Dagblaðið Vísir - DV - 22.09.2017, Page 36

2 Veislur Helgarblað 22. september 2017KYNNINGARBLAÐ
Mín sérstaða felst meðal annars í því að ég þjónusta margvís­
lega hópa. Þegar hópur fólks
er samankominn er eðlilegt
að einhver hluti af þeim hópi
sé grænmetisætur og ein­
hverjir séu með ýmiss konar
fæðuóþol eða ofnæmi. Þá
reyni ég að setja matseðlana
saman með það fyrir augum
að allir geti fengið það sem
þeir vilja. Ég hef alltaf lagt
mikla áherslu á að semja
matseðlana með hverjum og
einum þannig að engar tvær
veislur eru alveg eins því
kröfurnar og væntingarnar
eru misjafnar, hóparnir eru
misjafnir að samsetningu og
maður reynir að endurspegla
þetta í hverri veislu. Ég býð
ekki upp á tilboð A, B eða C
heldur er hver veisla einstök.“
Þetta segir Dóra Svavars­
dóttir, eigandi veisluþjón­
ustunnar Culina, en hún legg­
ur mikla áherslu á að mæta
sérþörfum allra og gera
hverja og eina veislu einstaka:
„Það er líka mjög eðlilegt
að veitingarnar endurspegli
fólkið sem er að bjóða til
veislu og mér finnst af­
skaplega gaman að vinna
á þennan hátt með fólki,
finna út uppáhaldsmatinn og
spinna út frá því hvað hægt
er að gera. Síðan eru það
önnur tilefni eins og til dæmis
árshátíðir eða haustfagn­
aðir á vinnustöðum, þá eru
oft einhver þemu eða verið
að búa til einhverja sérstaka
stemningu í fyrirpartíinu. Þá
er gaman að halda áfram
með það út í gegnum matinn
líka.“
Allt frá vegan upp í svínslæri
Um áherslur í matargerðinni
almennt segir Dóra: „Ég
átti og rak á sínum tíma
grænmetisstaðinn Á næstu
grösum í tíu ár þannig að
mínar rætur eru grænar.
Culina býður vissulega upp á
kjötrétti fyrir þá sem það vilja
en þegar maturinn kemur frá
okkur má samt alltaf búast
við því að töluvert stærri hluti
hans sé grænmeti en tíðkast
hjá öðrum. Ég hef líka mikla
reynslu af því að vinna í sam­
ráði við fólk sem hefur ýmiss
konar fæðuofnæmi og get
miðlað af þeirri reynslu. Mér
finnst líka alveg glatað að
fólk geti ekki borðað matinn
í sinni eigin veislu og ég vil
koma í veg fyrir slíkar uppá­
komur. Það er lágmarkskrafa.
Það hefur verið mikil vakning
í veganisma síðastliðin ár –
þetta hefur alveg sprungið út
– og undanfarið hef ég unnið
með nokkrar veislur þar sem
fólk hefur ákveðið að bjóða
eingöngu upp á vegan­fæði.
Ég hef afskaplega gaman
af slíkum verkefnum. Á hinn
bóginn hef ég líka verið með
veislur þar sem í boði eru
lambaskankar, svínslæri og
fleira þvíumlíkt. Á endanum
snýst þetta alltaf um óskir
viðskiptavinarins.“
Aðspurð hvers konar
veislum hún sinni mest núnar
þegar haustið gengur í garð
segir Dóra að haustfagn­
aðir og afmælisveislur séu
tíð verk efni þessa dagana
en síðan eru jólahlaðborðin
framundan. Hún segir líka
að það séu strax farnar að
berast fyrirspurnir vegna
fermingarveislna á næsta ári
en það sé gott að skipuleggja
veislur með góðum fyrirvara:
„Það gefur manni tíma til
að koma með hugmyndir og
henda boltanum á milli. Hvað
á veislan til dæmis að kosta?
Kostnaðurinn er jafn misjafn
og veislurnar eru margar.
Þess vegna er gott að fólk sé
búið að búa sér til ákveðinn
ramma fyrirfram. Það er
síðan hægt að laga veisluna
að kostnaðarrammanum
hverju sinni eða endurskoða
kostnaðarrammann. Það
er hægt að gera ýmislegt
með góðu samtali og sam­
vinnu. Þú færð auðvitað ekki
humarhala og nautalundir
fyrir klink en það er hægt að
gera
frá­
bæra
veislu úr
ódýrara hráefni og
vinna það öðruvísi.“
Til að panta veislu eða senda
fyrirspurnir er best að hafa samband í
gegn-
um
netfangið
dora@culina.
is. Einnig má hafa
samband í símanúmerið
892-5320. Síðan er gaman að skoða
heimasíðuna, culina.is, þar sem
finna má fróðlegar og aðgengilegar
upplýsingar.
Engar tvær veislur eru eins
CUlinA veiSlUÞjónUStA
Smáréttaveisla - snittur
Dóra Svavarsdóttir