Morgunblaðið - 30.06.2017, Síða 36

36 FRÉTTIRErlent
MORGUNBLAÐIÐ FÖSTUDAGUR 30. JÚNÍ 2017
Á slóðir Maya Indíána
Við kynnumst stórkostlegri náttúru,
dýralífi og hinum forna menningarheimi
Maya indjána. Skoðum hinn heimsþekkta
Maya píramída Tulum, förum í
Maya indjánaþorp, skoðum gamlar
menningarborgir, syndum í sjónum við
næst stærsta kóralrif heim og upplifum
regnskóginn. Við tökum svo nokkra daga
á lúxus hóteli við Karabíska hafið þar
sem allt er innifalið.
Hrífandi náttúra, einstök menning og
fjölbreytt dýralíf sem eiga varla sinn
líkan, ævintýraleg upplifun í einstöku
umhverfi. Við förum m.a. í Safaríferð
á jeppum og skoðum villt dýr í sínu
náttúrulega umhverfi. Sri lanka er
eyjan sem Sinbað sæfari og Marco Polo
heimsóttu á ferðum sínum. Við kynnumst
framandi og heillandi heimi sem tekur á
móti ferðalöngum með opnum örmum.
Við erumað fara í 5 sinn í þessa spennandi ferð
Við erumað fara í 4 sinn í þessa spennandi ferð
Vel fór á með þeim Emmanuel Macron Frakklands-
forseta og Angelu Merkel Þýskalandskanslara í gær
þegar leiðtogar Evrópusambandsríkjanna funduðu í
Berlín. Markmið fundarins var að stilla saman strengi
Evrópusambandsríkjanna fyrir fund tuttugu helstu
iðnríkja heims, sem fram fer í Hamborg eftir viku.
Samþykktu leiðtogarnir þar meðal annars að þeir
myndu standa vörð um Parísarsamkomulagið.
AFP
Stilla saman strengi fyrir G20
Íraski herinn hefur náð aftur á sitt
vald hinni sögufrægu al-Nuri-mosku
í Mosul í norðurhluta Íraks. Þrjú ár,
upp á dag, voru í gær síðan moskan
lenti í klóm liðsmanna Ríkis íslams
og Abu Bakr al-Baghdadi, leiðtogi
samtakanna, lýsti yfir stofnun
kalífadæmisins á landsvæði sem nær
yfir Írak og Sýrland. Harðir bardag-
ar hafa staðið um moskuna en í síð-
ustu viku sprengdu liðsmenn Ríkis
íslams bænaturn hennar. Haider al-
Abadi, forsætisráðherra Íraks, kall-
aði sprenginguna „opinbera yfirlýs-
ingu um uppgjöf“ en ljóst þykir að
liðsmenn samtakanna hafi frekar
viljað eyðileggja moskuna en að
stjórnvöld í Írak næðu henni heilli á
sitt vald. Moskan er sögufræg en
hún var reist á 12. öld og hefur
bænaturninn verið eitt af helstu
kennileitum Íraks. Ekki er vitað um
afdrif al-Baghdadi og er hann jafn-
vel talinn af. agunnar@mbl.is
Ríki ísl-
ams missir
völdin
 Írakar náð mosk-
unni í Mosul á sitt vald
Stefán Gunnar Sveinsson
sgs@mbl.is
Evrópusambandið sendi frá sér í gær fréttatil-
kynningu um það hvernig opinber útför Helmuts
Kohl, fyrrverandi kanslara Þýskalands, muni fara
fram á morgun, en útförin verður á vegum sam-
bandsins en ekki Þýskalands. Útförin hefur verið
umdeild, en sonur Kohls af fyrra hjónabandi gagn-
rýndi áformin í síðustu viku og sagði þau ekki vera
sæmandi minningu föður síns.
Samkvæmt tilkynningu Evrópusambandsins
verður kista Kohls borin inn í þingsal Evrópu-
þingsins í Strassborg í Frakklandi, sveipuð fána
Evrópusambandsins. Antonio Tajani, forseti Evr-
ópuþingsins, Jean-Claude Juncker, forseti fram-
kvæmdastjórnar Evrópusambandsins, og Donald
Tusk, forseti Evrópusambandsins, munu síðan
flytja ræður, áður en myndband um ævi Kohls
verður sýnt.
Að því loknu munu Bill Clinton, fyrrverandi
Bandaríkjaforseti, Felipe González, fyrrverandi
forsætisráðherra Spánar, og Dmitrí Medvedev,
forsætisráðherra Rússlands, flytja minningarorð
að beiðni ekkju Kohls. Við lok athafnarinnar munu
Emmanuel Macron Frakklandsforseti og Angela
Merkel Þýskalandskanslari flytja ræður.
„Ekki sæmandi minningu föður míns“
Eftir athöfnina í Strassborg verður kista Kohls
síðan flutt til Speyer í Þýskalandi, þar sem kansl-
arinn heitinn verður grafinn.
Walter Kohl, elsti sonur hans, gagnrýndi út-
fararáformin í síðustu viku, þar sem þau sýndu
minningu föður hans ekki tilhlýðilega virðingu.
„Ég tel þetta ekki sæmandi minningu föður míns,
né heldur Þýskalandi eða Evrópu,“ sagði Walter,
en hann var sonur Kohls af fyrra hjónabandi. Stirt
hefur verið á milli hans og Peters bróður hans
annars vegar og Maike Kohl-Richter, seinni eig-
inkonu og ekkju Kohls, hins vegar. Höfðu Walter
og Peter ekki talað við föður sinn í nokkur ár, og
komst Walter að andláti hans þegar hann heyrði
tíðindin í útvarpi.
Sagði Walter að faðir sinn hefði frekar átt að fá
útför á vegum þýska ríkisins í Berlín, í ljósi þess
stóra hlutverks sem hann hefði gegnt við samein-
ingu Þýskalands í eitt ríki.
Þá gagnrýndi Walter einnig að hinsti legstaður
föður hans yrði í kirkjugarði í Speyer, en ekki í
Ludwigshafen, þar sem kanslarinn fæddist, en
þar hefur fjölskylda hans átt grafhvelfingu um
nokkurt skeið. Það mun hins vegar hafa verið
ákvörðun Kohl-Richter, en hún segist vilja varð-
veita hina pólitísku arfleifð Kohls eins vel og
mögulegt er.
Umdeild útför Kohls tilbúin
 Sonur Helmuts Kohl segir útförina ekki sæmandi minningu föður síns
AFP
Útför Kista Kohls var flutt frá heimili hans í
Ludwigshafen til Strassborgar í síðustu viku.
Fimm Tsjetsjenar voru í gær sak-
felldir í Rússlandi fyrir að hafa
skipulagt og framið morðið á Boris
Nemtsov, einum helsta leiðtoga
stjórnarandstöðunnar í Rússlandi
fyrir tveimur árum.
Nemtsov, sem eitt sinn gegndi
starfi aðstoðarforsætisráðherra
Rússlands, var einn helsti gagnrýn-
andi Vladimírs Pútíns Rússlands-
forseta um nokkurt skeið, áður en
hann var myrtur í nágrenni Kreml-
ar í febrúar 2015.
Stuðningsmenn Nemtsovs segja
að réttarhöldin hafi ekki leitt í ljós
hvað mönnunum gekk til, og hvort
þeir hafi fylgt skipunum frá ein-
hverjum öðrum, en 12 manna kvið-
dómur sem úrskurðaði í málinu
kom sér ekki saman um niðurstöð-
una.
Taldi meirihluti kviðdómsins
hins vegar sannað að mennirnir
fimm hefðu skipulagt og framið
morðið, en þeir neita enn allri sök.
Fimm sakfelldir fyrir
morðið á Nemtsov
RÚSSLAND
AFP
Morðmál Boris Nemtsov var
myrtur í nágrenni Kremlar 2015.
Frans páfi hefur
sent George Pell,
fjármálastjóra-
kaþólsku kirkj-
unnar, í ótíma-
bundið leyfi en
hann hefur verið
ákærður fyrir
kynferðisbrot
gegn börnum í
heimalandi sínu,
Ástralíu. Að sögn
lögreglu hafa fleiri en einn ásakað
Pell og mun hann koma fyrir rétt í
Melbourne 18. júlí. Pell hefur áður
verið gagnrýndur fyrir að hafa
reynt að hylma yfir kynferðisbrot
annarra presta innan kirkjunnar.
Pell hefur farið mikinn undanfarin
ár í umræðu um ýmis hitamál innan
kirkjunnar og tekið íhaldssama af-
stöðu í málum á borð við hjónabönd
samkynhneigðra, getnaðarvarnir
og skírlífi presta.
Hann er talinn þriðji valdamesti
maðurinn innan Vatíkansins.
Fjármálastjóri
Páfagarðs ákærður
George Pell
PÁFAGARÐUR
Ekki er lengur gerð krafa um að
karlmenn í breska þinginu beri
bindi. Þetta kom fram hjá John
Bercow, forseta þingsins, í gær.
Ekki eru til niðurnjörvaðar reglur
um klæðaburð þingmanna en
gerðar eru kröfur um snyrtilegan
klæðaburð og hefur bindi hingað
til talist staðalbúnaður hjá karl-
mönnum. Forsetinn getur meinað
þingmönnum að tjá sig í þingsal. Í
fyrradag hélt Tom Brake, þing-
maður Frjálslyndra demókrata,
ræðu bindislaus sem varð til þess
að þingmaður Íhaldsflokksins
spurði forsetann hvers vegna
Brake hefði komist upp með at-
hæfið. Bercow, sem einnig er
þingmaður Íhaldsflokksins, svar-
aði því til að þótt hann ætlaðist til
að þingmenn væru virðulegir til
fara væri ekki grundvallaratriði
lengur að menn bæru bindi í þing-
salnum.
Bindisskylda
afnumin
BRETLAND