon hf. greiðir
hafnargjöld til Reykjaneshafnar sam­
kvæmt gjaldskrá hafnarinnar, sem er
mun hærri en hjá til dæmis Faxaflóa­
höfnum og Hafnarfjarðarhöfn,“ sagði
Auðun í greininni.
„Okkur er alveg sama“
Auðun er einnig stjórnarmaður í
United Silicon og félögunum Kísill
Ísland hf. og Kísill III slhf. sem eiga
99% af hlutafé kísilversins. Hann
tók við stjórnarformennsku Geysis
Capital í apríl en í stjórninni situr
einnig Magnús Ólafur Garðarsson,
starfandi stjórnarmaður í United
Silicon og fyrrverandi forstjóri fyrir­
tækisins. Magnús sagði í samtali við
DV í ágúst 2015, þremur mánuðum
áður en þriðja greiðslan var á gjald­
daga, að hafnaraðstaðan væri „fín
eins og hún er“. Tilefnið var minn­
isblað sem hafði þá verið lagt fram
í bæjarráði Reykjanesbæjar og fjall­
aði um umsókn sveitarfélagsins um
2,3 milljarða króna ríkisstyrk vegna
hafnarframkvæmda í Helguvík. Var
þar bent á að Reykjaneshöfn þyrfti
aðstoðina svo fyrirtækið gæti upp­
fyllt skuldbindingar sínar vegna
kísil vers United Silicon.
„Okkur er alveg sama enda þurf­
um við ekki á þessari stækkun að
halda næstu árin þar sem hafnarað­
staðan er fín eins og hún er,“ sagði
Magnús. Aðspurður svaraði hann
að höfnin ætti að duga til ársins
2019 þegar framleiðslugeta verk­
smiðjunnar myndi aukast með öðr­
um málmbræðsluofni.
„Hins vegar er alveg rétt að þegar
við stækkum verksmiðjuna og fáum
ofn númer tvö þá höfum við samið
um að hafnarkanturinn verði lengd­
ur til vesturs en eins og ég segi þá
liggur svo sem ekkert á því fyrir okk­
ur,“ sagði Magnús í samtali við DV í
ágúst í fyrra.
Ekki náðist í Auðun Helgason
við vinnslu fréttarinnar. Halldór
Karl Hermannsson, hafnarstjóri
Reykjaneshafnar, vildi ekki tjá sig
um málið að öðru leyti en að stað­
festa að höfninni hefði enn ekki
borist milljónirnar 162. n
Haraldur Guðmundsson
haraldur@dv.is
Kísilverið Framleiðsla United Silicon í Helguvík ætti að hefjast fyrir áramót. Gangsetningu verksmiðjunnar hefur seinkað en hún var áætluð í júní síðastliðnum. Mynd SiGtryGGur Ari
Stjórnarformaðurinn Auðun Helgason
staðfesti í grein í Víkurfréttum að vanskilin
megi rekja til óánægju eigenda kísilversins
og lóðarinnar með stöðu hafnarmannvirkja
í Helguvík.
Hluthafi Magnús Garðarsson, starfandi
stjórnarmaður United Silicon og hluthafi
í kísilverinu, situr einnig í stjórn Geysis
Capital.