Morgunblaðið - Sunnudagur - 12.11.2017, Síða 27

12.11. 2017 MORGUNBLAÐIÐ SUNNUDAGUR 27
Þessi dásamlega kjöt- og baunakássa býður til
dæmis upp á að gera sunnudaga þægilega. Hægt
er að henda í hana kl. 11 að morgni og fara svo út
að leika allan daginn og koma beint heim, henda
baununum út í og maturinn er tilbúinn eftir fimm
mínútur.
500 g nautahakk
1 ½ msk. ólífuolía
½ laukur, gróft saxaður
1 hvítlauksrif, kramið
4 gulrætur, smátt skornar
500 ml tómatpassata
500 ml niðurskornir tómatar í dós
400 ml grænmetissafi frá einhverju vönduðu merki
3 ½ bollar nautasoð
1 tsk. þurrkuð basilíka
1 tsk. óreganó
1 tsk. timjan
2 msk. Worchestershire-sósa
2 msk. hlynsíróp
örlítið af þurrkuðu chili (má sleppa)
salt og pipar eftir smekk
1 dós nýrnabaunir
1 dós cannellini-baunir, smjörbaunir eða aðrar góðar
hvítar baunir
parmesanostur
Brúnið hakkið á pönnu, setjið til hliðar. Setjið
ólífuolíu á sömu pönnu og mýkið lauk, hvítlauk og
gulrætur í 5 mínútur.
Setjið kjötið og grænmetið saman í eldfast mót
með loki. Hrærið tómatpassata, niðurskornu
tómunum, grænmetissafanum og nautasoðinu
saman við ásamt basilíkukryddi, óreganó, timjan,
Worhestershire-sósunni, hlynsírópi og smakkið til
með salti og pipar. Setjið í ofninn og látið vera við
lágan hita, 120°C, í 8 tíma. Einnig má hafa þetta á
hellu í þykkbotna potti við lágan hita í sama tíma,
en passa þar að botninn sé góður svo kássan
brenni ekki við. Eftir 8 tíma má bæta við baunum
og elda í 5 mínútur til viðbótar, einnig er gott að
setja pasta saman við og láta það vera þann tíma
sem stendur á pakkanum.
Berið fram með rifnum parmesanosti og sum-
um þykir gott að hafa hvítlauksbrauð eða ristað
súrdeigsbrauð með.
Átta tíma kássan
Fat grænmetis-
ætunnar
Þessi réttur kann að líta út fyrir að vera ekkert nema græn-
meti en galdurinn er að þetta eru í raun bökuð hrísgrjón
sem falin eru undir grænmetinu til að þau eldist sem best.
Hér er um að gera að nota hugmyndaflugið og velja það
grænmeti sem mann langar í og til dæmis er gott að bæta
maísstönglum aukalega við, skera þá í tvennt og leggja of-
an á grænmetisbeðið. Hér skiptir öllu að grænmetið sé af-
ar gróft.
½ bolli basmatí- eða jasmínhrísgrjón
380 ml grænmetissoð (má nota kjúklingakraft ef fólk er ekki
grænmetisætur)
310 ml vatn
3 hvítlauksrif, kramin
2-3 gulrætur til að blanda við hrísgrjónin, skornar í litla bita
30 g smjör
3-4 bollar gróft skorið grænmeti að eigin vali, til dæmis gulræt-
ur, rauðlaukur, paprika, chilipipar, blómkál, kúrbítur, það mikið
að það nái að hylja hrísgrjónin alveg í eldfasta mótinu
nokkrar kartöflur, gróft skornar
¼ bolli ólífuolía
1½ tsk. paprikukrydd
1½ tsk. timían
1-2 tsk. sjávarsalt
1-2 tsk. svartur pipar
ferskar kryddjurtir til að skreyta með (má sleppa)
Hitið ofninn í 200°C.
Blandið öllu kryddinu saman í litla skál. Setjið hrísgrjón,
grænmetissoð, vatn, hvítlauk, litlu gulrótarbitana og smjör
í botninn á eldföstu móti (ca 20-30 cm stórt). Kryddið yfir
með ½ tsk. af kryddblöndunni. Lokið mótinu með álpappír
og bakið í 20 mínútur. Raðið þá gróft skorna grænmetinu
og kartöflunum ofan á hrísgrjónin, hellið ólífuolíunni yfir og
kryddið með afganginum af kryddblöndunni. Hækkið hit-
ann í 220°C og bakið áfram í 30 mínútur án álpappírs. Leyf-
ið réttinum að standa áður en hann er borinn fram. Dreifið
ferskum kryddjurtum að eigin vali yfir áður en borið er
fram ef vill. Hvítlauksbrauð passar vel með en má sleppa.