Víkurfréttir - 22.12.2016, Side 71

71fimmtudagur 22. desember 2016 VÍKURFRÉTTIR
Við erum með lokað til
11. janúar
Þökkum stuðninginn á árinu og
óskum viðskiptavinum gleðilegra jóla.
RAUÐIKROSSINN
VERSLUN ■ Stjórn körfuknattleiksdeildar
Umfn ákvað að á síðasta heimaleik
fyrir jól myndi allur aðgangseyrir
fara til góðra málefna nú fyrir jólin.
Njarðvíkingar léku þá gegn Þór Þor-
lákshöfn og var vel mætt. Allir sem
lögðu leið sína í Ljónagryfjuna borg-
uðu sig inn, þar á meðal leikmenn
beggja liða og dómarar.
Ákveðið var að styrkja Unicef sem
aðstoðar nú börn í Sýrlandi sem eiga
um sárt að binda og Fjölskylduhjálp í
Reykjanesbæ. Logi Gunnarsson, fyrir-
liði Njarðvíkinga, mætti í Fjölskyldu-
hjálp í vikunni og afhenti Önnu Jóns-
dóttur, verkefnastjóra hjá Fjölskyldu-
hjálp, fjárhæð sem vafalaust kemur að
góðum notum.
Náungakærleikur Njarðvíkinga
●● Styrktu●Fjölskylduhjálp●●
og●Unicef
Logi Gunnarsson kom færandi hendi í Fjölskylduhjálp í Reykjanesbæ.
VF/mynd Eyþór Sæm.
Þrír af reyndustu leikmönnum Kefl-
víkinga í karlafótboltanum munu ekki
leika með liðinu á næsta tímabili. Eins
og áður hefur verið greint frá þá hefur
Haraldur Freyr Guðmundsson lagt
skóna á hilluna en Magnús Sverrir
Þorsteinsson mun einnig ganga frá
skónum í skápinn góða. Þá mun
Magnús Þórir Matthíasson ekki leika
áfram með liðinu en ekki er ljóst hvort
eða hvar hann mun leika á næsta
tímabili. Frá þessu er greint á heima-
síðu Keflavíkur.
Samtals eiga þessir leikmenn að baki
39 leiktímabil og tæplega 900 leiki
með meistaraflokki Keflavíkur. Har-
aldur hefur leikið 200 deildarleiki með
Keflavík og skorað í þeim átta mörk.
Auk þess hefur hann leikið 27 bikar-
leiki og skorað fimm mörk og 78 leiki
í deildarbikarnum og þar eru mörkin
þrjú.
Magnús Sverrir hefur alls leikið 17
tímabil með liðinu en Magnús lék
auk þess eitt tímabil með Grindavík.
Hann hefur leikið 244 deildarleiki
fyrir Keflavík og skorað í þeim 46
mörk, 34 bikarleiki þar sem Magnús
hefur skorað tólf mörk og sjö leiki í
Evrópukeppnum þar sem eitt mark
fylgir með. Leikirnir í deildarbik-
arnum eru 93 en þar er Magnús leikja-
hæsti leikmaður Keflavíkur og mörkin
í keppninni eru 29. Hann hefur leikið
213 leiki fyrir Keflavík í efstu deild og
er þar þriðji leikjahæsti leikmaður fé-
lagsins frá upphafi.
Magnús Þórir hefur leikið 129 deildar-
leiki fyrir Keflavík og skorað í þeim 18
mörk. Hann hefur einnig leikið 13
bikarleiki og skorað fjögur mörk auk
eins leiks í Evrópukeppni og 33 leiki
í deildarbikarnum þar sem mörkin
eru 12.
Þrír reynsluboltar
yfirgefa Keflavík
●● Haraldur●og●Magnús●Sverrir●hættir
■ Á dögunum héldu tveir þjálfarar Keflavíkur í bardagaíþróttum til Banda-
ríkjanna á námskeið í barna- og unglingaþjálfun. Hnefaleikaþjálfarinn
Björn Björnsson og Tae Kwon Do/BJJ þjálfarinn Helgi Rafn Guðmundsson
fóru í frægðarför þar sem þeir heimsóttu í leiðinni meðal annars frægasta
MMA æfingasal í heimi (Tristar MMA gym í Montréal í Kanada) og tókust
þar á við MMA kappa. Það voru þeir Alex Garcia og Joe Duffy, einn af fáum
mönnum sem hefur sigrað Conor McGregor. Helgi og Björn stefna á að setja
á fót MMA námskeið strax í janúar á Suðurnesjum. Þjálfararnir segja að á
heildina litið hafi þessi reynsla verið þeim mjög góð og ferðin ánægjuleg.
Börðust við MMA
kappa í Montreal