Fréttatíminn - 04.02.2017, Blaðsíða 46

46 | FRÉTTATÍMINN | Laugardagur 4. febrúar 2017
Snakkframleiðendur
mega hafa samband
Í gamanþáttunum Orri snakkar leika þeir Orri og Gunnjón húsþræl og
þráhyggjufullan snakkaðdáanda sem smakkar snakk. Þættirnir, sem eru
fullir af húmor og glensi, eru birtir á youtube, en þar bregður einnig fyrir
herskáum Doritos-liðum og leynilegum snakksölum.
Bryndís Silja Pálmadóttir
bryndis@frettatiminn.is
Allir snakkdómar okkar eru strangheiðarlegir, fólk getur treyst okkur,“ segir Orri Snær Karlsson, annar höfunda sketsþátt-
anna Orri snakkar. Þættirnir eru
leiknir, stuttir gamanþættir sem
birtir eru á youtube-rás Orra og
félaga hans, Gunnjóns Gestssonar,
og ber nafnið Subbuverið. Nafnið
Orri snakkar felur í sér ákveðið
orðagrín þar sem höfuðpersóna
þáttanna, Orri, sem ber sama nafn
og leikarinn, smakkar þar margs-
konar gerðir af snakki í þáttunum.
Gunnjón leikur hinsvegar hina
meginpersónu þáttanna, nafn-
lausan húsþræl sem gerir allt sem
Orri biður hann um að gera.
Snakk þráhyggja verður þáttur
Persónan Orri er haldinn gíf-
urlegri þráhyggju gagnvart snakki
og fylgjast áhorfendur með hon-
um smakka ýmiskonar snakk og
dæma. Atburðarás þáttanna er
svo ofin út frá snakksmakkinu og
er sérstaklega skrautleg. Snakk-
dómarnir eru teknir upp hvar sem
er, meðal annars á salerninu þar
sem Orri varar áhorfendur við því
að snæða sterkt jalapeno-snakk
er þeir sinna kalli náttúrunnar.
Þeir félagar hafa hinsvegar ekki
enn sem komið er fengið fyrir-
tæki til þess að styrkja framleiðslu
þáttanna með ókeypis snakki og
greiða því enn sem komið er sjálfir
fyrir snakknotkun sína. Þeir eru
þó af augljósum ástæðum mjög
opnir fyrir hugmyndinni. „Snakk-
framleiðendur landsins mega
alveg hafa samband,“ segir Orri
sposkur.
Snakkelíta undirheimanna
Nokkrar aukapersónur koma fram
í þáttunum sem glæða atburðarás
þáttanna meiri lit. „Þar má helst
nefna Fröken X sem er leynileg-
ur snakksali með tengingar inn
í dularfulla snakkelítu og Dori-
-drottninguna sem er leiðtogi her-
skárra Doritos-liða.“ Nú þegar hafa
sex þættir komið út í þáttaröðinni
og fjórir birtast á næstu vikum.
„Við sömdum heildarsöguna í
grófum dráttum í upphafi og erum
löngu búnir að ákveða endinn,
hinsvegar verð ég stundum að
spinna því ég get átt erfitt með að
muna línurnar.“
Hvergi nærri hættir
Orri snakkar er þó hvorki
frumraun Gunnjóns né Orra
í gríni heldur eiga þeir báðir
langan feril að baki á því sviði.
Gunnjón var kjörinn fimmti
fyndnasti maður Íslands árið 2012
og Orri hóf grínferil sinn með
öryrki.is hópnum en sá hópur
gerði beitta grínsketsa um viðhorf
samfélagsins til fatlaðra. Þeir
félagar eru heldur hvergi nærri
hættir með Subbuverið og hyggj-
ast halda áfram að búa til efni.
Áhugasamir snakkaðdáendur og
aðrir húmoristar geta fundið Orri
snakkar ásamt öðru skrautlegu
efni inni á youtube-rásinni Subbu-
verið, en þættirnir halda göngu
sinni áfram í lok febrúar og koma
út á fimmtudögum.
Rebekka Sif Stefánsdóttir söng-
kona æfði fimleika í 2 ár sem
barn en er nú aftur byrjuð í full-
orðinshópi. Að hennar sögn snýst
íþróttin nú frekar um hreyfingu
og fjör heldur en keppni. „Mér
finnst lang skemmtilegast að vera
á trampólíninu, fara í heljarstökk,
æfa skrúfu eða jafnvel tvöfalda
skrúfu. En áhöldin eru líka frá-
bær.“ Að sögn Rebekku eru full-
orðinsfimleikar fyrir alla og þú
þarft alls ekki að hafa æft fimleika
sem barn til að stunda þá. „Maður
notar allan líkamann og það er
mikil hvatning að vera í hópi.“ |bsp
Lang skemmtilegast á trampólíninu
Hreyfing hefur ólíka merkingu í hugum fólks.
Sumir hafa unun af því að þramma inn á líkams-
ræktarstöðvar með stírurnar í augunum á með-
an öðrum verður flökurt af hugmyndinni um
hlaupabretti. Til eru ótal aðrar leiðir til þess að
koma blóðinu á hreyfingu og fullorðinsfimleikar
eru ein þeirra
Rebekka æfir fimleika.
Draumurinn er að geta gert allt
á dýnunni en ekki einung-
is á trampólíni. Myndir | Hari
Orri á alltaf snakkbirgðir heima hjá sér. Mynd | Hari
„Þeir hafa staðið sig mig miklum
ágætum og verið mjög áberandi.
Það hefur mætt mikið á þeim og
við vitum öll af hverju. Bæði út af
stóru máli og öðrum smærri mál-
um,“ segir Fjölnir Geir Bragason,
húðflúrari og einn eigenda Íslenzku
húðflúrstofunnar, sem stendur fyr-
ir húðflúr maraþoni laugardaginn
11. febrúar næstkomandi, þar sem
fólk getur látið flúra sig til styrktar
Slysavarnafélaginu Landsbjörg.
Stóra málið sem Fjölnir vísar
til er að sjálfsögðu leitin að Birnu
Brjánsdóttur sem stóð yfir í tæpa
viku í janúar, en um 800 björg-
unarsveitamenn tóku þátt í henni
og gengu samtals um 7000 kíló-
metra.
„Við viljum sýna okkar stuðning
í verki. Það eru allir að gefa sína
vinnu,“ segir Fjölnir en fimm til sex
húðflúrarar verða að störfum frá
klukkan 11 til 18. Ekki er nauðsyn-
legt að bóka tíma fyrirfram. „Fólk-
ið sem er að fá sér tattú er líka að
sína hug sinn í verki. Allir leggjast á
eitt,“ bætir hann við.
Fjölnir segir viðbrögðin hafa
verið mjög góð og áhugi fólks á því
að flúra sig fyrir góðan málstað er
mikill. Þó enn sé vika í viðburðinn
þá hafa vel yfir hundrað manns
boðað komu sína. „Þetta verður
örugglega brjálað ef ég þekki mitt
fólk rétt. Tattú er svo vinsælt núna
og vex og vex.“
Húðflúrin sem hægt verður á fá
eru sérstakar litlar rúnir en hægt
er að stækka verkin og bæta við
hönnunina gegn vægu gjaldi til við-
bótar sem einnig mun renna óskipt
til Landsbjargar.
„Við völdum fjórar rúnir. Ís-
lenski arfurinn er mjög flottur og
magnþrunginn. Ef fólk kynnir sér
hvað rúnirnar merkja þá sjást hug-
renningatengslin mjög vel.“
Jór er ein þeirra rúna sem verður
í boði, en hún er rún Sleipnis, hests
Óðins. Um Sleipni segir: „Hann
hleypur yfir fjöll og firnindi án þess
að þreytast og lætur ekkert stöðva
sig. Rúnin táknar því mikla hreyf-
ingu og hraða. Hún getur staðið
fyrir ferðalög í bókstaflegum skiln-
ingi en ekki síður ferðalag hugans
og breytingar á umhverfi.“ | slr
Sýna hug í
verki með
húðflúri
Íslenzka húðflúrstofan
stendur fyrir viðburði
um næstu helgi þar
sem fólk getur látið
flúra á sig rúnir til
styrktar Slysavarna-
félaginu Landsbjörg.
Fjölnir segir viðbrögðin hafa verið
mjög góð og býst við að allt verði
brjálað hjá þeim.