Morgunblaðið - 13.12.2017, Page 33

MENNING 33
MORGUNBLAÐIÐ MIÐVIKUDAGUR 13. DESEMBER 2017
Hátíð nefnast jólatónleikar Hildu
Örvarsdóttur sem haldnir verða
annað árið í röð í Akureyrar-
kirkju í kvöld kl. 20. Tónleikarnir
heita eftir samnefndum geisla-
diski Hildu sem kom út fyrir síð-
ustu jól og hefur að geyma bæði
vel þekkt jólalög og önnur minna
þekkt frá Norðurlöndunum og
sum með nýjum íslenskum textum
eftir Sigurð Ingólfsson. „Hljóð-
heimur jólalaganna á þessum
geisladiski sameinar heillandi
heim kvikmyndatónlistarinnar og
þjóðlagatónlistar og útkoman er
einlæg og töfrandi með skínandi
gleði, rétt eins og jólin sjálf,“
segir í tilkynningu.
Á tónleikunum koma fram með
Hildu þeir Eyþór Ingi Jónsson,
Daníel Þorsteinsson og Kristján
Edelstein og Atli Örvarsson sér
um að útsetja tónlistina á
töfrandi hátt.
Miðasala fer fram á tix.is og
við innganginn.
Hilda heldur tónleika í Akureyrarkirkju
Hátíð Hilda Örvars heldur jólatónleika í
Akureryrarkirkju í kvöld, annað árið í röð.
Yfir Jóhönnu Jóhannsdóttur,Jógu eins og hún er alltafkölluð, hefur lengi veriðákveðinn leyndardómur.
Fyrst man undirrituð eftir henni
þegar flökkusagnaleg tíðindi bárust
af því að tónlistarkonan Björk Guð-
mundsdóttir nyti andlegrar leið-
sagnar og styrks íslenskrar konu
sem starfaði sem nuddari. Sökum
þess að Jóga sjálf
hefur forðast
sviðsljósið voru
þessar sögur
sveipaðar dulúð:
var hún raun-
verulega til? Árið
2007 söng Björk
um Jógu í lagi
nefndu eftir
henni, línur á
borð við: „Hver taug sem finnur til,
hana græðirðu.“
Tíminn leið og maður frétti af
fleirum sem sögðu hana hafa bjargað
sér. Jóga lenti þó skyndilega í þannig
stöðu, sem eiginkona borgarstjóra,
að það var óhjákvæmilegt annað en
hún yrði sýnilegri út á við. Enn hélt
hún sér þó til hlés og kom ekki fram í
viðtölum.
Nú hefur eiginmaður hennar, Jón
Gnarr, skrifað bók um æsku, upp-
vöxt og sérstæða lífsreynslu Jógu
þegar hún var ung kona sem ber
heitið Þúsund kossar. Undirrituð er
viss um að það vinnur með Jógu að
marga hefur langað að kynnast þess-
ari hálfgerðu goðsögn.
Uppdrættir höfundar af stökum
atvikum úr lífi barnsins og unglings-
ins Jógu í Kópavogi eru mjög skýrir
og myndrænir. Bæði eru sögurnar
sjálfar grípandi og skemmtilegar og
draga vel fram persónuleika hennar,
sem er uppátækjasamur, græsku-
laus og jákvæður. Stundum þótti
manni eins og höfundur hefði getað
tekið dýpri spor þar, hann tipli of
léttstígur í fallegum nýföllnum snjó í
stað þess að stíga ofan í meira slabb.
Gráu fletina vanti. Eftir á að hyggja
finnst manni þó sú frásögn í stíl við
karakterinn, Jóga er léttfætt, sólar-
megin og fáir skuggar fylgja henni.
Svona að minnsta kosti þar til
ósköp dynja yfir eftir að hún er kom-
in til Bandaríkjanna sem au-pair og
eru vendipunktur sögunnar.
Þúsund kossar heldur vel og skipt-
ir þá ekki máli hvort til umfjöllunar
er áhyggjuleysi unglingsáranna eða
yfirmáta dramatískir atburðir í
Bandaríkjunum. Jón er mjög lunk-
inn penni og sögumaður og hefur
djúpan skilning á hárfínum tilbrigð-
um frásagnar. Skilar mýkt textans
þegar við á af einstöku næmi, getur
verið blátt áfram hversdagslegur og
sýnir svo einstaka snerpu þegar
hann fyrirvaralaust neglir lesandann
niður í mitt hræðilegt bílslys.
Fyrst og fremst nýtur Jón þess að
þyngja hvergi textann um of með
óþarfa og eins og í fyrri bókum hans
hefur textinn eitthvert óútskýrt að-
dráttarafl, eins og manneskjan með
x-faktorinn.
Áttundi og níundi áratugurinn eru
vel stílíseraðir inn í frásögnina án
þess að rembst sé við að troða leik-
munum inn á sviðið til að undirstrika
tíðarandann. Á köflum finnst manni
frásögnina þó vanta fleiri tóna. Hún
flæðir vel en það væri spennandi að
sjá Jón bregða á meiri leik og til-
raunamennsku í frásagnarlistinni
þar sem vald hans yfir pennanum er
mikið.
Án þess að láta of mikið uppi um
söguþráðinn verður hin lífsglaða og
jákvæða Jóga fyrir miklum skelli í
lífinu, ekki aðeins vegna slyssins
sjálfs heldur þess sem á eftir kemur
og er enn annað sjokk fyrir lesand-
ann. Það er ekki síst hvernig Jóga
mætir þeim örlögum sem er einstakt
og lyftir manns eigin pælingum um
fyrirgefningu og lífsviðhorf í nýjar
hæðir.
Einstök viðhorf Jógu
Skáldsaga
Þúsund kossar bbbmn
Eftir Jón Gnarr.
Mál og menning 2017. 283 blaðsíður.
JÚLÍA MARGRÉT
ALEXANDERSDÓTTIR
BÆKUR
Ljósmynd/Ásta Kristjánsdóttir
Lunkinn „Jón er mjög lunkinn penni og sögumaður og hefur djúpan skiln-
ing á hárfínum tilbrigðum frásagnar,“ segir í rýni um bók Jóns Gnarrs.
Star Wars: Episode VIII
– The Last Jedi
Jólamynd ársins er án efa áttundi
kafli hins gríðarvinsæla Stjörnu-
stríðs-bálks sem hófst árið 1977
með sígildri kvikmynd George Lu-
cas, Star Wars: Episode IV – A New
Hope og hefjast forsýningar á
henni í dag. Í myndinni segir, líkt
og í þeirri síðustu, af hinni ungu
kvenhetju Rey, sem tók í síðustu
mynd sín fyrstu skref í átt að því
að verða jedi-riddari. Hún heldur
nú á vit ævintýra með Loga geim-
gengli, Lilju prinsessu og hinum
dyggu andspyrnumönnum Poe og
Finn og eiga þau eftir að uppgötva
leyndardóm kraftsins og fortíð
sem var þeim hulin, eins og segir í
tímaritinu Bíómyndum mánaðar-
ins. Þar segir einnig að sagan sé
sögð taka mjög óvænta stefnu sem
eigi eftir að koma jafnvel hörðustu
aðdáendum á óvart. Þá bíða aðdá-
endur eflaust í ofvæni eftir því að
fá að vita hver síðasti jedi-riddar-
inn er, sem titill kvikmyndarinnar
vísar til.
Leikstjóri myndarinnar er Rian
Johnson og leikarar í helstu hlut-
verkum eru Daisy Ridley, John
Boyega, Mark Hamill, Adam Dri-
ver, Oscar Isaac, Domhnall Glee-
son, Andy Serkis og Carrie Fisher.
Þar sem kvikmyndin verður frum-
sýnd um allan heim í vikunni hafa
engir dómar verið birtir um hana
enn.
Bíófrumsýningar
Geimævintýri Rey og Logi í nýjustu Stjörnustríðsmyndinni.
Áttundi kafli Stjörnustríðs
SÝND KL. 10.30SÝND KL. 5.30, 8
FORSÝND KL. 8 SÝND KL. 8, 10.25
Miðasala og nánari upplýsingar
5%
„Drepfyndinn harmleikur, sem
er svo skemmtilegur að þú getur
ekki litið undan.“
INDIEWIRE
Svört kómedía byggð á ótrúlegum sönnum
atburðum um skautadrottinguna Tonyu Harding.
EIN AF BESTU MYNDUM ÞESSA ÁRS
SÝND KL. 5.30SÝND KL. 6
DUXIANA Reykjavik | Ármuli 10 | Reykjavik | +354 5 68 99 50 | www.duxiana.is
GÆÐI OG ÞÆGINDI
SÍÐAN 1926
DUX 1001 - VÍÐÞEKKT ÞÆGINDI
Byggt á fyrsta DUX rúminu sem var framleitt árið 1926, þetta er sannarlega það sem draumar eru byggðir á.
ICQC 2018-20