Fréttablaðið - 12.05.2018, Page 92

Ég hafði aldrei sett í þvottavél þegar ég fór í Hússtjórnar-skólann. Ég hafði bara búið við
góða þjónustu heima hjá mömmu
og í skólanum áttaði ég mig fyrst
á hvað mamma gerði mikið á
heimilinu og hvað húsverk geta
verið vandasöm og tímafrek,“ segir
leikarinn Hilmar Guðjónsson sem
stundaði nám við Hússtjórnarskóla
Reykjavíkur á haustönn 2005.
„Þá var ég búinn með mennta-
skólann og dreymdi um að verða
leikari en komst ekki inn í Leik-
listarskólann. Í staðinn fyrir að
fara þá í bara eitthvert háskólanám
ákvað ég að verja tíma mínum
betur og láta verða af því að fara í
Hússtjórnarskólann.“
Hilmar var þar eini karlinn í 23
kvenna hópi og bjó á heimavistinni.
„Leiga fyrir kvistherbergið var tíu
þúsund krónur á mánuði og maður
fékk að vaða í afganga í eldhúsinu
og bætti á sig nokkrum kílóum í
leiðinni. Það var alveg hrikalega
næs og þegar maður fór á skrallið
sleppti maður því að fara í röðina á
Hlölla og fór í staðinn heim í steik
og bernaise-sósu.“
Með próf í að strauja
Hilmar segir allt vera sjarmerandi
við Hússtjórnarskólann.
„Þar ríkir einstaklega góður andi,
húsið er alveg sérstakt og kennar-
arnir frábærir. Mikil vinátta varð til
á milli nemenda og á kvöldin sátum
við saman og prjónuðum heima-
vinnuna yfir sjónvarpinu. Mér þótti
ekkert mál að vera einn með stelp-
unum. Ég varð algjörlega einn af
stelpunum en datt dálítið út þegar
þær fóru að tala um blæðingar
og barneignir og fékk óstöðvandi
málæði þegar ég hitti loks einhvern
sem gat talað við mig um fótbolta,“
segir hann, sællar minningar.
Í dagsins önn segist Hilmar nýta
allt sem hann lærði í Hússtjórnar-
skólanum.
„Allt sem sneri að heimilishaldi
kom mér spánskt fyrir sjónir og
stærsti lærdómurinn var að óttast
ekki lengur eldamennskuna. Fyrr
en varði var ég farinn að baka upp
sósur, steikja sunnudagshrygg,
skreyta brauðtertur og laga frómas.
Mikið var lagt upp úr útsaumi,
vefnaði og hannyrðum og ég lærði
servéttubrot og er nú með próf í að
strauja, sem er aldeilis nytsamlegt
þegar strauja þarf skyrtur.“
Prjónaði morgungjöfina
Hilmar mælir með námi í Hús-
stjórnarskólanum fyrir alla þá sem
eru í millibilsástandi og vita ekki
upp á hár hvað þeir vilja læra eða
gera.
„Þar er tímanum sannarlega vel
varið. Maður þarf að gera allt sjálfur,
stíga inn í óttann og klára verkefnin
upp á eigin spýtur, sem er meirihátt-
ar veganesti út í lífið. Nú kann ég að
elda allan hefðbundinn heimilismat
þótt ég geri sjaldan fiskbúðing en
væri annars enn að kaupa frosna
pitsu og bæta við einu áleggi. Slátur
hef ég reyndar ekki enn tekið þótt
ég sé algjörlega tilbúinn til þess og
að fara í berjamó eða eftir rabarbara
til að setja í graut, saft og sultur. Ég
treysti mér til þess alla leið og mun
alltaf búa að þessu.“
Hilmar er líka duglegur að grípa
í prjónana og gera við föt ef með
þarf.
„Ég prjónaði peysu handa
konunni minni í morgungjöf þegar
við giftum okkur og svo á ég sauma-
sett sem ég gríp í þegar dytta þarf að
einhverju með nál og tvinna. Frúin
er ánægð með að ég kunni á þessu
tökin. Við eigum von á barni og á
óléttunni sé ég alfarið um heimilis-
störfin og eldamennskuna. Ég er
enda með próf í því öllu og um að
gera að nýta menntunina sem best.
Næst á dagskrá er að prjóna heim-
fararsettið!“
Þórdís Lilja
Gunnarsdóttir
thordisg@frettabladid.is
Hilmar í eldhúsinu heima þar sem hann er hvergi banginn að nýta menntun
sína í eldamennsku og húsverkum á hverjum degi. MYND/STEFÁN
Varð strax einn af stelpunum
Leikarinn Hilmar Guðjónsson sá móður sína í nýju ljósi þegar hann fór til náms í Hússtjórnarskól-
anum. Hann prjónaði peysu handa ástinni sinni í morgungjöf og treystir sér vel til að taka slátur.
Margrét Sigfúsdóttir er skólastjóri Hússtjórnarskóla Reykjavíkur, hér í vinsælli vefstofu skólans. MYND/ERNIR
Í Hússtjórnarskólanum lærir fólk svo margt fyrir lífið og námið er haldgott, engin spurning,“ segir
Margrét Dóróthea Sigfúsdóttir sem
verið hefur skólastjóri Hússtjórn-
arskóla Reykjavíkur í tuttugu ár.
„Það eru forréttindi að hlakka
til hvers einasta dags og hafa yndi
af sínu starfi. Það hefur líka góð
áhrif á mann að vera dagana langa
innan um glatt og hresst ungt fólk,
sem og að starfa í svo hlýlegu og
góðu húsi,“ segir Margrét. „Hér er
einstaklega góður andi og nem-
endur segja að það sé dásamlegt að
sofa í þessu húsi.“
Margrét segir suma nemendur
hafa átt sér draum frá unga aldri
um skólavist í Hússtjórnarskól-
anum og að heimavist í kvisther-
bergjum glæsilegs hússins við Sól-
vallagötu sé einkar vinsæll kostur.
„Nemendur utan af landi ganga
fyrir en borgarbörnin vilja líka
á heimavistina. Stelpurnar eru
tvær til þrjár saman í herbergi og
þegar einhver hefur viljað vera ein
í herbergi gefst hún vanalega upp
á því þegar hún heyrir skvaldrið
í hinum, enda hvað er gaman að
vera ein í herbergi á slíkum stað?
Þær elska allar heimavistina, eign-
ast þar óskaplega góðar vinkonur
og alveg yndisleg upplifun að
sitja saman í skemmtilegum hóp,
horfa á væmna sjónvarpsþætti,
prjóna og poppa. Það er dýrmætt á
tímum þegar allir sitja einangraðir
í símum, hver í sínu horni. Ég segi
þeim frekar að kynnast og tala
saman. Ekki eyða dýrmætum tíma
í netspjall við einhvern sem hvorki
sést né hefur nærveru.“
Biðlistar á hverju ári
Margrét tekur nú við umsóknum
í Hússtjórnarskólann fyrir næsta
skólaár. Námið tekur eina önn og
pláss er fyrir 24 nemendur.
„Það hefur alltaf verið eftirsótt
að komast í Hússtjórnarskólann
Húsverk og ævilöng vinátta
Það er opið hús í Hússtjórnarskóla Reykjavíkur í dag þar sem hægt er að skoða einstakt handverk
nemenda og dýrindis bakstur. Í skólanum verður til vinskapur og haldgott veganesti út í lífið.
og biðlistar á hverju ári,“ upp-
lýsir Margrét. „Þetta er stíft nám
en skemmtilegt þar sem skóla-
dagurinn hefst klukkan átta og er
til klukkan fimm en honum lýkur
á hádegi á föstudögum. Skólinn er
svo eins og hvert annað heimili.
Innifalið er fullt fæði, morgunmat-
ur, hádegismatur og miðdagskaffi,
og þau sem eru á heimavistinni
elda sér kvöldmat og hér eru alltaf
til afgangar og nóg af súrmjólk,
skyri og kornflexi, og brauði og
áleggi, rétt eins og heima,“ útskýrir
Margrét.
Í skólanum læra nemendur allt
til góðs heimilishalds og verða þar
færir á flestum sviðum.
„Veitt er menntun sem nýtist
í daglegu lífi og er góður undir-
búningur undir frekara nám. Við
undirbúum nemendur fyrir störf
í ýmsum greinum samfélagsins
og nemendur læra vandvirkni um
leið og sjálfstraust þeirra og frum-
kvæði eykst,“ útskýrir Margrét
sem kennir nemendum að halda
heimili og að fara vel með.
„Allir þurfa að geta eldað ofan
í sig, jafnvel þótt þeir búi einir. Í
dag er almenningur hvattur til að
borða hreinan mat sem er eldaður
frá grunni og hér læra þeir það.
Við kennum næringarfræði og
hvers kyns matreiðslu frá grunni,
að útbúa og elda allan venjulegan
heimilismat og veislumat, að taka
slátur, baka tertur og kransaköku,
skreyta brauðtertur og gera saft
og sultur úr rabarbara og berjum
sem nemendur tína í berjamó á
haustin, og allt þar á milli. Þá er
kennt að þvo þvott þannig að hann
verði fallegur og endingargóður,
að strauja skyrtur og dúka, þrífa
allt sem til fellur á heimili, prjóna,
sauma út og vefa, en flestir verða
heillaðir af því að sitja í vefstofunni
og vefa sér fallega hluti. Allt er það
eigulegt og dýrmætt og ber vitni
um fagurt handverk og kunnáttu
nemenda,“ segir Margrét.
Ógleymanlegt ævintýri
Handverk og hannyrðir eru í
hávegum hafðar í Hússtjórnarskól-
anum og nemendur læra að sauma
út mynstur í sængurfatnað og
dúka, og sauma sinn eigin fatnað
og jafnvel skírnarkjóla.
„Margar verða hissa þegar þær
kaupa sér fallegt efni fyrir fáeina
þúsundkalla og sauma sér svo kjóla
sem myndu kosta tugi þúsunda út
úr búð. Þær læra að taka snið úr
blöðum, minnka þau og stækka
eftir þörfum og breyta sniðum
ef með þarf svo þau falli betur að
líkamsvexti hvers og eins,“ segir
Margrét.
Flestir nemendur Hússtjórnar-
skólans eru á aldrinum 18 til 22 ára
en líka aðeins eldri og yngri.
„Meirihluti umsækjenda er kven-
fólk en líka einn og einn strákur
og nú þegar hefur einn staðfest
skólavist á haustönn og annar er
búinn að senda inn umsókn. Það er
gott fyrir stráka jafnt sem stelpur að
fara í hússtjórnarnám og við höfum
verið ofsalega heppin með piltana
hér með stúlkunum okkar því allt
þetta unga fólk er svo yndislegt.“
Að námi loknu fá nemendur öll
námsgögn afhent til eignar.
„Við kveðjustund er mjög oft
grátið enda sér þá fyrir endann á
ógleymanlegu ævintýri. Nemendur
bindast hér ævilöngum vina-
böndum og stundum koma gamlir
árgangar í heimsókn sem hafa hist
mánaðarlega í sextíu ár og eru
alltaf vinkonur. Þegar þröngt er
setið og kúldrast saman myndast
náin tengsl og mikil fjölskyldu-
stemning. Vissulega líður mér því
stundum eins og mömmu þeirra og
vitaskuld fylgir hvatning og knús,
eins og á öllum góðum heimilum.“
Sótt er um skólavist í Hússtjórnar-
skóla Reykjavíkur á heimasíðu
skólans, husstjornarskolinn.is. Hús-
stjórnarskóli Reykjavíkur er á Sól-
vallagötu 12. Í dag verður opið hús
í Hússtjórnarskólanum frá klukkan
13.30 til 17. Sími 551 1578.
10 KYNNINGARBLAÐ 1 2 . M A í 2 0 1 8 L AU G A R DAG U RSKÓLAR oG NÁMSKEIÐ
1
2
-0
5
-2
0
1
8
0
4
:3
1
F
B
1
2
8
s
_
P
0
9
2
K
.p
1
.p
d
f
F
B
1
2
8
s
_
P
0
8
5
K
.p
1
.p
d
f
F
B
1
2
8
s
_
P
0
3
7
K
.p
1
.p
d
f
F
B
1
2
8
s
_
P
0
4
4
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
F
C
1
-4
9
0
0
1
F
C
1
-4
7
C
4
1
F
C
1
-4
6
8
8
1
F
C
1
-4
5
4
C
2
7
5
X
4
0
0
.0
0
1
5
A

F
B
1
2
8
s
_
1
1
_
5
_
2
0
1
8
C
M
Y
K