Dagblaðið Vísir - DV - 03.11.2017, Blaðsíða 16

16 sport Helgarblað 3. nóvember 2017
A
rnór Ingvi Traustason,
kantmaður íslenska lands­
liðsins, er ekki í góðum
málum hjá AEK Aþenu í
Grikklandi. Arnór kom á láni til
AEK Aþenu í sumar, en hann er
samningsbundinn Rapid Vienna
í Austurríki. Arnór, sem er 24 ára
gamall, hefur upplifað bæði góðu
og slæmu hliðar atvinnumennsk­
unnar, hann átti tvö frábær ár með
Norrköpping í Svíþjóð áður en
hann hélt til Austurríkis. Hjá Rapid
Vienna upplifði hann svo mótlæti
og ákvað að færa sig um set og var
talin trú um að hann myndi leika
stórt hlutverk hjá AEK Aþenu en
það hefur ekki gengið eftir.
„Staðan er ekkert alltof góð,
maður er inn og út úr hópnum
hérna í Grikklandi. Það er afar lítið
sem maður gert í svona stöðu ann­
að en að halda ótrauður áfram og
koma sér inn í myndina. Ég geri
mér fulla grein fyrir því hvernig
staðan er og maður veit ekki hvað
gerist,“ sagði Arnór þegar DV
heyrði í honum þar sem hann naut
lífsins í Aþenu.
Góð frammistaða
breytir ekki neinu
Manolo Jiménez, þjálfari AEK
Aþenu, virðist hafa ákveðið það að
nota Arnór ekki, sama hver stað­
an er. Arnór fékk tækifæri í bikar­
keppni á dögunum og spilaði afar
vel. Hann uppskar hrós allra, en
þjálfarinn setti hann út úr leik­
mannahópnum í næsta leik. „Það
hefur komið mér mjög á óvart
hversu fá tækifæri ég hef fengið,
það er allt mjög grískt við þetta.
Ég er ekki mikið fyrir að setja út á
þjálfara minn. Maður vinnur bara
sína vinnu og leggur hart að sér,
ég held að það sé það besta í stöð­
unni. Ég átti mjög góðan leik í bik­
arnum á dögunum og fékk mikið
hrós fyrir. Stjórnin hrósaði mér og
yfirmaður knattspyrnumála gerði
það líka, stuðningsmennirnir voru
afar ánægðir með mig. Svo kom að
næsta leik og þá var ég ekki í hópn­
um.“
Átti að vera lykilmaður
AEK Aþena taldi Arnóri trú um að
hann myndi leika stórt hlutverk en
hann hefur ekki fengið sanngjörn
tækifæri til að sanna hversu öflug­
ur hann er. „Mér var seld sú hug­
mynd að við yrðum tveir að berj­
ast um stöðuna á kantinum, mér
fannst það hljóma vel. Það er hollt
fyrir alla sem eru í þessu að vera í
samkeppni. Þjálfarinn hefur svo
breytt um kerfi og það er voða lítið
að gerast í þessu. Ég þarf að vera
þolinmóður en það getur tekið á.“
Þrátt fyrir að lífið í Grikklandi
innan vallar sé ekki dans á rósum
er Arnór afar ánægður utan vallar.
„Lífið utan fótboltans er afar ljúft
hérna, ég er með kærustuna hérna
hjá mér og lífið er gott. Það er mjög
gott að búa hérna, það er góður
matur og gott veður hérna. Það er
ekki hægt að vera að kvarta.“
Íhugar að fara frá Grikklandi
Arnór veit að staðan er slæm og
fyrir alla knattspyrnumenn er erfitt
að spila lítið sem ekkert. Hann
hefur ekki rætt við félag sitt, Rapid
Vienna. Möguleiki er á að Arnór
snúi aftur til Austurríkis ef hlutirn­
ir breytast ekki í Grikklandi. „Ég
held öllum möguleikum opnum
ef staðan breytist ekki, auðvitað er
eitthvað í gangi. Það er áhugi hér
og þar, ég er hins vegar ekki farinn
að hugsa hvað gerist. Ég hef alveg
íhugað framhaldið, maður þarf
að horfa á raunveruleikann eins
og hann er. Það er ekkert komið í
gang með Rapid Vienna, ég er með
samning þar og þeir vita hver stað­
an er hjá mér. Ég á eftir að tala við
þá persónulega, ég held áfram að
berjast hérna áður en ég fer á kaf
í þessi mál.“
Allir vilja fara á HM
Ef Arnór spilar lítið sem ekkert
fram að næsta sumri er ljóst að
staða hans í íslenska landsliðinu
yrði erfið. Hann hefur átt fast sæti
í íslenska landsliðshópnum en
hann hefur fengið fá tækifæri eftir
að hann datt í frystikistuna hjá
AEK. Hann er meðvitaður um að
hann þurfi að spila, og spila vel, til
að komast með á HM í Rússlandi.
„Það er heimsmeistaramótið á
næsta ári, þar vilja allir vera með
og maður horfir á það þegar mað­
ur hugsar út í framtíðina. Það bitn­
ar á landsliðinu ef maður er ekki
að spila neitt. Eitt af því sem við Ís­
lendingar eigum nóg af eru góðir
leikmenn. Það vilja allir standa sig
vel og vera með þegar farið verður
til Rússlands, ef maður er ekki að
spila eða er ekki að standa sig þá
kemur næsti maður inn og hann
vill gera allt til þess að sanna sig.
Auðvitað vill maður vera þarna, en
eins og staðan er núna er samt það
eina sem ég get gert hjá AEK er að
reyna að koma mér inn í liðið.“
Magnað að vera partur af þessu
Arnór kom sér inn í íslenska
landsliðið eftir að það tryggði sig
inn á Evrópumótið í Frakklandi.
Hann stóð sig frábærlega og vann
sér inn sæti í hópnum. Á EM skor­
aði hann svo frægt mark gegn
Austurríki sem tryggði liðið í 16
liða úrslit og leik gegn Englandi.
Eftir EM lék Arnór stórt hlutverk í
undankeppni HM, en eftir að hann
fór að spila minna hefur hlutverk
hans hins vegar minnkað. Arnór
hefur ekki komið við sögu í síð­
ustu fimm landsleikjum. Hann var
hins vegar með þegar liðið tryggði
sig inn á HM í Rússlandi. „Það var
algjörlega geðveikt að vera hluti af
þessu augnabliki, frá því að mað­
ur var lítill gutti þá dreymdi mann
um að vera þarna einn daginn.
Maður var að vakna með félögun­
um snemma á morgnana til að ná
að horfa á leiki á HM. Þessi fjar­
lægi draumur er nú orðinn að
veruleika, það var magnað að vera
partur af því.“ n
Arnór Ingvi í slæmri
stöðu í Grikklandi
n Gæti þurft að skipta um lið til að komast með á HM n Mun skoða alla möguleika
Deildarleikir með
félagsliðum
Ár Lið Mörk
2010–2013 Keflavík 52 (10)
2012 Sandnes Ulf (Lán) 10 (0)
2014–2016 IFK Norrköping 56 (12)
2016– SK Rapid Vín 22 (3)
2017– AEK Aþena (Lán) 3 (0)
Landsliðið
2009 Ísland U17 2 (0)
2011 Ísland U19 5 (0)
2012–2014 Ísland U21 12 (1)
2015– Ísland 13 (5)
Hörður Snævar Jónsson
hoddi@433.is „Það bitnar á
landsliðinu ef
maður er ekki að spila
neitt. Eitt af því sem við
Íslendingar eigum nóg af
eru góðir leikmenn.
Á toppnum Arnór
Ingvi fagnar ógleym-
anlegu marki á EM í
Frakklandi. Mynd Getty