Dagblaðið Vísir - DV - 14.10.2016, Page 36

Helgarblað 14.–17. október 201632 Sport
Hentar vel í matargerð, ofan á brauð, til að poppa popp,
í baksturinn, í þeytinginn, á húðina eða til inntöku.
Að skora eða skora ekki
n Marklínutæknin hefur enn ekki rutt sér til rúms í öllum keppnum n Ísland græddi á því
M
arklínutækni hefur ekki
verið tekin upp í öllum
keppnum, svo sem í
undankeppnum stórmóta
og á Spáni. Íslendingar
nutu góðs af því að tæknin hefur
ekki verið tekin upp í undakeppni
HM, þegar Ragnari Sigurðssyni var
dæmt mark gegn Finnum sem réð
úrslitum. Boltinn fór ekki yfir línuna
fyrr en Alfreð Finnbogason sparkaði
honum úr höndum finnska mark-
mannsins. Þetta svíður Finnum, sem
von er.
Íslendingar græddu tvö dýrmæt
stig á atvikinu, sem er hreint ekki
einsdæmi í knattspyrnusögunni.
Á hverju keppnistímabili eru talin
mörk sem aldrei voru skoruð. Stund-
um eru skoruð mörk á hinn bóginn
ekki talin. Hér eru tekin saman nokk-
ur nýleg dæmi um dæmd mörk sem
ýmist áttu ekki að standa eða atvik
þar sem dómararnir sáu ekki að bolt-
inn fór yfir línuna. Með fylgir líka eitt
umdeildasta atvik sögunnar í þess-
um efnum. n
Baldur Guðmundsson
baldur@dv.is
Frank Lampard gegn
Þjóðverjum
8-liða úrslit á HM 2010
Englendingar voru 2-1 undir
gegn Þjóðverjum og stutt var
til hálfleiks. Lampard skaut þá
boltanum yfir Manuel Neuer.
Boltinn hafnaði í slánni og lenti
svo augljóslega vel inni í markinu.
Neuer greip boltann eftir að hann
hafði skoppað og spyrnti honum
rakleiðis út. Englendingar vissu vart hvert
þeir ætluðu þegar dómarinn lét leikinn halda áfram.
Þjóðverjar unnu 4-1 en eftir leikinn talaði Sepp Blatter, forseti
FIFA, um að tími væri kominn til að taka upp marklínutækni.
Andy Carroll á móti Chelsea
Bikarúrslit 2012
Liverpool og Chelsea áttust við í fjörugum bikarúrslitaleik FA Cup. Staðan var 2-1 á 84.
mínútu þegar Carroll skallaði fyrirgjöf að marki. Petr Cech varði boltann sem virtist vera
kominn allur inn fyrir línuna. Um það má þó deila. Phil Dowd ráðfærði sig við aðstoðar-
dómarann Andrew Garratt og þeir ákváðu að dæma ekki mark. Chelsea vann leikinn 2-1.
Marko Devic gegn Englendingum
Riðlakeppni EM 2012
John Terry hélt að hann hefði náð að bjarga á línu í leik Englands og Úkraínu á EM 2012.
Það sem verra var að dómararnir héldu það líka og dæmdu ekki mark, en það var Marko
Devic sem skaut. Myndbandsupptökur sýndu að boltinn var inni. Aftur rumskaði Blatter
og sagði að nú væri marklínutækni orðin nauðsynleg. England vann leikinn 1-0.
Geoff Hurst á móti
Vestur-Þjóðverjum
Úrslitaleikur HM 1966
Þetta er líklega þekktasta dæmi sögunnar þegar kemur að
svona álitamálum. Englendingurinn Geoff Hurst skaut í slá, í
stöðunni 2-2 í úrslitaleik HM. Boltinn skaust þaðan beint niður og
hafnaði á línunni. Eftir að hafa ráðfært sig við fjórða dómarann
ákvað dómarinn að dæma mark. Englendingar unnu 4-2 að
lokum og urðu heimsmeistarar.
Clint Hill á móti Bolton
Enska úrvalsdeildin 2011–2012
QPR var nálægt því að falla vorið 2012. Hefði þetta atvik verið
rétt dæmt hefði kannski ekki munað jafn mjóu og raun bar vitni.
Clint Hill skallaði hornspyrnu Joey Barton vel inn í mark Bolton
en dómarinn dæmdi ekki mark. Bolton vann leikinn 2-1 en kald-
hæðni örlaganna hagaði því þannig að það var að lokum Bolton
sem féll, en ekki QPR.
Freddie Sears á móti
Bristol City
Championship 2009
Markið sem Sears skoraði á
móti Bristol verður lengi í
minnum haft. Hann þrumaði
boltanum í markið án þess
að nokkur kæmi vörnum við.
Allir leikmenn Crystal Palace
fögnuðu og varnarmennirnir
hengdu haus. Svo vildi til að
boltinn fór inn í markið, í stoð bak
við netið og skaust út aftur. Sá eini
sem sá ekki markið var dómarinn, sem lét
leikinn halda áfram. Til að bæta gráu ofan á svart stal Bristol
City sigrinum með marki á lokamínútu leiksins.
Sulley Muntari á móti Juventus
Seria A 2012
Skrautlegt atvik átti sér stað í leik Juventus og AC Milan 2012. Eftir hornspyrnu Milan
barst boltinn fyrir markið þar sem leikmaður Milan skallaði að marki. Buffon varði vel í
markinu. Boltinn barst að höfði Muntari sem skallaði boltann í markið. Buffon varði en
auljóst var þegar atvikið var endursýnt að boltinn var vel inni í markinu. Leikmenn Milan
fögnuðu en Juventus brunaði í sókn. Minnstu munaði að þeir skoruðu um hæl.
Roy Carroll gegn
Tottenham
Enska úrvalsdeildin í janúar 2005
Roy Carroll var ekki alltaf í uppáhaldi hjá stuðn-
ingsmönnum United. Hann þótti mistækur. Hann
gerði glórulaus mistök í leik gegn Tottenham fyrir
11 árum. Pedro Mendes reyndi þá að skora frá
miðju, þar sem hann sá að Carroll var framarlega
í teignum. Carroll ætlaði að grípa boltann en
missti hann úr höndunum, yfir öxlina og vel inn í
markið. Hann henti sér á eftir boltanum og grýtti
honum út – og lét eins og ekkert hefði í skorist.
Þrátt fyrir að boltinn hafi farið langleiðina í netið
var leiknum áfram haldið og leikmenn Tottenham
mótmæltu kröftuglega. Carroll fór frá United um
vorið en er reyndar enn að spila í dag. Hann spilar í
norðurírsku deildinni, 39 ára gamall.
Ísland skoraði
- samt ekki Þrátt
fyrir þessa mynd
sýna aðrar betri að
boltinn fór ekki inn
fyrir línuna.