Ægir - 01.12.2017, Blaðsíða 28

28
Nýr ferskfisktogari HB Granda
hf., Viðey RE-50, kom til lands-
ins frá Tyrklandi að skömmu
fyrir jól eftir hálfs mánaðar
heimsiglingu. Viðey er þriðji og
síðasti togarinn sömu gerðar
sem HB Grandi lét smíða í Ce-
liktrans skipsmíðastöðinni í
Tyrklandi en í ársbyrjun kom
Engey RE til landsins og Akurey
RE í sumarbyrjun. Skipin eru
hönnun frá Alfreð Tulinius,
skipatæknifræðingi og eiganda
Nautic ehf. en þau eru tíma-
mótaskip á heimsvísu sem
fyrstu ferskfisktogararnir sem
vitað er til að bæði séu með
mann- og íslausum lestum.
Skipstjóri á Viðey RE er Jóhann-
es Ellert Eiríksson en í flota HB
Granda mun Viðey RE leysa af
hólmi togarann Ottó N. Þor-
láksson sem Jóhannes Ellert
hefur verið skipstjóri mörg
undanfarin ár.
Gjörbreyting á skipastól
Átak í endurnýjun skipastóls HB
Grandi hf. hófst árið 2013 þegar
fyrirtækið samdi um smíði á
tveimur uppsjávarskipum í
Celiktrans skipasmíðastöðinni í
Tyrklandi og boðaði með því
uppstokkun á þeim hluta út-
gerðarinnar. Strax í kjölfar
komu þeirra var samið um
smíði ísfisktogaranna þriggja
og um leið boðað að í stað
þeirra hyrfu þrír ísfisktogarar úr
flota fyrirtækisins, þ.e. Ásbjörn
RE, Sturlaugur H. Böðvarsson
AK og Ottó N. Þorláksson RE.
Tvö þau síðarnefndu voru smíð-
uð árið 1981 en Ásbjörn RE árið
1978. Það skip var selt til Íran
fyrr á árinu þegar Engey RE fór í
fullan rekstur en hin tvö eru
enn í rekstri og verða þar til Ak-
urey AK og Viðey RE verða full-
búin og geta hafið veiðar. Nið-
ursetning búnaðar er langt
komin í Akurey AK og strax eftir
áramót hefst þessi lokaáfangi í
smíði Viðeyjar RE. Fjárfesting í
þessum nýju ferskfisktogurum-
þremur nemur um sjö milljörð-
um króna.
En þó að með komu Viðeyjar
RE til landsins verði ákveðin
kaflaskil í fiskiskipaendurnýjun
HB Granda hf. er endurnýjun
skipastólsins ekki lokið í bili hjá
fyrirtækinu. Fyrr á þessu ári var
boðin út smíði rúmlega 80
metra frystitogara sem hannað-
ur er af Rolls Royce í Noregi og í
framhaldinu samið um smíði
skipsins við spænsku skipa-
smíðastöðina Astilleros Armon
Gijon. Áætlað er að skipið kosti
tæpa fimm milljarða króna.
Smíði þess hófst nú á haust-
mánuðum og á það að koma til
landsins um mitt ár 2019.
Matsalur og setustofa. Mynd: Celiktrans Shipyard. Vel er búið að áhöfn á allan hátt og klefar hinir vistlegustu, eins og sjá
má. Klefar eru fyrir 17 manns í skipinu. Mynd: Celiktrans Shipyard.
Viðey RE 50
bætist í flota
HB Granda
N
ý
fisk
isk
ip