Víkurfréttir - 22.12.2016, Síða 2

2 fimmtudagur 22. desember 2016VÍKURFRÉTTIR
kaffitár frá býli í bolla kaffitár frá býli í bolla kaffitár frá býli í bol
la
k
aff
itá
R
f
rá
bý
li
í b
ol
la

ka
ff
itá
r
f
rá
býli
í boll
a
hátíðí bæ
Sendum bæjarbúum
okkar bestu óskir um gleðileg jól
og farsælt komandi ár
Fjárhagsáætlun Reykjanesbæjar til
fjögurra ára, 2017 til 2020, var af-
greidd að lokinni síðari umræðu á
bæjarstjórnarfundi og samþykkt sam-
hljóða síðasta þriðjudag. Undanfarin
misseri hefur verið unnið að endur-
skipulagningu fjármála Reykjanes-
bæjar og hefur sveitarfélagið meðal
annars átt í viðræðum við helstu
kröfuhafa sína með það að markmiði
að endurskipuleggja efnahagsreikning
samstæðu A og B hluta sveitarfélags-
ins. Viðræður hafa nú skilað árangri
og liggja fyrir skilmálar samkomulags
við lánveitendur Eignarhaldsfélagsins
Fasteignar, sem nú er alfarið í eigu
Reykjanesbæjar, en viðræðum við
kröfuhafa Reykjaneshafnar er ólokið.
Má segja að með þessu sé Reykjanes-
bær að rétta úr kútnum og bæjaryfir-
völd horfi fram á bjartari tíma þó að
áfram verði nauðsynlegt að gæta að-
halds í rekstri og útgjöldum, segir í
tilkynningu frá Reykjanesbæ.
Skilmálar samkomulags við kröfuhafa
Fasteignar gerir ráð fyrir skuldbreyt-
ingum, skilmálabreytingum og sölu
eigna. Ekki er gert ráð fyrir afskriftum
eða niðurfellingum skulda. Með sam-
komulaginu er greint á milli eigna sem
nýttar eru til lögbundinnar grunn-
þjónustu sveitarfélagsins og ann-
arra eigna, en dregið er verulega úr
leiguskuldbindingum sveitarfélagsins
vegna þeirra eigna. Samkomulagið er
háð endanlegri undirritun aðila sem
og skilyrðum af beggja hálfu. Unnið
verður að því á næstunni að útfæra
og uppfylla þau ásamt því að ljúka
viðræðum við aðra hagsmunaaðila
og kröfuhafa sveitarfélagsins og sam-
stæðu þess. Einnig er sveitarfélaginu
gert kleift að huga að uppbyggingu
nauðsynlegra innviða svo sem nýs
grunnskóla í Dalshverfi og fjölgun
leikskólaplássa.
Samhliða þessu er ætlunin að færa
Fasteignir Reykjanesbæjar, sem
heldur meðal annars utan um félags-
legt húsnæði, yfir í húsnæðis-sjálfs-
eignarstofnun eins og heimild er fyrir
í nýjum lögum um almennar íbúðir og
mun það létta talsvert á skuldabyrði
sveitarfélagsins.
Þessar aðgerðir, ásamt ýmsum öðrum,
munu gera Reykjanesbæ kleift að
uppfylla fjárhagsleg skilyrði sveitar-
stjórnarlaga og miðað við núverandi
forsendur er ekki lengur þörf á að
sveitarfélagið óski eftir skipun sér-
stakrar fjárhaldsstjórnar á vegum
innanríkisráðuneytisins eins og útlit
var fyrir um tíma. Áfram verður þó
þörf á ströngu aðhaldi í fjármálum
sveitarfélagsins.
Reykjanesbær
semur við
kröfuhafa
Reykjanesbær og kröfuhafar Eignar-
haldfélagsins Fasteignar hafa náð
niðurstöðu um skilmála samkomu-
lags, sem unnið verður í að útfæra
nánar á næstu vikum og mánuðum og
sjá bæjaryfirvöld því fram á bjartari
tíma þó að áfram verði nauðsynlegt
að gæta aðhalds í rekstri. Viðræðum
við kröfuhafa Reykjaneshafnar er ekki
lokið og verður haldið áfram á nýju
ári. Eignarhaldsfélagið Fasteign er nú
alfarið í eigu Reykjanesbæjar og kveða
samningar við kröfuhafa þess á um
skuldbreytingar, skilmálabreytingar
og sölu eigna. Ekki er gert ráð fyrir
afskriftum eða niðurfellingum skulda.
„Við höfum náð mikilvægum áfanga
en þessu er ekki lokið. Við þurfum
áfram að velta fyrir okkur hverri
krónu,“ segir Kjartan Már Kjartans-
son, bæjarstjóri Reykjanesbæjar.
Ný sveitastjórnarlög tóku gildi hér á
landi árið 2012 og kveða á um að árið
2022 beri sveitarfélögum að skulda
minna en 150 prósent af árlegum
tekjum. Ljóst var að róðurinn yrði erf-
iður fyrir nokkur sveitarfélög og hvað
erfiðastur fyrir Reykjanesbæ. Kjartan
segir að ljóst hafi verið að Reykjanes-
bær myndi ekki ná skuldaviðmiðinu
nema semja að nýju við kröfuhafa
sína. „Fyrst þegar við hófum viðræður
við kröfuhafa fyrir tveimur árum
var staðan önnur og verri en nú. Þá
sáum við ekki fram á annað en að við
þyrftum afskriftir skulda.“ Með upp-
sveiflu undanfarinna missera hefur
ástandið batnað og aðilar frekar ein-
beitt sér að því að ná fram breytingum
á skilmálum og tilfæringum á greiðsl-
um. Nú er samkomulag í höfn sem
Kjartan segir hjálpa bæjaryfirvöldum
í þá átt.
Fasteign skipt í tvö félög
Þátttaka í Fasteign ehf. hefur verið
umdeild en í henni fólst að eignar-
haldsfélagið keypti fasteignir sveitar-
félaga, sá um rekstur þeirra og
sveitarfélögin leigðu þær af því undir
starfsemi sína. Kjartan Már var bæjar-
fulltrúi á þeim tíma þegar kerfið var
innleitt í Reykjanesbæ og var það sam-
þykkt í bæjarstjórn með tíu atkvæðum
af ellefu. Einn bæjarfulltrúi sat hjá
en það var Kjartan. Hann kveðst enn
þann dag í dag vera ánægður með þá
ákvörðun sína. „Hefði ég samþykkt
þetta á sínum tíma væri erfitt fyrir
mig að vinna gegn fyrirkomulaginu.
Ég skil vel að menn hafi viljað prófa
nýjar leiðir. Eftir á er auðvelt að sjá
að það var rangt að hafa helming fjár-
mögnunar í erlendum lánum. Nú er
búið að endurskipuleggja félagið sem
samanstóð af mörgum eigendum,
sveitarfélögum, bönkum, traustum og
góðum stofnunum á sínum tíma.“
Reykjanesbær er eina bæjarfélagið
sem eftir er í Fasteign og því er fast-
eignafélagið aðeins utan um eignir
Reykjanesbæjar sem hefur tekið það
inn í rekstur sinn. Kröfuhafar félags-
ins voru meðal þeirra sem bæjaryfir-
völd í Reykjanesbæ náðu samningum
við í vikunni. Reykjanesbær er með
langa leigusamninga við félagið. Upp-
hæð skuldarinnar er um 14 milljarðar.
Höfuðstóll lánanna hefur ekki verið
lækkaður en vextir verða endurskoð-
aðir. Ákveðið hefur verið að skipta
Fasteign í tvö félög, annars vegar um
þær eignir sem hýsa lögboðna starf-
semi og sveitarfélagið getur ekki verið
án, eins og grunnskóla og leikskóla.
Annað félag verður stofnað um aðrar
eignir sem Reykjanesbær hefur leigt
og eru ekki fyrir lögboðin verkefni.
Að sögn Kjartans verða leigusamn-
ingar styttir og skuldbinding þar með.
Þá er til skoðunar að selja hluta fast-
eignanna.
Beina nú orkunni í annað
Viðræður við kröfuhafa hafa staðið
yfir í um tvö ár og hafa tekið mikinn
tíma og orku bæjaryfirvalda og full-
trúa þeirra. Kjartan segir það ágætis
tilbreytingu að þau verkefni séu frá.
„Þetta er búinn að vera mjög lær-
dómsríkur tími og við erum öll reynsl-
unni ríkari. Nú förum við að beina
sjónum okkar að öðrum verkefnum
eins og uppbyggingu í Reykjanesbæ
og á Suðurnesjum öllum til að grípa
þau tækifæri sem liggja í loftinu, til
dæmis í tengslum við uppbyggingu á
Keflavíkurflugvelli.“
Hækka hvatagreiðslur til barna
Fjárhagsáætlun Reykjanesbæjar fyrir
tímabilið 2017 til 2020 var samþykkt
samhljóða á bæjarstjórnarfundi síð-
asta miðvikudag. Þrátt fyrir áfram-
haldandi aðhald í rekstri verður
markmiðið að bæjarfélagið bjóði
íbúum áfram upp á góða þjónustu,
að sögn Kjartans. „Það hefur verið
okkar keppikefli. Til að mynda ætlum
við að taka Borgarveginn í gegn og
sinna áfram viðhaldi gatna og styðja
við íþróttastarf, svo eitthvað sé nefnt.“
Lagt hefur verið til að hvatagreiðslur
til tómstundastarfs barna verði hækk-
aðar úr 15.000 í 21.000 krónur á næsta
ári. „Við ætlum að halda áfram á þess-
ari braut svo að bæjarbúar geti unað
sáttir við sitt þó að við séum á sama
tíma í þröngu aðhaldi.“
Tekjur Reykjanesbæjar hafa aukist
undanfarin misseri með fjölgun íbúa
og betra atvinnuástandi. Kjartan
segir mögulegt að nýta innviði þar
sem tekjur vaxi en kostnaður ekki eins
mikið. „Þegar við svo förum að byggja
skóla verður kostnaður meiri en tekjur
og þá kemur mínus sem jafnast út
næstu ár á eftir.“ Nú er að nást jafn-
vægi í rekstri Reykjanesbæjar. Sam-
kvæmt reglum ber sveitarfélögum að
vera í plús á hverju þriggja ára tímabili
og Reykjanesbær er að ná því í fyrsta
sinn í langan tíma.
Þakklátur fyrir samstöðu
Kjartan tók við stöðu bæjarstjóra
sumarið 2014 og hafa viðræður við
kröfuhafa staðið yfir síðan þá. Hann
kveðst ánægður með samstöðu bæjar-
fulltrúa á þeim erfiðu tímum sem
senn eru að baki. „Í um 95 prósent
mála hafa minni- og meirihluti verið
sammála. Auðvitað hefur komið upp
núningur og mál þar sem fólk er ekki
sammála. Það hefur munað miklu að
vera ekki að eyða púðri í innbyrðis
átök. Ég vil líka nota tækifærið og
þakka íbúum fyrir þeirra samstöðu.“
Vegna slæmrar fjárhagsstöðu hefur
verið sérstakt álag á útsvar. Það verður
fellt niður 1. janúar 2018 og fer þá úr
15,05 prósentum í 14,52 prósent líkt
og tíðkast víða um land.
Lengri útgáfu af viðtalinu við Kjartan
Má, sem er jafnframt sjónvarpsviðtal,
má sjá á vef Víkurfrétta, vf.is.
Sjá fram á bjartari tíma
●● Reykjanesbær●hefur●náð●samkomulagi●við●kröfuhafa
●● Skilmálar●samkomulags●Reykjanesbæjar●við●hluta●kröfuhafa●liggja●nú●fyrir