Morgunblaðið - 24.11.2017, Síða 70

70 MINNINGAR
MORGUNBLAÐIÐ FÖSTUDAGUR 24. NÓVEMBER 2017
Smáauglýsingar
Fylgstu með á facebook
Mjódd s. 774-7377
www.frusigurlaug.is
Frí póstsending
Fylgstu með á facebook
Mjódd s. 774-7377
www.frusigurlaug.is
Frí póstsending
Sundbolir • Tankini
Bikini • Strandfatnaður
Undirföt • Náttföt
Sloppar • Undirkjólar
Inniskór • Aðhaldsföt
Mikið úrval
af heima- &
náttfatnaði,
sloppum og
nærfatnaði fyrir
konur á öllum
aldri
-Þ
Ú
SE
ND
IR
OKK
UR MYND EÐA
TEXTA-
-V
IÐ
PRENTUM Á TATT
O-
PA
PP
ÍR
-
Ýmislegt
✝ Ragnar Berg-ur Jónsson
fæddist 24. maí
1924 á Korpúlfs-
stöðum. Hann lést
30. október 2017 á
Hjúkrunarheim-
ilinu Sóltúni í
Reykjavík.
Foreldrar hans
voru Jón Bergs-
son, búfræðingur
og bifreiðastjóri í
Reykjavík, f. 7. september 1883
á Birnufelli í Fellum, Norður-
Múlasýslu, d. 21. júní 1959, og
Elínbjört Hróbjartsdóttir mat-
ráðskona, f. 21. mars 1884 í Odd-
geirshóla-Austurkoti í Hraun-
gerðishreppi, d. 23. janúar 1926.
Bergur kvæntist Erlu Eyjólfs-
dóttur, f. 6. ágúst 1929, d. 13.
október 2017. Börn þeirra eru:
1) Jón, f. 18. september 1948,
maki Guðrún H. Sederholm, f.
24. janúar 1948. Börn þeirra eru
Örn og Sigríður Ella. 2) Arn-
þrúður, f. 18. september 1948, d.
3. febrúar 2000, maki Friðrik
Jónsson. Börn þeirra eru Erla,
Gerða, Arna, Jón Örn og Drífa.
sveinspróf í rennismíði árið
1945.
Hæfileikar hans og kunnátta
við allt sem viðkom vélum og
gangverki þeirra komu fljótt í
ljós og nýttust starfskraftar
hans vel í árdaga vélvæðingar á
Íslandi. Bergur vann lengst af í
Hampiðjunni og fylgdi þar eftir
þróun kaðla- og netagerðar úr
hampi yfir í plastefni með öllum
þeim breytingum á vélakosti
sem því var samfara.
Hann fylgdi einnig eftir sölu
og uppsetningu eldri vélbúnað-
arins í framandi löndum því
hampvélarnar gömlu voru með-
al annars seldar til Casablanca.
Bergur tók að sér uppsetn-
ingu á verksmiðjum í Sharjah,
sem er eitt af sameinuðu fursta-
dæmunum við Persaflóa, og bjó
þar um nokkurra ára skeið
ásamt fjölskyldu.
Bergur lauk sinni starfsævi
hjá sjávarafurðadeild SÍS og
Fálkanum.
Bergur og Erla hófu búskap á
Bergstaðastræti 50b árið 1948
og bjuggu þar til ársins 2016 er
þau fluttu í íbúð á Aflagranda
40.
Útför Bergs fer fram frá Nes-
kirkju í dag, 24. nóvember 2017,
klukkan 13.
3) Björn, f. 26. jan-
úar 1951, börn hans
eru Anita Hafdís,
móðir hennar er
Berta Guðjóns-
dóttir, og Ragnar og
Arnar, móðir þeirra
er Svanhildur
Jósepsdóttir. 4)
Kristjana, f. 20.
september 1952,
maki Atli Árnason,
f. 7. júní 1951, börn
þeirra Bergur, d. 1990, Rósa, Ás-
geir og Trausti. 5) Elín, f. 7.
mars 1955, maki Sveinbjörn
Jónsson, f. 22. febrúar 1959,
börn þeirra Jóna Lára, Berglind
og Björg. 6) Arndís, f. 5. janúar
1968, maki Björn Þorláksson.
Börn þeirra eru Starkaður og
Sól og dæturnar Vigdís og Kar-
ítas sem Arndís á frá fyrra
hjónabandi. Sonur Björns úr
fyrra sambandi er Þorlákur.
Barnabarnabörnin eru á fjórða
tug.
Bergur óx upp í Reykjavík hjá
föður sínum, stjúpmóður og
yngri systkinum.
Hann lærði vélvirkjun og tók
Á meðan brimið þvær hin skreipu sker
og skýjaflotar sigla yfir lönd
þá spyrja dægrin: Hvers vegna ertu
hér,
hafrekið sprek á annarlegri strönd?
(Jón Helgason)
Okkur fjölskyldumeðlimi og
ástvini Erlu og Bergs hefur nú
rekið á strönd sorgar og sárrar
kveðjustundar.
Aðeins rúmt ár er síðan við
Erla gengum með hluta af glað-
hlakkalegum barnabarnaskara
hennar um götur Akureyrar.
Hún var svo stolt af þeim og já-
kvæð, glöð að vera komin norður
í heimsókn.
Degi síðar fór ég í sund með
Bergi í Akureyrarlaug. Það tók
svolítinn tíma að koma sér á bað-
svæðið, enda Bergur á tíræðis-
aldri.
Verðlaunin voru ærin þegar
sólin braust fram úr skýjunum og
andlit tengdapabba lýsti upp.
Hann spyrnti sér frá bakka heita
pottsins og tók land hinum meg-
in. „Þá er maður búinn að afreka
eina sundferð í dag,“ sagði hann
með kíminn glampa í augum.
Þetta reyndist síðasta sundferðin
hans Bergs og nú eru ferðalok
hjá þeim Erlu báðum.
Þegar við Arndís, örverpi
þeirra hjóna í miklum og mynd-
arlegum barnahópi, kynntumst
árið 2004 kveið ég því ögn að hitta
verðandi tengdaforeldra mína.
Þótt ég væri þá nálægt fertugu
leið mér eins og smástrák sem
þyrfti nú að standa sig. Ég man
vel fyrstu kynni við þau heiðurs-
hjónin í Bergstaðastrætinu.
Fann fyrir létti að við skyldum
sammála um flest umræðuefni,
nema kannski formann Sjálf-
stæðisflokksins. Allar götur síðar
gerði ég mér far um að líta sem
oftast við hjá þeim Erlu og Bergi
í fallega húsinu þeirra í mið-
bænum. Veiðiferð okkar Bergs á
Mývatni er líka í hópi dýrmætra
minninga. Sá kunni aldeilis vís-
urnar og meðal annars þá sem
vitnað er til að ofan.
Hér gefst ekki rými til að ræða
öll afrekin sem Erla og Bergur
unnu á starfsaldri, en staðhæfa
má að þau hjónin hafi haft dugn-
að og vinnusemi að leiðarljósi.
Þau kunnu líka að lifa og njóta
lystisemda lífsins eins og aðstæð-
ur buðu, allt til síðustu daga.
Þegar lífsgæði beggja skertust
hratt með skömmu millibili tóku
þau bæði örlögum sínum af ann-
álaðri reisn og æðruleysi. Sama
sólarhring og útför Erlu fór fram
í Neskirkju beinbrotnaði Bergur
á Sóltúni, sem þá var orðið heim-
ili hans.
Fimm dögum síðar hlaut hann
friðsælt andlát. Liðu því aðeins
17 dagar á milli dánardægra
þeirra hjóna.
Þótt harmurinn sé ólýsanlegur
þegar svo þung högg svipta með
örskömmu millibili okkur ástvini
svo glæsilegum fyrirmyndum og
félagsskap felst kannski ákveðin
fegurð í því að hjónaband Erlu og
Bergs hafi verið svo sterkum
þræði ofið að þegar annað kvaddi
hafi hitt búið sig til brottfarar
einnig.
Dansinn var tengdaforeldrum
mínum báðum kær. Það er freist-
andi að hugsa til þess að nú dansi
þau aftur saman í uppsölum, glöð
og tíguleg eins og ég mun ávallt
minnast þeirra.
Björn Þorláksson.
Bergur tengdafaðir minn yfir-
gaf þetta líf hinn 30. október.
Hann gat ekki látið tengda-
mömmu fara aleina og hélt af
stað aðeins fimm dögum eftir
jarðarför hennar. Þetta var í
samræmi við líf þeirra, sem allt
var samtvinnað og óaðskiljanlegt.
Ég kynntist Bergi og Erlu fyr-
ir tæpum 50 árum. Þegar leiðir
okkar Kristjönu lágu saman hóf-
um við sambúð, ég 21 árs og
Kristjana 20 ára, og til að geta
hafið sambúð réðum við okkur
sem kennara til Neskaupstaðar.
Móttökurnar af hans hálfu gagn-
vart síðhærðum ofurbjartsýnum
strák voru eins og alltaf síðan
góðar og styðjandi og lagði hann
gjörva hönd á plóg til að allt tæk-
ist sem best. Aldrei eitt gagn-
rýnisorð eða styggðarorð út af
þessum æðibunugangi, hvorki þá
né síðar.
Hann var í mínum huga alla tíð
toppeintak af tengdaföður og afa
sem með rósemi sinni og heim-
spekilegri afstöðu til lífsins og
viðfangsefna hafði jákvæð áhrif á
alla í kringum sig sem njóta vildu.
Hann kunni þá list að njóta
augnabliksins og dagsins í dag.
Öll vandamál voru verkefni sem
hægt var að leysa. „Það eru ráð
við öllu nema ráðaleysinu, við því
eru engin ráð til.“ Þetta var hans
viðhorf. Af fullkomnu æðruleysi
tók hann þannig á öllu sem að
honum barst í lífinu. Fór í stórar
aðgerðir á hjarta og fleiru með
bros á vör og kvartaði aldrei.
Bergur fór vel með hluti í
kringum sig og fjármuni. Þau
bárust aldrei á en lifðu góðu lífi
og sinntu afkomendum sínum af
stakri umhyggju natni og stolti.
Verkaskipting þeirra hjóna var
einföld og skilvirk.
Umhyggja þeirra og væntum-
þykja var djúp. Síðustu beinu
samskipti þeirra hjóna í okkar lífi
þar sem Bergur heimsótti Erlu
sína á líknardeildina skömmu
fyrir andlát hennar voru ákaflega
minnisstæð og falleg stund.
Handtak, augnaráð og fas sagði
meira en þúsund orð.
Á þessu augnabliki geisluðu
tilfinningarnar og lýstu upp allt
umhverfið.
Ég er þakklátur og stoltur að
hafa átt þessa tengdaforeldra að
samfylgdarfólki og vinum í veg-
ferð lífsins. og veit að þau svífa
áfram saman vakandi yfir fólkinu
sínu.
Atli Árnason.
Bergur Jónsson
Morgunblaðið birtir minningargreinar endurgjaldslaust alla
útgáfudaga.
Skil | Þeir sem vilja senda Morgunblaðinu greinar eru vinsamlega
beðnir að nota innsendikerfi blaðsins. Smellt á Morgunblaðslógóið í
hægra horninu efst og viðeigandi liður, „Senda inn minningargrein,“
valinn úr felliglugganum. Einnig er hægt að slá inn slóðina www.mbl.is/
sendagrein
Skilafrestur | Ef óskað er eftir birtingu á útfarardegi verður greinin að
hafa borist eigi síðar en á hádegi tveimur virkum dögum fyrr (á föstu-
degi ef útför er á mánudegi eða þriðjudegi).
Þar sem pláss er takmarkað getur birting dregist, enda þótt grein ber-
ist áður en skilafrestur rennur út.
Lengd | Minningargreinar sem birtast í Morgunblaðinu séu ekki lengri
en 3.000 slög. Ekki er unnt að senda lengri grein. Lengri greinar eru
eingöngu birtar á vefnum. Hægt er að senda örstutta kveðju, HINSTU
KVEÐJU, 5-15 línur. Ekki er unnt að tengja viðhengi við síðuna.
Formáli | Minningargreinum fylgir formáli sem nánustu aðstandendur
senda inn. Þar koma fram upplýsingar um hvar og hvenær sá sem
fjallað er um fæddist, hvar og hvenær hann lést og loks hvaðan og
klukkan hvað útförin fer fram. Þar mega einnig koma fram upplýsingar
um foreldra, systkini, maka og börn. Ætlast er til að þetta komi aðeins
fram í formálanum, sem er feitletraður, en ekki í minningargreinunum.
Undirskrift | Minningargreinahöfundar eru beðnir að hafa skírn-
arnöfn sín en ekki stuttnefni undir greinunum.
Myndir | Hafi mynd birst í tilkynningu er hún sjálfkrafa notuð með
minningargrein nema beðið sé um annað. Ef nota á nýja mynd skal
senda hana með æviágripi í innsendikerfinu. Hafi æviágrip þegar verið
sent er ráðlegt að senda myndina á netfangið minning@mbl.is og láta
umsjónarmenn minningargreina vita.
Minningargreinar