Víkurfréttir - 22.12.2016, Qupperneq 70

70 fimmtudagur 22. desember 2016VÍKURFRÉTTIR
Sigurvegarar í yngri flokki stúlkna:
1. Svanhildur Róbertsdóttir, Grindavík
2. Birta Eiríksdóttir, Grindavík
3. Ólöf Bergvinsdóttir, Grindavík
Þær eru einnig núverandi Íslands-
meistarar í liðakeppni grunnskóla
yngri stúlkur.
Sigurvegarar í yngri flokki pilta:
Sigurður Bergvin Ingibergsson,
Grindavík
Andrés Kristinn Haraldsson,
Reykjanesbæ
Hjörtur Líndal Jónsson, Garði
Sigurvegarar í eldri stúlkur:
Nadía Arthúrsdóttir, Grindavík
Lovísa Ólafsdóttir, Sandgerði
Aþena Rún Helgadóttir, Sandgerði
Sigurvegarar í eldri pilta:
Sólon Siguringason, Reykjanesbær
Hjörtur Jónas Klemensson, Grindavík
Róbert Birmingham, Reykjanesbær
Góð þátttaka í jólaskákmóti
■ Glæsilegt Jólaskákmót var haldið í fimmta sinn á vegum Samsuð og
Krakkskákar 17.desember síðastliðinn. Mótið var haldið í Gerðaskóla og
mættu 48 keppendur til leiks. Þeir voru úr flestum bæjarfélögum á Suður-
nesjum. Grindvíkingar, Njarðvíkingar og Garðbúar voru fjölmennastir
þátttakanda.
Nettó gaf glæsilega happdrættisvinninga í lok mótsins eins og vanalega á þessu
skákmóti. Keppnin var spennandi allt fram á síðustu stundu.
Þrjátíu og fimm áhugasamir kylfingar mættu í opið „súp-
umót“ Golfklúbbs Sandgerðis í blíðunni sunnudaginn 4.
des. sl.Sandgerðingurinn Sveinn H. Gíslason lék sannkallað
sumargolf og sigraði með 28 punktum eftir 12 holur.
Þó svo það hafi ekki verið hægt að hefja leik fyrr en kl. 10.30
á sunnudagsmorgun vegna myrkurs var Kirkjubólsvöllur
enn í nettum sumarbúningi, kannski aðeins gulari annars
mjög fínn. Leikið var inn á sumarflatir og slegið af flestum
sumarteigum. Svo spígsporuðu breitt brosandi kylfingar
um völlinn eins og beljur að vori og voru að leika golf í
7-8 stiga hita og nánast logni. Dagsetningin var 4. des. Gat
þetta verið?
Eftir hring var boðið upp á sveppasúpu að hætti Sand-
gerðinga. Eins og fyrr segir sigraði Sveinn en í 2. sæti var
Stefán Arnbjörnsson á 24p. og þriðji var Grétar Agnarsson,
líka með 24.
Atli Þór Karlsson, gjaldkeri GSG var ánægður með þátttök-
una og sagði klúbbinn frægan fyrir vetrarmótin. Hann var
líka ánægður með gang mál á nýafstöðu sumri. Þó klúbbur-
inn væri lítill gengi reksturinn þar sem skuldir væru litlar
og félagar áhugasamir og hjálpsamir. „Við viljum vera
góður lítill klúbbur. Hér koma nokkrir kylfingar í öllum
veðrum og leika golf allt árið og það er bara skemmtilegt,“
sagði Atli.
SÚPUMÓT
í Sandgerði í sultublíðu í desember