Víkurfréttir - 22.12.2016, Page 12

12 fimmtudagur 22. desember 2016VÍKURFRÉTTIR
GEFÐU GÓÐA GJÖF UM JÓLIN
Oakley bretta-
og skíðagleraugu,
margar gerðir,
frá kr. 7.800
Oakley bretta-
og skíðahjálmar,
margir litir,
frá kr. 25.900
Ný og glæsileg Krambúð þar sem áður var Samkaup Strax
verslun að Hringbraut 55 í Reykjanesbæ hefur verið opnuð.
Er þetta þriðja Krambúðarverslunin á landinu sem Sam-
kaup opnar, en hinar eru við Skólavörðustíg í Reykjavík og
á Húsavík.
Krambúðin verður opin allan sólarhringinn og er verslun
sem býður upp á það nauðsynlegasta í matvöru með mikla
áherslu á að leysa þarfir viðskiptavina sem eru á hraðferð
eða vilja versla þegar aðrar verslanir hafa lokað.
Lagt er upp með að viðskiptavinir geti orðið sér út um þær
vörur sem þarf til heimilisins hverju sinni á hagstæðu verði.
Fyrir fólk sem vantar skyndilausnir þá verður boðið uppá
bakað á staðnum, tilbúna rétti, samlokur, tilbúin salöt,
Take-Away kaffi o..fl. o.fl.
Krambúðin Hringbraut verður eins og áður segir opin allan
sólarhringinn og kemur þannig til móts við þá sem eru á
ferðinni utan hefðbundins opnunartíma matvöruverslana.
Verslun í 60 ár í húsinu
Opnunardagur Krambúðarinnar er sérstakur en sama dag,
15. desember, voru liðin 60 ár frá opnun verslunar í húsinu.
Um var að ræða fyrstu sjálfsafgreiðsluverslunina á Suður-
nesjum að sænskri fyrirmynd. Áður hafði það tíðkast að
kaupmaðurinn stæði fyrir aftan búðarborðið og sækti vör-
urnar sjálfur. Það þótti því nýstárlegt að viðskiptavinurinn
gæti sjálfur sótt vörurnar í innkaupakörfuna. Þótti sumum
þessi aðferð vafasöm. Verslunin hét fyrstu árin Kjörbúðin
en það nafn hefur nú verið tekið upp aftur á keðju verslana í
eigu Samkaupa. Verslunarhúsnæðið var stækkað árið 1976
og nafnið Sparkaup tekið upp um leið og versluninni breytt
í lágvöruverðsverslun. Verslunin bar nafnið Sparkaup þar
til hún fékk nafnið Samkaup Strax. Nú hefur verslunin við
Hringbraut gengið í gegnum mikla endurnýjun, hún verið
minnkuð um 100 fermetra og opnuð allan sólarhringinn
með breyttum áherslum eins og rakið er hér að framan.
Opið allan sólarhringinn
Í NÝRRI KRAMBÚÐ
Starfsfólk Sparkaupa árið 1978.