Morgunblaðið - Sunnudagur - 19.02.2017, Blaðsíða 8

Í PRÓFÍL
8 MORGUNBLAÐIÐ SUNNUDAGUR 19.2. 2017
SAMSTARF Leikstjóri Elle, Paul Verhoeven, upplýsti á ný-
liðinni kvikmyndahátíð í Berlín að hann og Huppert hefðu
orðið mjög hissa yfir að hljóta Golden Globe-verðlaun. „Við
vorum mjög hissa. Okkur fannst að aðrir ættu þetta frekar
skilið,“ sagði hann á hátíðinni. „Þetta var eins og óvænt
gjöf,“ sagði Verhoeven en Elle var verðlaunuð sem besta
myndin og Huppert besta leikkonan í dramatísku hlutverki.
Elle er hinsvegar ekki tilnefnd sem besta erlenda myndin
á Óskarnum en Verhoeven lét ekki í ljós nein vonbrigði yfir
því.
Hann segir að hann og Huppert hafi ekki séð fyrir sér
þessar góðu viðtökur. „Við bara unnum vinnuna okkur og
fannst okkur hafa tekist vel upp.“ Myndin hefur farið sigur-
för um heiminn frá því hún var frumsýnd á kvikmyndahátíð-
inni í Cannes en þar var þeim fagnað með standandi 15 mín-
útna uppklappi.
„Verhoeven er þekktur fyrir að ögra og vera óhræddur,
sjálfstæður og að leika sér á hættulegu svæði,“ sagði
Huppert í samtali við Entertainment Weekly. „Hann er á
þessari línu, annað hvort ertu með eða ekki og ef þú ert
með verður þú að ganga alla leið,“ sagði hún og bætir við að
mörgum þyki myndin óhugnanleg.
Golden Globe-verðlaunin komu Huppert og Verhoeven á
óvart og segir leikstjórinn þetta hafa verið „óvænta gjöf“.
AFP
Gengur alla leið
ISABELLE HUPPERT á að baki meira en 40 ára feril í kvikmyndum en hún
fékk sína fyrstu Óskarstilnefningu fyrir leik sinn í Elle, kvikmynd Paul Ver-
hoeven. Huppert ólst upp í úthverfi í vesturhluta Parísar og lærði í skóla nærri
Versölum. Hún hefur aldrei verið hrædd við að hneyksla og hefur tekið að sér
mörg erfið og óvenjuleg hlutverk, rétt eins og í Elle. Þar leikur hún Michèle,
vel stæða konu sem rekur sitt eigið fyrirtæki. Michèle er nauðgað af manni
sem ræðst inn á heimili hennar. „Hún sveiflast milli þess að vera fórnarlamb
og hreinlega að vera einhvers konar masókisti. Við vitum ekki alveg frá byrjun
hvort Michèle naut nauðgunarinnar eða varð fyrir gífurlegu áfalli. Að sjálf-
sögðu er það viðfangsefni eitt og sér gífurlega eldfimt og ögrandi,“ stendur í
fimm stjörnu dómi Önnu Margrétar Björnsson um Elle í Morgunblaðinu. Það
kemur því kannski ekki á óvart að leikstjórinn Paul Verhoeven hefur upplýst
að margar þekktar bandarískar leikkonur hafi hafnað hlutverkinu.
Í grein Variety um leikkonuna segir að Huppert hafi fyrst vak-
ið athygli tímaritsins í kvikmyndinni Le bar de la fourche með
Jacques Brel. Þar er líka minnst á að hún hafi sýnt hvað hún geti
m.a. í myndunum Coup de torchon, Heaven’s Gate, Madame Bov-
ary og The Piano Teacher. Tímaritið kallar hana afkastamikla og
fjölhæfa og bendir á að á síðustu fimm árum hafi hún leikið í 25
verkum á hvíta tjaldinu, sjónvarpi og á sviði.
Eftir Óskarstilnefninguna veltir fólk fyrir sér hvort hún stefni á
að leika meira í bandarískum myndum. „Það sem ég hef áhuga á er
að búa til góðar myndir, alvega sama hvort þær eru bandarískar,
breskar, filippseyskar, kóreskar, pólskar, svissneskar eða hvað,“
sagði hún við Hollywood Reporter. „Ég er mjög ánægð með alla
erlendu leikstjórana sem ég hef unnið með vegna þess að þeir
koma úr sama umhverfi og frönsku höfundarnir sem ég hef unnið
með.“
Hin franska Meryl Streep
Huppert hefur oft verið borin saman við bandarísku leikkonuna
Meryl Streep vegna fjölhæfni sinnar og vegna þess að hún leikur
bæði á sviði og í kvikmyndum.
Variety spurði leikkonuna hvað hún hefði í huga þegar hún veldi
hlutverk. „Fyrir mér er þetta ekki hlutverk. Ég hef ekki gaman af
því að hugsa til dæmis um persónur. Persónur eru tilvilj-
anakenndar og geta verið takmarkandi. Ég kýs að hugsa þetta
þannig að ég sé að leika aðstæður, hugarástand, tilfinningar.“
ingarun@mbl.is
ÁHRIFAMIKIL Huppert segir að
kvikmyndin La dentellière hafi breytt
lífi sínu. Hún var „mjög mikilvæg fyrir
mig,“ sagði Huppert í viðtali við Var-
iety. „Móðir mín sagði mér að lesa
bókina því að persónan væri svo lík
mér. Það var eins og höfundurinn,
Pascal Lainé, hefði skrifað hlutverkið
fyrir mig! Allar leikkonur vonast til
þess að fá slíkt hlutverk einhvern tím-
ann á ferlinum og ég var heppin að fá
það svo snemma. Þetta tækifæri átti
eftir að skilgreina hvernig litið var á
mig sem leikkonu.“
Huppert fékk BAFTA-verðlaun
sem besti nýliðinn fyrir þetta hlut-
verk.
Breytti lífi
hennar
Huppert í hlutverki sínu sem Pomme í mynd Claude Goretta.
KEPPINAUTAR Huppert er talin
eiga möguleika á Óskarnum en sam-
kvæmt blaðaskrifum þykja Emma
Stone fyrir La La Land og Natalie
Portman í Jackie sigurstranglegastar.
Ólíklegra þykir að Ruth Negga eigi
möguleika á sigri fyrir Loving og einn-
ig er talið ólíklegt að Meryl Streep
bæti fjórða Óskarnum í safnið þetta
árið fyrir Florence Foster Jenkins.
Þetta er tuttugasta tilnefning Streep
til Óskarsverðlauna.
Verðlaunin verða afhent þann 26.
febrúar.
Emma Stone hefur hlotið lof fyrir leik
sinn í La La Land.
AFP
Stone eða
Portman
líklegastar
Óhrædd við
að hneyksla
Huppert er
þekkt fyrir
flottan fatastíl.
AFP
Huppert í hlutverki
Michèle í Elle.
Á BAFTA-verðlaunahátíðinni í ár.
AFP
’ Leikstjórinn Paul Verhoe-ven hefur upplýst að marg-ar þekktar bandarískar leik-konur hafi hafnað hlutverkinu.
ÍSLENSKA KÍSILSTEINEFNIÐ FRÁ GEOSILICA
INNIHELDUR HREINAN JARÐHITAKÍSIL
*Rannsóknir hafa sýnt fram á þessi áhrif, kísilvatnið er fæðubótarefni og kemur ekki í staðinn fyrir lyf.
Nánari upplýsingar má finna á www.geosilica.is
GeoSilica kísilvatnið fæst í Heilsuhúsinu,
öllum helstu apótekum og í Hagkaup Kringlunni,
Hagkaup Smáralind og Hagkaup Garðabæ.
ANNA
GUÐMUNDSDÓTTIR
„Ég mjaðmargrindarbrotnaði illa
fyrir tíu mánuðum, ég hef verið
að taka kísilinn ykkar núna í
u.þ.b. 8 mánuði og eftir tveggja
til þriggja mánaða inntöku varð ég strax vör
við mikinn mun. Í dag finn ég varla fyrir því að hafa brotnað.“
• Styrkir bandvefinn*
• Stuðlar að þéttleika í beinum*
• Styrkir hár og neglur*
• Stuðlar að betri myndun kollagens
fyrir sléttari og fallegri húð*