Morgunblaðið - 10.01.2018, Blaðsíða 2
2 FRÉTTIRInnlent
MORGUNBLAÐIÐ MIÐVIKUDAGUR 10. JANÚAR 2018
Renndu við hjá okkur
í Tangarhöfða 13
FAI varahlutir
Ódýrari kostur í varahlutum!
stýrishlutir
hafa verið leiðandi í yfir 10 ár.
Framleiddir undir ströngu
eftirliti til samræmis
við OE gæði.
Sími 577 1313
kistufell.com
TANGARHÖFÐA 13
VÉLAVERKSTÆÐIÐ
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Agnes Bragadóttir
agnes@mbl.is
Eyþór Laxdal Arnalds verður meðal
þátttakenda í leiðtogaprófkjöri Sjálf-
stæðisflokksins í Reykjavík 27. jan-
úar næstkomandi. Hann greindi frá
framboði sínu á Facebook-síðu sinni
síðdegis í gær. Áður höfðu borgarfull-
trúarnir Áslaug Friðriksdóttir og
Kjartan Magnússon tilkynnt fram-
boð. Frestur til þess að tilkynna þátt-
töku í leiðtogakjörinu rennur út
klukkan fjögur í dag þannig að ekki er
útilokað að fleiri bætist í hópinn.
Morgunblaðið hefur heimildir fyrir
því að líklegt sé að Vala Pálsdóttir,
formaður Landssambands sjálfstæð-
iskvenna, gefi kost á sér.
Í yfirlýsingu Eyþórs Arnalds í gær
segir: „Það er erfitt fyrir ungt fólk að
eignast fyrstu íbúð í Reykjavík.
Framboð á húsnæði er takmarkað og
þess vegna er verðið hátt. Þétting
byggðar á einstökum reitum hefur í
raun skilað sér í hærra verði og
dreifðari byggð á höfuðborgarsvæð-
inu. Raunfjölgun íbúða er lítil sem
engin þegar tekið er tillit til útleigu til
ferðamanna. Lestrarkunnáttu barna
hefur hrakað í grunnskólum sam-
kvæmt nýlegum rannsóknum. Reyk-
vísk börn eiga betra skilið. Reykjavík
er í miklum vanda í samgöngumálum
og dýrar lausnir eins og borgarlína
munu auka á vandann með enn meiri
þrengslum í gatnakerfinu. Reykjavík
á að vera í fararbroddi í nútímalegum
samgöngum en festast ekki í dýrum
og þunglamalegum lausnum. Þreng-
ingarnar hafa nú þegar búið til krans-
æðastíflu í gatnakerfi borgarinnar.
Stjórnkerfið hefur stækkað mikið og
er dýrt í rekstri. Auk þess er flóknara
en áður fyrir íbúa að fá lausn sinna
mála. Það er því tækifæri að gera bet-
ur og breyta um stefnu í borgar-
stjórnarkosningunum næsta vor.“
Gagnrýna fyrirkomulag
Nokkur óánægja er meðal sjálf-
stæðisfólks með fyrirkomulag við val
á framboðslistann og leiðtogapróf-
kjörið. „Það er alls ekki áhugaleysi
sjálfstæðisfólks í Reykjavík á borgar-
málum sem er skýringin á dræmri
þátttöku í leiðtogakjörinu heldur fyr-
irkomulagið á kjörinu,“ sagði sjálf-
stæðiskona í Reykjavík í gær. Hún
benti á að öll þau sem hefðu verið
nefnd til sögunnar sem hugsanlegir
frambjóðendur en hefðu ákveðið að
vera ekki með hefðu samkvæmt
hennar upplýsingum sagt að þau
væru mjög ósátt við að einungis ætti
að velja leiðtoga en uppstillingar-
nefnd sæi svo um að raða á framboðs-
listana.
„Mér finnst þetta fyrirkomulag ein-
faldlega ekki ganga upp. Ég veit um
fullt af mjög frambærilegum kandí-
dötum sem hefðu verið tilbúnir að
taka þátt í leiðtogakjörinu til þess að
fá mælingu á sig ef fyrirkomulagið
hefði verið annað. Þeir sætta sig ein-
faldlega ekki við að taka þátt í kjörinu
þar sem einungis er valinn leiðtogi
borgarstjórnarflokksins en engin
trygging er fyrir því að þeir sem ekki
verða í efsta sæti í kjörinu verði á list-
anum hjá uppstillingarnefndinni,“
sagði sjálfstæðismaður í áratugi.
„Reyndar finnst manni erfitt að trúa
því að fulltrúaráðið í Reykjavík ráði
ekki við það að finna frambærileg leið-
togaefni, karla og konur, til þess að
taka þátt í leiðtogakjörinu, en sú virð-
ist því miður vera raunin,“ sagði ann-
ar sjálfstæðismaður.
Eyþór Arnalds staðfestir þátttöku
Þrjú hafa tilkynnt framboð í leiðtogaprófkjöri Eyþór segir borgarlínu auka samgönguvandann
Áslaug
Friðriksdóttir
Kjartan
Magnússon
Eyþór
Arnalds
Vala
Pálsdóttir
„Við horfum beint út um eldhús-
gluggann og sjáum bara eldhaf,“ seg-
ir Halldór Hrannar Halldórsson, íbúi
í Mosfellsbæ, sem hringdi strax í
Neyðarlínuna þegar hann sá hús ná-
granna sinna brenna í fyrrinótt.
„Ég var bara inni herbergi og fann
einhverja brunalykt og hélt fyrst að
það væri að fara eitthvert rafmagns-
drasl inni hjá mér. Svo byrja ég að
þefa í kringum mig og þá kemur lykt-
in að utan og ég hélt að einhver væri
að sprengja flugelda, en svo heyri ég
öskur frammi í foreldrum mínum og
kíki út um eldhúsgluggann hjá okkur
og sé eld koma úr litlum glugga og að-
eins úr útidyrahurðinni. Húsið fuðr-
aði upp á nokkrum sekúndum.“
Tveir eldsvoðar á 20 mínútum
Tilkynnt var um tvo eldsvoða í
fyrrinótt. Annars vegar í fjölbýlishúsi
í Bláhömrum í Grafarvogi um kl. hálf-
þrjú. Þar hafði kviknað í íbúð á fjórðu
hæð hússins og var fjöldi fólks lok-
aður inni í húsinu. Allt slökkvilið fór á
staðinn og tókst fljótlega að bjarga
manni út úr brennandi íbúðinni. Sá
var fluttur með hraði á sjúkrahús en
maðurinn er í lífshættu. Fjórir til við-
bótar voru fluttir á sjúkrahús vegna
gruns um reykeitrun auk þess sem
tveir fóru á sjúkrahús með einkabíl-
um.
Klukkan 2:52 sömu nótt var hins
vegar tilkynnt um eld í einbýlishúsi
við Bjargsveg í Mosfellsbæ. Þar
höfðu allir fimm íbúarnir komist út úr
brennandi húsinu en þegar slökkvilið-
ið kom á vettvang var ljóst að flytja
þurfti alla á sjúkrahús vegna gruns
um reykeitrun og fólkið hafði einnig
skorist við að brjóta sér leið út úr
brennandi húsinu.
Að sögn varðstjóra vaknaði fólkið
við reykskynjara og ljóst er að hann
hefur bjargað lífi íbúanna í húsinu. Í
hvorugum brunanum er enn vitað um
eldsupptök.
Einn í lífshættu og
fjölskylda missti allt
Morgunblaðið/Hanna
Brunarústir Fimm manns sluppu þegar einbýlishús í Mosfellsbæ brann til kaldra kola á örskömmum tíma.
Ljósmynd/Árni Árnason
Eldsvoði í Grafarvogi Einn maður sem var í íbúðinni er á gjörgæslu.
Einbýlishús
brann til ösku og
eldsvoði í íbúð
Hurð skall nærri hælum í gærmorg-
un þegar tveir björgunarsveitar-
menn frá Hjálparsveit skáta í Kópa-
vogi reyndu að festa niður heitan
pott á 13. og efstu hæð fjölbýlishúss í
efri byggðum Kópavogs.
Í viðtali við mbl.is sagði Magnús
Hákonarson, annar af björgunar-
sveitarmönnunum, að litlu hefði
munað að þeir færu með pottinum
niður þrettán hæðir. Potturinn
splundraðist þegar hann lenti í sand-
kassa á lóð leikskólans Kórs.
Í dag er spáð hæglætisveðri fram
á seinnipartinn á morgun en þá má
búast við svipuðu veðri og var í gær,
að sögn Þorsteins Jónssonar, veður-
fræðings á Veðurstofu Íslands.
Búast má við að veðrið verði verst
á suðvestanverðu landinu og að það
gangi niður aðfaranótt föstudags.
Þorsteinn hvetur landsmenn til þess
að undirbúa sig fyrir veðrið, tjóðra
niður lausa hluti og koma þannig í
veg fyrir að pottar, trampólín og
ruslatunnur valdi tjóni. ge@mbl.is
Morgunblaðið/Hanna
Óveður Lítið var eftir af pottinum eftir flugferð af 13. hæð í rokinu í gær.
Fljúgandi pottur
Nauðsynlegt að festa niður lausa
hluti Önnur lægð á fimmtudaginn