Morgunblaðið - 13.12.2017, Blaðsíða 12

12 DAGLEGT LÍF
MORGUNBLAÐIÐ MIÐVIKUDAGUR 13. DESEMBER 2017
Morgunblaðið/Eggert
Í skólanum Hlín starfar sem sérkennari á yngsta stigi í Norðlingaskóla. Hún er greinilega komin í jólaskap.
Kristín Heiða Kristinsdóttir
khk@mbl.is
Þ
etta er ótrúlega mikil við-
urkenning fyrir mig. Það
er alltaf dýrmætt þegar
tekið er eftir að maður sé
að gera eitthvað gott.
Verðlaunin hvetja mig sannarlega til
að halda áfram á þessari braut, því
þau sýna að það er þörf fyrir það sem
ég er að gera,“ segir Hlín Magnús-
dóttir sem var ein þeirra þriggja sem
fengu á dögunum Hvatningarverð-
laun Öryrkjabandalags Íslands 2017.
Hún fékk verðlaun í flokki ein-
staklinga, fyrir brennandi áhuga og
frumkvæði að fjölbreyttum kennslu-
aðferðum. Hlín starfar sem sérkenn-
ari yngsta stigs í grunnskólanum í
Norðlingaholti og hefur mikinn áhuga
á öllu sem viðkemur kennslu, uppeldi,
menntun, sálfræði og börnum.
„Þegar ég byrjaði að vinna með
ungum krökkum fann ég að bóka-
kennsla átti ekki alltaf vel við. Ég tók
frekar það skemmtilega úr kennslu-
bókunum og vann sérstaklega með
það. Síðan hefur þetta undið upp á sig
í þessi tvö og hálft ár sem ég hef starf-
að sem sérkennari. Boltinn fór að
rúlla eftir að ég opnaði fyrr á þessu
ári Facebook-síðuna mína: Fjöl-
breyttar kennsluaðferðir fyrir fjöruga
krakka, en þar sýni ég og set fram
ýmsar aðferðir í kennslu sem ég hef
búið til og hugmyndir að verkefnum.
Sumt af því sem ég er að nota tek ég
beint af Pinterest, svo ég á ekki heið-
urinn af öllu, en ég finn efnið og set
það fram á aðgengilegan hátt. Fjöl-
margir kennarar hafa haft samband
og fengið að taka þetta upp af síðunni
hjá mér, en ég bjóst aldrei við að
svona margir hefðu áhuga á þessu.
Þegar ég stofnaði síðuna lét ég mig
dreyma um að hundrað manns hefðu
kannski áhuga á að fylgjast með mér,
en nú eru þetta yfir fimm þúsund
manns.“
Á sjálf strák með ADHD
Námsefnið hennar Hlínar er
ætlað börnum sem þurfa sérkennslu,
börnum með greiningar, ADHD, ein-
hverfu, hegðunarvanda eða lestrar-
erfiðleika. En það er líka fyrir krakka
sem eiga ekki í erfiðleikum, því það
hentar öllum.
„Ég á sjálf strák með ADHD,
svo ég er að gera það sama heima og í
skólanum,“ segir Hlín og hlær. „Ég
sá það á honum hvað öðruvísi og fjöl-
breyttari aðferðir virkuðu vel fyrir
hann. Þá fór ég að prófa mig áfram og
ákvað að grípa ekki alltaf í bókina,
heldur gera eitthvað annað. Ég held
fyrirlestra um allt land þar sem ég
fjalla um áhrifaríka lestrarkennlslu,
hvernig á að koma til móts við
ADHD-krakka í kennslu og almennt
um fjölbreyttar kennsluaðferðir. Þá
fæ ég oft spurninguna: Hvernig
færðu allar þessar hugmyndir? En
svarið er að ég veit það ekki, þetta
bara kemur til mín. Ég horfi kannski
á golfbolta, spýtur eða eitthvað annað
og sé fyrir mér hvernig væri sniðugt
að nota þessa hluti í kennslu.“
Áskorun að sitja kyrr
Hlín segist sjá á líðan krakkanna
sem hún er með í sérkennslu að
kennsluaðferðir hennar virka. „Þeim
finnst fyrir vikið gaman að læra, og
þá er gaman í skólanum. Við megum
ekki gleyma að rétt áður en krakkar
byrja í grunnskóla þá voru þau að
leika sér í leikskóla allan daginn. Og
svo eiga þau allt í einu að sitja í stól og
vinna í bókinni sinni, sem getur verið
heljarinnar áskorun fyrir börn sem
eru orkumikil. Ég hugsa mínar að-
ferðir líka út frá áhuga krakkanna, til
dæmis var ég með stráka sem voru
miklir Pokemon-aðdáendur, og þá
skrifaði ég tölur og orð á Pokemon-
kúlur. Það þarf að vera eitthvað
svona sem höfðar til þeirra og kveikir
áhuga hjá þeim. Mér finnst gaman að
sjá kvikna á þessu litla ljósi hjá
krökkunum, og svo er það mitt að
viðhalda því. En það þarf ekki að
vera nýtt og spennandi í hverjum
einasta tíma, því eftirleikurinn í
kennslunni er auðveldari þegar búið
er að kveikja áhugann.“
Það besta sem ég veit
Hlín segir einstaklega gefandi
að sjá áhugann vakna hjá krökkum
sem eiga erfitt, og sjá þeim líða bet-
ur.
„Þetta er það besta sem ég veit.
Ég er heppin að vinna við áhuga-
málið mitt. Mér finnst ekki síður frá-
bært að börnin mín tvö hafa líka mik-
inn áhuga á þessu, oft þegar við erum
að spila eða njótum gæðastunda
heima þá prófum við okkur áfram og
þá er það eitthvað sem ég get svo
yfirfært á vinnuna mína.“
Hlín segist hafa farið í sálfræði-
námið á sínum tíma af því hún hafði
áhuga á mannlegum samskiptum.
„Ég hef gaman af því að fræðast
um hegðunarvandamál og hvernig
hægt er að koma til móts við börn
sem eiga í hegðunarvanda, eru kvíðin
eða þurfa að kljást við eitthvað annað
sem hamlar þeim. Á lokaárinu mínu í
sálfræðinni fór ég í námssálfræði og
þá fann ég að þetta væri fyrir mig. Ég
man eftir augnablikinu þegar ég
hugsaði: Ég ætla að verða kennari,“
segir Hlín sem bætti svo við sig
meistaragráðu í uppeldis- og mennt-
unarfræðum og fékk í framhaldinu
vinnuna í Norðlingaskóla. „Það stóð
ekki til að ég kenndi yngstu börnun-
um, en örlögin höguðu því þannig og
ég er þakklát þeim.“
Heppin að
vinna við
áhugamálið
Henni finnst gaman að finna nýjar áhugaverðar leið-
ir fyrir fjöruga krakka til að meðtaka námsefni. Hlín
Magnúsdóttir er sérkennari í Norðlingaskóla en hún
fékk á dögunum Hvatningarverðlaun Öryrkjabanda-
lags Íslands. Námsefni hennar er ætlað börnum með
greiningar, hegðunarvanda og lestrarerfiðleika.
Móðir Hlín með börnin sín Anítu Björk og Hlyn Lár.Ljósmynd/ÖBÍ
Stór stund Hlín tekur hér við Hvatningarverðlaunum Öryrkjabandalags Íslands 2017.
Lopapeysur og stafsetningarvillur
Peysan þurfti að
vera fljótprjónuð
Hanna Raðar húfum með stafsetningarvillum.
sýningarinnar er Auður Ösp Guðmundsdóttir.
Sýningin er farandsýning og er samstarfsverk-
efni Hönnunarsafns Íslands, Heimilisiðnaðar-
safnsins og Gljúfrasteins.
Hönnunarsafn Íslands er til húsa á Garða-
torgi 1 í Garðabæ og er opið kl. 12-17 alla daga
nema mánudaga.
þurfti að vera fljótprjónuð. Íslenskar prjónakon-
ur hafa haft veg og vanda af þessari þróun.
Þjálfun og reynsla, formskynjun í munsturgerð,
næmi fyrir litum og litasamsetningum ásamt
ánægjunni af því að prjóna hefur verið undir-
staða í hönnun lopapeysunnar. Sýningin byggist
á rannsókn Ásdísar Jóelsdóttur og hönnuður
Boðið verður upp á kakó og kringlur, lopapeysur
og stafsetningarvillur í Hönnunarsafni Íslands í
Garðabæ á morgun, fimmtudag 14. des. kl. 16, í
tilefni þess að þá verða opnaðar tvær sýningar.
„Ðyslextwhere“ er lifandi sölusýning þar sem
vöruhönnuðurinn Hanna Jónsdóttir hefur kom-
ið sér upp aðstöðu í anddyri safnsins og vinnur
þar næstu vikurnar að verkefninu Ðyslextwh-
ere. Verkefnið er samstarfsverkefni Hönnu og
Ingrid Brandth frá Noregi. Þær hafa framleitt
og selt handprjónaðar húfur frá 2008. Það sem
einkennir húfurnar er texti með stafsetningar-
villum.
Íslenska lopapeysan – uppruni, saga og
hönnun, er yfirskrift hinnar sýningarinnar sem
opnuð verður á morgun. Íslenska lopapeysan
þróaðist frá því að vera vinnufatnaður sem
nýttist aðallega við erfið útistörf í það að verða
að þjóðlegri minjavöru og vinsælli tískuvöru.
Þannig endurspeglar peysan lífshætti og sögu
þjóðar. Engin ein prjónakona „hannaði“ peys-
una heldur hefur útlit hennar og gerð tengst
mörgum áhrifavöldum og ekki síst því að hún