Dagblaðið Vísir - DV - 02.12.2016, Blaðsíða 14

Helgarblað 2.–5. desember 201614 Fréttir
Hreinsun
á kjólum
1.600 kr.
Opið
Virka daga
08:30-18:00
laugardaga
11:00-13:00
Hringbraut 119 - Einnig móttaka á 3.hæð í Kringlunni
hjá Listasaum - Sími: 562 7740 - Erum á Facebook
Í fangelsi vegna
samkeppnis-
brota
Steingrímur Birkir Björnsson,
framkvæmdastjóri fagsölu­
sviðs BYKO, var í Hæstarétti
á fimmtudag dæmdur í 18
mánaða fangelsi fyrir brot
á samkeppnislögum. Fjórir
aðrir starfsmenn BYKO og
Húsasmiðjunnar hlutu fangels­
isdóma í málinu en dómarnir
eru að stærstum hluta skilorðs­
bundnir.
Málið snýst um verðsamráð
á grófvörum árin 2010 og 2011.
Alls voru tólf manns ákærðir
upphaflega í málinu. Þeir voru
starfsmenn BYKO, Húsasmiðj­
unnar og Úlfsins. Þeir voru
handteknir í mars 2011. Ellefu
af þessum tólf voru sýknaðir
í héraðsdómi í apríl í fyrra en
Hæstiréttur sneri dómnum við
að hluta.
Stefán Árni Einarsson, fyrr­
verandi framkvæmdastjóri vöru­
stýringarsviðs Húsasmiðjunn­
ar, og Júlíus Þór Sigurþórsson,
fyrrverandi vörustjóri á þunga­
vörusviði Húsasmiðjunnar, voru
dæmdir til níu mánaða fangels­
isvistar en dómarnir voru báð­
ir skilorðsbundnir. Aðrir fengu
styttri dóma, skilorðsbundna.
Sjö mannanna voru dæmdir til
að greiða málsvarnarlaun sín að
fullu. Í tilfelli Steingríms Birkis
er um að ræða tæpar sjö millj­
ónir króna.
RARIK bregst við
orkuþörf risahótels
n Þurfti að grípa til aðgerða til að anna eftirspurn og frekari aðgerða þörf
R
aforkuþörf nýs lúxushótels
á Hnappavöllum sem
opnað var í sumar er svo
mikil að til að anna henni
hefur RARIK þurft að grípa
til aðgerða og þörf er á frekari að­
gerðum til að tryggja afhendingu
rafmagns.
Truflanir ekki hótelinu að
kenna
Það var í júní síðastliðnum sem opn­
að var nýtt og stórt fjögurra stjörnu
lúxushótel á Hnappavöllum við
rætur Öræfajökuls, milli Skaftafells
og Jökulsárlóns. Hótelið, sem heitir
Fosshótel Jökulsárlón, er sagt það
stærsta sinnar tegundar í dreifbýli
með 104 herbergi. Eins og gefur að
skilja útheimtir slík starfsemi um­
talsverða orku og þegar vart varð
truflana á raforkuafhendingu á
svæðinu í kring fóru einhverjir að
velta fyrir sér hvort nýja hótelinu
væri hugsanlega um að kenna. DV
leitaði skýringa á þessum orðrómi
hjá RARIK. Þar fengust þau svör að
ekki væri rétt sem DV hafði heyrt
að hótelið væri að taka svo mikla
raforku til sín að það orsakaði raf­
magnsleysi á svæðum í kring.
„Hins vegar er rétt að hótelið
tekur umtalsvert rafmagn og til að
anna því hefur þurft að grípa til að­
gerða og þarf að grípa til frekari að­
gerða,“ segir í svari RARIK. Trufl­
anir eigi sér hins vegar eðlilegar
skýringar.
Veður, viðgerðir og áflug fugla
RARIK er með afhendingarstað
frá Landsneti á Hólum við Höfn í
Hornafirði þaðan sem liggur um
125 kílómetra 19kV háspennulögn
að Skaftafelli í Öræfum sem sér við­
skiptavinum á svæðinu frá Horna­
fjarðarfljóti vestur að Skaftafelli
fyrir raforku. Samkvæmt upplýs­
ingum frá RARIK hefur verið unnið
markvisst að endurnýjun á þessari
línulögn frá því fyrir síðustu alda­
mót með jarðstreng, sem er nú 100
kílómetra af leiðinni í jörð en 25
kílómetra í loftlínu.
„Ef bilun verður á þessari löngu
lögn eða ef vinna þarf við breytingar
og viðgerðir á henni veldur það að
jafnaði einhverju straumleysi með­
an á vinnu stendur. Loftlínuhlut­
inn er meiri truflanavaldur vegna
veðurs og áflugs fugla. Þær trufl­
anir sem orðið hafa á raforkuaf­
hendingu á svæðinu hafa tengst
bilunum og áflugi á línuhlutann,
nema sú síðasta sem var 29. nóv­
ember sl. vegna tenginga á nýrri
strenglögn við Steinavötn.“
Lausn í árslok 2017
Talsmenn RARIK segja að alltaf
hafi legið fyrir að grípa þyrfti til
aðgerða til að auka flutningsgetu
dreifikerfisins þegar nýja hótelið á
Hnappavöllum færi í fullan rekstur.
„Sú lausn sem RARIK telur besta
er að fá nýtt úttak hjá Landsneti
úr Byggðalínunni nálægt Hnappa­
völlum og voru strax hafnar við­
ræður við Landsnet um þá lausn.
Nú liggur fyrir að framkvæmdir við
þetta úttak á Byggðalínunni geti
hafist í byrjun næsta árs og verði
væntanlega lokið í árslok 2017.“
Annar álagi
Í svari fyrirtækisins segir að dreifi­
kerfið hafi hingað til annað því
álagi sem verið hefur á svæðinu, en
verið sé að koma fyrir spennustill­
um á dreifikerfið við Reynivelli til
að tryggja spennuástand á svæð­
inu í vetur og þangað til úttakið
við Hnappvelli verður komið í
rekstur. Einnig verði færanlegri
dísilvél komið fyrir við Smyrla­
bjargaárvirkjun til að anna álaginu
á mesta álagstíma á komandi vetri.
„Þegar nýr afhendingarstaður
Landsnets við Hnappavelli verður
komin í gagnið mun rekstrar­
öryggi dreifikerfisins milli Hafnar
og Skaftafells aukast til muna, bæði
vegna bilana og nýtenginga, þar
sem hægt verður að reka kerfið
frá tveimur afhendingarstöðum á
Byggðalínu.“ n
„Hótelið tekur um-
talsvert rafmagn
og til að anna því hefur
þurft að grípa til aðgerða
og þarf að grípa til frekari
aðgerða.
Sigurður Mikael Jónsson
mikael@dv.is
Stórt og glæsilegt RARIK segir að grípa hafi þurft
til aðgerða til að bregðast við aukinni raforkuþörf í Ör-
æfum með tilkomu Fosshótels Jökulsárlóns sem opnað
var í sumar. Frekari aðgerða sé enn þörf. Mynd FoSShoTeL.iS