Ægir - 01.12.2017, Blaðsíða 44

44
Smíði tveggja ísfisktogara í
Kína, Breka VE og Páls Pálsson-
ar ÍS, hefur dregist verulega og
var orðið ljóst snemma hausts
að allt stefndi í að skipin yrðu
ekki komin til landsins á þessu
ári, líkt og reiknað hafði verið
með í ársbyrjun. Samið var um
smíði skipanna vorið 2014 og
þá miðað við að þau yrðu af-
hent á árinu 2016. Lokafrá-
gangur hefur hins vegar gengið
mjög hægt.
Vinnslustöðin hf. og Hrað-
frystihúsið Gunnvör hf. sömdu
við Huanghai Shipbuilding
skipasmíðastöðina í Rongcheng
í Kína um smíði togaranna en
þeir eru nákvæmlega eins og
hannaðir af verkfræðistofunni
Skipasýn. Þeir leysa af hólmi
Jón Vídalín VE og Pál Pálsson ÍS,
hvort tveggja togara sem farnir
eru að nálgast fimmtugsaldur-
inn.
Nýju togararnir eru 50 metra
langir, 13 metra breiðir og bún-
ir óvenjulega stórri skrúfu. Hún
er fimm metrar í þvermál og
með henni er náð fram hlut-
fallslega miklu afli miðað við
stærð vélar en markmiðið er að
jafnframt náist umtalsverður
sparnaður í eldsneytisnotkun.
Togararnir tveir fóru í
reynslusiglingar og veiðarfæra-
prófanir á Kínahafi í nóvember
og gengu þær vel. Engu að síð-
ur eru engar dagsetningar enn
komnar á heimsiglingu skip-
anna en reiknað er með að hún
taki hátt í 50 sólarhringa. Aug-
ljóslega verður því liðið vel á
veturinn þegar skipin koma
heim.
Hægt gengur með Breka
og Pál í Kína
Páll Pálsson ÍS kominn í liti Hraðfrystihússins Gunnvarar.
Breki VE á fullri ferð á Kínahafi í reynslusiglingunni nú í nóvember.
F
réttir