Dagblaðið Vísir - DV - 24.11.2017, Qupperneq 2

2 Helgarblað 24. nóvember 2017fréttir
Þetta helst
Þessar fréttir bar hæst í vikunni
Sígarettustubbar og áfengi í
pökkum ætluðum fátækum börnum
Í vikunni greindi DV frá því að áfengi, gosflaska
full af sígarettustubbum og rottueitur væri með­
al þess sem hefði fundist í jólapökkum í Kringlunni
og Smáralind. Pakkar þessir eru ætlaðir börnum sem búa við fátækt
eða eiga um sárt að binda. Á hverju ári finnast um tuttugu pakkar
sem innihalda vafasamar gjafir. Forsvarsmenn Mæðrastyrksnefndar
Reykjavíkur og Fjölskylduhjálpar Íslands sögðu að nauðsynlegt væri
að opna alla pakka. Ekki kæmi til greina að börn í viðkvæmri stöðu
fengju gjafir sem þessar á aðfangadag.
Tugir barna ekki
í öryggisbúnaði
í bílum
Í árlegri könnun Samgöngustofu og
Slysavarnafélagsins Landsbjargar
kom fram að tugir barna hér á landi
voru ekki í neinum öryggisbúnaði í
bílum. Ástandið hefur breyst nokk­
uð á undanförnum áratugum, árið 1985
voru 80 prósent barna laus í bílum en
rétt rúmlega 2 prósent í dag. Þrátt fyrir
þessa miklu fækkun kemur á óvart hversu algengt það er að börn séu
ekki fest í bíl.
Jóhanna María lýsir
kynferðislegri
áreitni
Jóhanna María
Sigmundsdóttir, sem sat á þingi
fyrir Framsóknarflokkinn á árun­
um 2013 til 2016, var meðal þeirra
kvenna sem stigu fram í vikunni og lýstu
kynferðislegri áreitni í íslenskum stjórnmálum. Sagði Jóhanna María
að hún hefði ekki tölu á því hversu oft hún hefði þurft að forða sér á
samkomum og taka hendur manna af líkamshlutum sem óásættan­
legt að séu snertir. Sagði hún einnig frá því þegar maður sagði að
hún þyrfti að skilja að sem þingmaður væri hún eign þjóðarinnar. Jó­
hanna María sagði að það gæti vel verið en líkami hennar væri það
hins vegar ekki.
Spurning vikunnar Óttast þú eldsumbrot í Öræfajökli?
Nei. Ég held að það verði æðislega gaman ef þetta
springur. Það verður ævintýri.
Jóshúa Rúben David
Já og nei. Eitthvað virðist vera að gerast þarna. Við
skulum vona að þetta verði ekki neitt en við þurfum
alltaf að vera viðbúin.
Séra Þórir Stephensen
Já. Þetta gæti farið á versta veg. Nokkrir möguleikar
koma til greina og vonandi verður sá skásti ofan á.
Hallfríður Jónasdóttir
Nei, alls ekki.
Samuel Levesque
N
ú um mánaðamótin mun
fataverslun verða opnuð
að Óðinsgötu 8b í miðbæ
Reykjavíkur. Húsið er í
eigu borgarstjórans í Reykjavík,
Dags B. Eggertssonar, og eigin­
konu hans, Örnu Daggar Einars­
dóttur. Þau búa á efri hæðum
hússins en fataverslunin verður
til húsa í kjallara þess. Verslunin
heitir Sturla og var áður að Lauga­
vegi 27. Versluninni var lokað þar
um miðjan október en eigandi
hennar, Ingólfur Arnar Magnús­
son, segist hafa ákveðið að ráð­
ast í breytingarnar því hann var
orðinn þreyttur á Laugaveginum.
Heillaður af staðsetningunni
„Ég var heillaður af þessari stað­
setningu. Ég er mjög hrifinn af
Óðinsgötu og svæðinu þar í kring.
Verslun mín byggist á nánu sam­
bandi við viðskiptavinina og
því held ég að þessi staðsetning
henti hugmyndafræði verslunar­
innar betur. Það er meiri þorps­
stemming á þessum slóðum og
minni straumur erlendra ferða­
manna. Ég þurfti að komast að­
eins í burtu frá lundabúðunum,“
segir Ingólfur Arnar.
Hann stendur í ströngu þessa
dagana við að standsetja verslun­
ina. „Við skrifuðum nýlega undir
leigusamning og fengum lyklana
afhenta í vikunni. Það verður því
nóg að gera næstu vikuna,“ segir
Ingólfur Arnar. Hann útilokar ekki
að borgarstjórinn eigi eftir að líta
við í kjallaranum og eiga viðskipti
við verslunina. „Við Dagur erum
jafnaldrar og kunningjar. Hann
er alltaf flottur í tauinu þannig að
það er aldrei að vita nema hann
verði fastakúnni,“ segir Ingólfur
Arnar og hlær.
Brakandi ný eigna-
skiptayfirlýsing
Dagur og Arna Dögg eignuðust
kjallaraíbúðina árið 2014. Þau sáu
strax að rýmið hentaði vel undir
rekstur verslunar og það tækifæri
kom þegar að verslunin Frú Lauga,
sem þá var staðsett í hverfinu, lenti
á hrakhólum. Þá buðu borgar­
stjórahjónin kjallarann til útleigu
og síðan var hafist handa við að
afla tilskilinna leyfa. Um ári síðar
var Matarbúr Kaju opnað í rým­
inu en núna víkja sælkeravörurnar
fyrir tískunni.
Borgarstjórahjónin geta nú
tekið á móti nýjum leigjanda með
brakandi ferska eignaskiptayfir­
lýsingu fyrir húsið. Yfirlýsingin var
gerð 12. júní síðastliðinn og var
henni þinglýst þann 1. september.
Samkvæmt henni er kjallarahæðin
nú loks skilgreind sem verslun en
ekki sem íbúð eins og í fyrri yfirlýs­
ingu. n
FataversluN
í kjallara
borgarstjóra
stefnt að opnun fataverslunarinnar sturlu í byrjun desember
Björn Þorfinnsson
bjornth@dv.is
Óðinsgata
8b Eigandi
fataverslunarinnar
Sturlu stefnir að
opnun í byrjun
desember.