Dagblaðið Vísir - DV - 07.07.2017, Blaðsíða 70

46 fólk Helgarblað 7. júlí 2017
Óánægð með
vinsæl lög sín
S
öngvarar syngja jafnvel í
áratugi vinsælustu lög sín
á tónleikum og þá er engin
furða að þeir fái leiða á
þeim. Hér eru nokkur dæmi um
söngvara sem segjast/sögðust ekki
þola lög sem voru með þeirra allra
vinsælustu.
Söngvarar sem fengu nóg
Kolbrún Bergþórsdóttir
kolbrun@dv.is
Frank Sinatra og Strangers in the
Night
Sönvarinn þoldi ekki lagið og sagði það eitt sinn vera það versta sem hann hefði nokkurn
tíma heyrt. Þar sem lagið var eitt hans allra vinsælsta varð hann oft að syngja það á
tónleikum. Eitt sinn þegar hann tók við fagnaðarlátum eftir að hafa sungið lagið heyrðist
hann muldra: „Ég hata þetta lag“. Söngvarinn var einnig sagður hafa fengið nóg af My
Way og New York, New York sem hann söng oftar en hann kærði sig um.
Madonna og Like a Virgin
Like a Virgin er eitt af þekktustu lögum Madonnu. Söngkonan ber ekki hlýjar tilfinningar
til lagsins og sagði árið 2008 að hún væri orðin svo leið á því að það þyrfti að borga henni
30 milljónir dollara til að syngja það. Þrátt fyrir þá yfirlýsingu hefur hún síðan látið sig
hafa það að syngja lagið á tónleikum.
Pete Townshend
og Pinball Wizard
Gítarleikari The Who og lagahöfund-
urinn Pete Townshend segir lag sitt
Pinball Wizard vera hræðilegt og telur
það jafnframt klaufalegustu lagasmíð
sína. Hann samdi lagið í miklum flýti
og félagar hans í hljómsveitinni voru
stórhrifnir, ólíkt honum sjálfum.
Robert Plant og
Stairway to Hea-
ven
Eitt vinsælasta lag Led Zeppelin er Stairway to
Heaven. Söngvari hljómsveitarinnar, Robert Plant,
segist hafa fengið grænar bólur þegar hann varð að
syngja lagið á tónleikum. Hann skrifaði textann við
lagið og fannst þá að lagið skipti máli, en í dag er
hann ekki jafn viss um ágætið. „Lagið er bara ekki
fyrir mig,“ segir hann. Hann kallaði lagið eitt sinn
„þetta andskotans brúðkaupslag“.
Bob Geldof og Do
They Know it's
Christmas
Do They Know it's Christmas var sungið af
stórstjörnum til að vekja athygli á hungursneyð í
Eþíópíu. Það ætlunarverk tókst rækilega. Annar
höfunda lagsins, Bob Geldof, er ekki lengur aðdá-
andi. Hann segist bera ábyrgð á einu versta lagi
sögunnar. Hann segir óþolandi að vera í verslunar-
miðstöð um jól og þurfa að heyra Do They Know it's
Christmas.