Ægir - 01.12.2017, Blaðsíða 17
17
okkar að vinna okkur út úr
þessu. Það hafa orðið miklar
breytingar til hins betra, til
dæmis hvað brottkastið varðar
og það er litið niður á þá menn
sem ganga illa um auðlindina.
Við verðum að fara að fá já-
kvæðari umræðu, sem byggist
á meiri þekkingu.“
Hann telur að það eigi til
dæmis að vera öllum ljóst að þó
veiðigjöld séu hækkuð veru-
lega, eins og sumir stjórnmála-
flokkar hafi lagt áherslu á, hafi
það lítil áhrif á heildarafkomu
ríkissjóð og sé ekki að fara að
bjarga fjárhag þjóðarinnar eins
sumir virðist halda. Sjávarút-
vegurinn skili engu að síður
alltaf sínu til samfélagsins, bæði
í beinum greiðslum og óbein-
um með jákvæðum áhrifum á
nærsamfélag sitt eins og í
Grindavík.
„Þegar maður er búinn að
vera í sjávarútveginum allan
þennan tíma og þekkir hann út
og inn, þá er óskaplega pirrandi
hve umræðan er stundum
byggð á mikilli vanþekkingu.
Það hálfa væri nóg. Oft á tíðum
er þetta bara tómt kjaftæði og
bull, jafnvel hjá sumum stjórn-
málamönnum, sem þykjast
vera að slá um sig. Þegar maður
fer svo að ræða við þetta fólk er
það komið í hring áður en mað-
ur veit af, en byrjar svo oftast
aftur á sömu hringavitleysunni.“
Svona verkfall má
ekki endurtaka sig
Við ræðum svo sjómannaverk-
fallið síðasta vetur sem stóð í
um tvo mánuði og var mörgum
þungbært. Sigurður nefnir að
við það hafi ferski fiskurinn frá
Íslandi hætt að koma á markaði
og aðrar þjóðir náð að fylla í
skarðið. Mikinn tíma taki að
vinna það hillupláss til baka.
„Svona verkfall má ekki verða
aftur. Við sjómenn lentum fyrst
í því að vera samningslausir í
fimm ár. Á þeim tíma var ekkert
gert og það er okkur sjómönn-
um og útgerðarmönnum báð-
um að kenna. Allar þessar miklu
breytingar sem orðið hafa í
sjávarútveginum leiða til þess
að miklu þarf að breyta í kjara-
samningum okkar. Við þurfum
einhverja tvo samninga í viðbót
til að koma okkur inn í núið.
Báðir aðilar verða að leysa það í
sameiningu án þess að til verk-
falls komi með tilheyrandi tapi.
Við þurfum að laga ákveðna
hluti og gera það saman, látum
þetta ekki gerast aftur.“
Sigurður segir að þetta megi
ekki snúast allt um að slá upp
tölum um laun sjómanna eftir
góðan túr. Í fyrsta lagi rói menn
yfirleitt bara annan hvern túr
og sumir túrar séu svo mun
slakari en aðrir. Hann bendir
líka á að það sé einkennilegt að
einstakir útgerðarmenn séu að
býsnast yfir háum launum sjó-
manna. Fái sjómenn há laun fái
útgerðin líka miklar tekjur.
„Þetta hangir allt saman,“ segir
skipstjórinn Sigurður Jónsson.
„Þegar maður er búinn
að vera í sjávarútvegin-
um allan þennan tíma
og þekkir hann út og
inn, þá er óskaplega
pirrandi hve umræðan
er stundum byggð
á mikilli vanþekkingu.
Það hálfa væri nóg.“
Stórt hol á árum áður á Hrafnin-
um.
Óskum landsmönnum öllum gleðilegra jóla
og farsældar á nýju ári
Þökkum samskiptin á árinu sem er að líða
TEMPRA EHF • Íshella 8 • 221 Hafnarfjörður • Sími: 520 5400 • tempra@tempra.is • www.tempra.is
einangrun – umbúðir