Bókasafnið - 01.07.2017, Blaðsíða 16

16 Bókasafnið
og svo sannarlega þess virði að vera viðstaddur hana. Há-
tíðin stóð í rúma tvo klukkutíma og brá þar meðal annars
fyrir loftfimleikafólki, karlakór, lúðrasveit, Spiderman,
dragdrottningu í hlutverki Adele og margt fleira. Að auki
flutti Donna Scheeder, formaður IFLA, ávarp og kynnti
fyrir ráðstefnugestum nýjan aðalritara IFLA, Gerald
Leitner og hélt hann einnig ávarp.
Eftir opnunarhátíðina tók alvaran við og fyrirlestrar hófust
af alvöru. Ráðstefnan samanstóð af fyrirlestraröðum (ses-
sions), vinnustofum og vinnufundum fastanefnda. Fyrir-
lestraraðirnar voru mislangar og voru frá 3 uppí 8 fyrirlestr-
ar í hverri röð. Einnig var talsvert af vinnustofum þar sem
unnið var í hópum með ákveðið þema og vinna hvers hóps
tekin saman í lokin. Á undan, eftir ráðstefnunni og meðan
henni stóð, héldu fastanefndir IFLA vinnufundi sem öllum
var frjálst að mæta á ef þeir svo kysu. Við sóttum fjölmarga
fyrirlestra á meðan á ráðstefnunni stóð og stóðu þar eðlilega
uppúr fyrirlestrar er tengdust norrænum söfnum og Íslandi.
Við rákum til að mynda upp stór augu er við sáum að einn
fyrirlesturinn fjallaði um íslensk almenningsbókasöfn en
þar var á ferð Andrea Wyman sem rannsakað hefur íslensk
almenningsbókasöfn og skoðað hvort og þá hvernig ís-
lensk almenningsbókasöfn eru að fá fólk til að nýta söfnin
og vekja athygli á mikilvægi þeirra og þörf í samfélaginu.
Fyrirlesturinn var mjög áhugaverður og hélt Andrea sams-
konar fyrirlestur á Landsfundi Upplýsingar sem haldinn
var í Reykjanesbæ dagana 29.-30. september 2016. Einnig
héldu norrænir kollegar okkar, Mariann Schjeide, formaður
norska bókavarðafélagsins, og Jukka Relander, formaður
finnska bókavarðafélagsins og formaður EBLIDA, sam-
taka evrópskra bókavarða- og skjalastjórnunarfélaga, mjög
áhugaverða fyrirlestra um hlutverk bókasafna í heimsmark-
miðum Sameinuðu þjóðanna um sjálfbæra þróun (The 2030
agenda) og hvað bókasöfn í þeirra löndum hafa gert til að
sinna þeim hlutverkum. Marie Østergaard hélt svo fyrir-
lestur um og kynnti Dokk1 sem er nýtt, framúrstefnulegt
bókasafn í Århus í Danmörku en Dokk1 var einmitt valið
sem almenningsbókasafn ársins 2016 á IFLA ráðstefnunni.
Það kenndi ýmissa grasa í fyrirlestrum ráðstefnunnar og
óhætt að segja að allir hafi geta fundið sér eitthvað við hæfi.
Oft reyndist erfitt að velja á milli og stundum kom upp sú
óskhyggja að geta skipt sér í tvennt, jafnvel þrennt til að
geta séð allt sem áhuga vakti.
Það voru þó ekki bara fyrirlestrar og eintóm vinna í boði.
Fjölbreytt úrval af safnaheimsóknum voru í boði flesta
dagana og talsvert var um svokallaðar „off-venue“ fyrir-
lestraraðir og móttökur fyrir ráðstefnugesti. Ýmsar upp-
ákomur voru á göngum ráðstefnuhallarinnar og komu til
dæmis hundar sem ferðast á milli almenningsbókasafna
í Columbus og leyfa börnum að lesa fyrir sig, í heimsókn.
Í sérstökum sýningarsal höfðu rúmlega 90 framleiðendur
gagna og búnaðar fyrir bókasöfn, ásamt útgefendum, komið
sér fyrir og kynntu vörur sínar og þjónustu. Þar var hægt
að sjá allt frá sjálfvirkum bókaútlánavélum til kynninga á
gagnasöfnum. Í nánast hverjum einasta sýningarbás var
verið að gefa hluti eins og bækur, penna, minnislykla og
fleira og voru kynningaraðilarnir ansi spenntir fyrir því að
maður færi með eitthvað frá þeim heim. Eitt kvöldið var
svokallað menningarkvöld (cultural evening) þar sem boðið
var uppá margskonar skemmtun og mat í COSI (Center
of Science and Industry). Búið var að skipta COSI upp í
nokkur svæði og var hvert svæði tileinkað ákveðnum hluta
Bandaríkjanna og tóku skemmtiatriðin og maturinn á því
Ráðstefnugögn og annað gagnlegt
Af kynningu Andreu
Wyman um rannsókn
sína á íslenskum
almenningsbókasöfnum
Fulltrúar norrænna bókavarðafélaga áttu fund á IFLA heimsráðstefn-
unni eins og venja er. Frá vinstri: Kristjana Mjöll J. Hjörvar, formaður
Upplýsingar, Rauha Maarno, aðalritari finnska bókavarðafélagsins, Jóna
Guðmundsdóttir, ritari Upplýsingar, Torbjorn Nilsson, varaformaður
sænska bókavarðafélagsins, Marjann Schjeide, formaður norska bóka-
varðafélagsins, Steen B. Andersen, formaður danska bókavarðafélagsins,
Jukka Relander, formaður finnska bókavarðafélagsins, Calle Nathanson,
formaður sænska bókavarðafélagsins, Michel Steen-Hansen, fram-
kvæmdastjóri danska bókavarðafélagsins