Dagblaðið Vísir - DV - 07.07.2017, Blaðsíða 20

20 umræða
Útgáfufélag: DV ehf. Stjórnarformaður og útgefandi: Björn Ingi Hrafnsson
ritstjórar: Kolbrún Bergþórsdóttir og Sigurvin Ólafsson ritstjóri dv.is: Kristjón Kormákur Guðjónsson
aðstoðarritstjóri dv.is: Einar Þór Sigurðsson umbrot: DV ehf. Prentun: Landsprent Dreifing: Árvakur
DV áskilur sér rétt til að birta aðsent efni blaðsins á stafrænu
formi og í gagnabönkum án endurgjalds. Öll viðtöl blaðsins eru
hljóðrituð. Notkun á efni blaðsins er óheimil án samþykkis.
aðalnúmer: 512 7000
auglýsingar: 512 7050
ritstjórn: 512 7010
fréttaskot
512 70 70
Heimilisfang
Kringlan 4-12, 4. hæð
103 Reykjavík
Sandkorn
Helgarblað 7. júlí 2017
Þ
etta er ógeðslegt þjóðfélag.
Þetta er allt ógeðslegt. Það
eru engin prinsipp, það
eru engar hugsjónir, það er
ekki neitt. Það er bara tækifæris-
mennska, valdabarátta.“
Við viljum örugglega langflest
trúa því að þessi fleygu orð Styrm-
is Gunnarssonar, sögð við rann-
sóknarnefnd Alþingis, hafi átt
við ákveðið skeið í íslensku sam-
félagi en séu ekki lýsandi fyrir
ástandið eins og það er í dag. Í
nýlegu viðtali í DV sagði Styrmir
að enginn lærdómur hefði ver-
ið dreginn af hruninu. Nú þegar
fréttir af ofurlaunum og bón-
usum upp á tugi og hundruða
milljóna eru fyrirferðarmiklar
er ljóst að við höfum ekki lært
nógu mikið. Auk þess er eins
og ákveðinn hópur sé beinlínis
að sækjast eftir því að til verði
jafn sjúkt ástand og var á árun-
um fyrir hrun þegar græðgin
tók öll völd. Þessi hópur er í
klappkór Gordon Gekko, sem
í kvikmyndinni Wall Street
segir: „Græðgi er rétt. Græðgi
virkar.“ Fólk sem hugsar á
þennan hátt svífst einskis til
að ná markmiði sínu og fer
fimlega allar krókaleiðir til að
komast framhjá reglum sem setja
eiga þeim skorður.
Viðvörunarljós blikka og mik-
ilvægt er að bregðast við en ekki
sitja þegjandi með hendur í
skauti. Vissulega er gangur lífs-
ins sá að menn uppskera misjafn-
lega en þar verður eitthvert hóf að
vera á. Við verðum að spyrja okk-
ur hvers konar þjóðfélag við vilj-
um skapa. Það er alveg örugglega
ekki almennur áhugi á því að hér á
landi verði til stétt prinsipplausra
manna sem skaffi sér og sínum
tugi og hundruða milljóna bónusa
og kaupauka. Fréttirnar af því að
fjórir stjórnendur eignarhalds-
félagsins, sem heldur utan um
eignir Gamla Landsbankans, fái
samtals hundruð milljóna króna
í bónusa minnir
okkur harkalega á
þessa gömlu tíma
þegar allt snerist
um peninga og of-
urgróða.
Íslenskur al-
menningur er van-
ur að láta ýmis-
legt yfir sig ganga
en er ekki líklegur
til að þegja í þetta
sinn. Forkólfar verkalýðshreyf-
ingarinnar standa í lappirnar og
sjá vitanlega enga ástæðu til að
tala kurteislega um þessa þró-
un og ofurlaun í fjármálakerfinu.
Lítið heyrist hins vegar frá stjórn-
málamönnunum sem eru komnir
í sumarfrí og telja sig kannski um
leið vera stikkfrí. Einstaka undan-
tekningar eru þar frá og má nefna
Lilju Alfreðsdóttur, sem orðar
hlutina rétt þegar hún segir að
engin þolinmæði sé í samfélaginu
gagnvart taumlausri græðgi.
Það er ekkert eftirsóknarvert
við samfélag þar sem græðgin fær
að grassera. Slíkt samfélag er að
sönnu ógeðslegt. n
Er þetta ógeðslegt þjóðfélag?
Trumplegur dómsmála-
ráðherra
Viðbrögð dómsmálaráðherra,
Sigríðar Á. Andersen, við mansals-
skýrslu bandarískra stjórnvalda
hafa vakið athygli en skýrslu-
höfundar segja að ekki sé vel
staðið að þeim málum hér á
landi. Dómsmálaráðherra gef-
ur lítið fyrir skýrsluna og segir
að hún gefi ekki rétta mynd af
stöðu mála hér á landi og telur
ýmsu ábótavant í vinnubrögð-
um skýrslu höfunda. Jafnframt lét
dómsmálaráðherra hafa eftir sér
að mögulegt væri að Ísland tæki
ekki framar þátt í skýrslugerðinni.
Vissulega geta stjórnmálamenn
verið ósammála því sem kemur
fram í einstaka skýrslum, en full-
langt er gengið þegar hótað er að
slíta samstarfi vegna þess. Jafn-
vel má segja að það sé nokkuð
trump-legt.
MR-ingar veittu Krist-
jáni aðhald
Stjórnmálamenn
þurfa aðhald og
rétt er að fagna
þegar þeim er
veitt það. Starfs-
fólk Menntaskól-
ans í Reykjavík
beið árangurs-
laust eftir því
að staða rektors við skólann
yrði auglýst laus til umsókn-
ar en Yngvi Pétursson, núver-
andi rektor, lætur af störfum 1.
ágúst næstkomandi. Skólafélag
MR var orðið leitt á aðgerðar-
leysi menntamálaráðuneytis-
ins og auglýsti því í Fréttablað-
inu stöðuna lausa til umsóknar.
Netfang Kristjáns Þórs Júlíusson-
ar menntamálaráðherra var látið
fylgja með. Menntamálaráðherra
var fljótur að taka við sér og stað-
an hefur nú verið auglýst laus til
umsóknar. Batnandi mönnum er
best að lifa!
Sameinuð stjórnarand-
staða
Jónas Kristjánsson, fyrrverandi
ritstjóri, er ósáttur við ríkisstjórn-
ina og segir að að stjórnarand-
staðan eigi að sameinast um mál-
efni. Á vefsíðu sinni segir hann:
„Skoðanakannanir benda til, að
þjóðin vilji norræna velferð og
uppboð veiðileyfa. Stjórnarand-
staðan ætti að geta samið um slík
atriði. Stundum þykjast flokkar,
til dæmis Vinstri græn og Sam-
fylkingin, hafa slíkar skoðanir, en
renna ævinlega á rassinn, þegar
til kastanna kemur. Út af valda-
miklum íhaldsöflum innan flokk-
anna.“
Er lækkandi vöruverð tímabundinn sumarsmellur
sem rennur sitt skeið á enda?
Viljum við fórna svona perlu fyrir
megawött til stóriðju?
Sigurður Ingi Jóhannsson – Fréttablaðið Tómas Guðbjartsson um Rjúkandisfoss – visir.is
Myndin Sumar Einhverjum kann að þykja sumarið hafa verið aðeins miðlungi gott, það sem af er. Allar líkur eru samt á því að helgarveðrið verði með þokkalegasta móti. Júlí og ágúst geta líka verið bestu mánuðirnir, þegar svo ber við. MYnd SIGTRYGGuR ARI
„Auk þess er eins og
ákveðinn hópur sé
beinlínis að sækjast eftir
því að til verði jafn sjúkt
ástand og var á árunum
fyrir hrun þegar græðgin
tók öll völd.
Leiðari
Kolbrún Bergþórsdóttir
kolbrun@dv.is
M
yn
di
r S
ig
tr
yg
gu
r A
ri