Morgunblaðið - 10.01.2018, Blaðsíða 22

22 MINNINGAR
MORGUNBLAÐIÐ MIÐVIKUDAGUR 10. JANÚAR 2018
✝ Gunnar Gunn-arsson auglýs-
ingateiknari fædd-
ist á Skeggja-
stöðum í Mosfells-
sveit 2. ágúst 1945.
Hann lést á líknar-
deild Landspítalans
í Kópavogi 23.
desember 2017.
Foreldrar hans
voru Signý Sveins-
dóttir, f. 14. febr-
úar 1918, d. 29. janúar 2005, og
Gunnar Gunnarsson listmálari,
f. 28. maí 1914, d. 13. maí 1977.
Gunnar átti tvær systur, þær
Franziscu, f. 9. júlí 1942, d. 3.
mars 2004, og Katrínu Selju, f.
25. ágúst 1949.
Gunnar á tvær
dætur, Ýri Mar-
gréti, f. 1. desem-
ber 1970, sambýlis-
maður hennar er
Wouter van Wagt-
endonk, f. 26. mars
1980, og Signýju, f.
15. september
1976, gift Sveini
Benedikt Rögn-
valdssyni, f. 12.
febrúar 1974. Börn þeirra eru
Regína Sjöfn, f. 6. janúar 2003,
og Gunnar Hrafn, f. 14. júlí
2006.
Útför Gunnars fór fram í
kyrrþey að ósk hins látna.
Elsku pabbi minn. Þú varst
góður, hlýr, erfiður, glaumgosi,
einfari, ævintýragjarn, heima-
kær, hraðafíkill, dundari, lista-
maður, listasmiður, teiknari,
skraddari, orðheppinn, húmor-
isti, þrjóskur, svarthvítur, gjaf-
mildur, kokkur, hrókur alls
fagnaðar, einmana, einlægur,
pirrandi, jeppakarl, gröfukarl,
sögumaður, tilfinningaríkur,
draumóramaður og fyrst og
síðast allra besti afinn. Þú elsk-
aðir og þú varst elskaður.
Þín verður saknað, alltaf.
Signý Gunnarsdóttir.
Okkur langar að minnast
Gunnars Gunnarssonar með
nokkrum línum.
Fjölskyldur okkar tengdust
þegar sonur okkar kvæntist
Signýju dóttur hans.
Framan af starfsævinni vann
Gunnar við auglýsingagerð í
eigin fyrirtæki, en síðustu árin
áður en hann fór á eftirlaun
vann hann sem vinnuvélastjóri.
Sem ungur maður vann hann á
skurðgröfu við að grafa fram-
ræsluskurði fyrir bændur og
ræktunarsambönd á Vestfjörð-
um og hélt þá oft til hjá föður-
bróður sínum Úlfi Gunnarssyni
lækni á Ísafirði.
Gunnar var eftirsóttur gröfu-
stjóri, en það hef ég fyrir satt,
að þar sem flestir notuðu GPS-
tæki á vinnuvélum til að fá
dýptina sem nákvæmasta, þá
þurfti Gunnar ekkert á því að
halda, það var innbyggt í hann.
Það má með sanni segja að
allt hafi leikið í höndunum á
honum, sem dæmi þá saumaði
hann marga kjóla og dragtir á
Signýju dóttur sína, glæsileg-
astur var þó brúðarkjóllinn sem
hann saumaði á Signýju.
Það minnir okkur á að tveim-
ur dögum fyrir brúðkaupið
hringir hann í tilvonandi
tengdamóður dóttur sinnar og
spyr hana hvort hún vilji ekki
líta á brúðarkjólinn sem „gröfu-
kallinn“ hafi verið að sauma.
Sama dag komu þau feðginin
með kjólinn og tengdamóðirin
sagðist ekki hafa augum litið
glæsilegri brúðarkjól.
Eftir hann liggja margir
smíðisgripir, t.a.m. vagga sem
hann smíðaði fyrir dótturdóttur
sína, en hann fékk aðstöðu til
verksins á trésmíðaverkstæði
Sveins tengdaföður míns en
hann var húsgagnasmíðameist-
ari. Sveinn átti ekki orð yfir
hvílík listasmíð þessi vagga
væri. Gunnar var ekki aðeins
listasmiður heldur var hann
frábær teiknari og málari.
Síðustu æviárin bjó hann svo
í sama húsi og dóttir hans og
hennar fjölskylda og var eins
og hann kallaði það „atvinnu-
afi“. Þær voru ófáar ferðirnar
með barnabörnin ýmist í skól-
ann, tónlistarskólann, íþrótta-
æfingar o.fl.
Ekki má heldur gleyma því
sem var líf hans og yndi á árum
áður, þ.e. sportsiglingar, en
hann átti í mörg ár hraðskreið-
asta bát sem sést hafði hér við
land, en hann hafði unun af
kraftmiklum farartækjum.
Hans verður sárt saknað og
mikill missir fyrir barnabörnin,
sem hann sá ekki sólina fyrir.
Vertu sæll, Gunnar minn, og
þakka þér fyrir allt.
Sjöfn og Rögnvaldur.
Gunnar frændi eða „Frændi“
eins og við krakkarnir í móð-
urætt fjölskyldunnar kölluðum
hann er nú fallinn frá. Með
þessa nafnbót hefði mátt halda
að hann hefði verið eini frænd-
inn í fjölskyldunni, en svo var
þó ekki.
Við litum bara öll upp til
hans og álitum hann hinn eina
sanna „frænda“.
Þau voru þrjú systkinin,
mamma Franzisca, Kata og
Gunnar frændi. Mér lærðist
snemma hversu ótrúlega hæfi-
leikaríkur hann Frændi var.
Það var sama hvort það var
einhvers konar handverk, ritað
orð, ræðulist eða mannlegt at-
gervi; alltaf bar hann af í snilli
sinni og ýtrustu nákvæmni.
Hann var þrautseigur og
byggði meðal annars upp Aug-
lýsingaþjónustu Gunnars Gunn-
arssonar og síðar Auglýsinga-
stofu Gunnars Gunnarssonar
sem um árabil voru stærstu
auglýsingastofur Íslands.
Frændi bar stoltur ættarnafn
fjölskyldunnar, en hann var sá
sjöundi og jafnframt sá síðasti í
beinan karllegg sem hét Gunn-
ar Gunnarsson.
Frændi átti sér mörg áhuga-
mál og var ævintýragjarn.
Hann átti lengi vel hraðskreið-
asta spíttbát landsins, tók þátt í
bátaralli í kringum landið, fór
mikið á skíði og átti vélsleða.
Átti kraftmikla bandaríska bíla,
var mikill húmoristi og þótti á
sínum tíma hverrar konu
sjarmi.
En það var þó sérstaklega
eitt sem átti hug hans og hjarta
og það var dóttir hans Signý
sem hann gat endalaust dáðst
að og elskað. Hann þreyttist
aldrei á að tala um hana og
hennar mál af endalausum
áhuga. Allt vildi hann fyrir
hana gera og gaf henni allt sem
hann gat. Eftir að hún varð
móðir færðist þessi sama ást
yfir til barnanna hennar, Reg-
ínu Sjafnar og Gunnars Hrafns.
Það var um tvítugt sem við
Frændi kynntumst fyrst al-
mennilega og urðum traustir
vinir.
Ég var í framhaldsnámi í
London og hann vann við graf-
íska hönnun fyrir stærstu sjón-
varpsstöðvar Bretlands. Við
frændur leigðum okkur saman
íbúð og nýttum okkar frítíma
mikið saman. Þau voru ófá
skiptin sem við fengum okkur
enskan morgunverð með te-
bolla á hverfisveitingastaðnum,
röltum um London eða fengum
okkur bjórkollu þegar hann
lauk vinnu.
Hin síðustu ár kom Frændi
alltaf til okkar fjölskyldunnar í
kalt borð í hádeginu á jóladag.
Eftir andlát mömmu þótti mér
sú nærvera ávallt mjög kær.
Hann sýndi börnum okkar
Huldu einstakan áhuga og kær-
leika.
Það var endurgoldin vænt-
umþykja. Eins og segir í Fjall-
kirkjunni hans langafa: „Nú er
sá tími liðinn og kemur aldrei
aftur.“
Hvíl í friði elsku Frændi
minn.
Gunnar Björn Gunnarsson
og fjölskylda.
Gunnar
Gunnarsson
✝ Davíð Örn Ív-arsson fæddist
í Reykjavík 16.
ágúst 1985. Hann
varð bráðkvaddur
á heimili sínu í
Reykjavík 24.
desember 2017.
Foreldrar hans eru
Ester Jónsdóttir, f.
1962, og Ívar
Harðarson, f. 1962.
Systir Davíðs sam-
mæðra er Sigrún
Anna Ragnars-
dóttir, f. 1992.
Systkini hans sam-
feðra eru Ívar Örn
Ívarsson, f. 1987,
og Karen Ívars-
dóttir, f. 1992.
Útför Davíðs
Arnar fer fram frá
Grafarvogskirkju í
dag, 10. janúar
2018, klukkan 13.
Jólin eru tími tilhlökkunar
hjá flestum, sérstaklega börn-
unum sem bíða eftir pökkunum.
Þannig var það líka hjá þér þeg-
ar þú varst lítill. Þú varst hálf-
partinn eins og litli bróðir
Magga meðan þið mamma þín
bjugguð í kjallaranum heima í
Vesturbergi. Þú varst alltaf í
góðu skapi og með prakkara-
svip, tilbúinn í sprell ef það átti
við.
En líf þitt var ekki dans á
rósum. Í gegnum tíðina höfum
við horft á þig sýna þrautseigju
við margvísleg verkefni og mót-
læti. Þrátt fyrir mótlætið barstu
hlýju með þér, sýndir þakklæti
og kærleika til fjölskyldunnar.
Ef einhver flutti varst þú mætt-
ur til að mála og það var þá sem
við áttum gott spjall saman um
lífið og tilveruna.
Það var gaman að sjá að þú
vildir vera heilbrigður og
hraustur og þér fannst eðlilegt
að fólk myndi lifa í heila öld. Þú
reyndir að sinna áhugamálun-
um, búa til tónlist, texta og graf-
ík, skreppa í ræktina eða jafnvel
á hjólabretti. Elsku Davíð,
hvernig getur það verið að þú
sért dáinn? Við hugsum um það
og eigum erfitt með að meðtaka
það, hvað þá skilja. Það er svo
sárt að mitt í tilhlökkun og gleði
jólanna varðst þú bráðkvaddur
heima í Árbænum.
Nú hugsum við til þess þegar
við töluðum saman í haust. Það
er svo gott að við ræddum um
Guð. Þér fannst áhugavert
hvernig náttúran getur vitnað
um Guð og það væri ekki hægt
að afskrifa hann.
Núna veitir þessi pæling okk-
ur huggun og við trúum að þú
sért hjá himnaföðurnum.
Þegar ég horfi á himininn, verk handa
þinna,
tunglið og stjörnurnar, sem þú settir
þar,
hvað er þá maðurinn þess að þú
minnist hans,
og mannsins barn að þú vitjir þess?
(Davíðssálmur 8.4-5)
Magnús og Helga.
Davíð Örn
Ívarsson
Frændi minn
Þorleifur Bene-
diktsson er látinn
95 ára að aldri. En
hann var jarðsettur 14. desem-
ber síðastliðinn. Leifur var
næstyngstur fjögurra systkina,
þeirra Bjargar, Jóns og Rögnu.
Þessi frændsystkini föður míns
eru nú öll látin og mig langar að
minnast þeirra í örfáum orðum.
Ég man að sem barni fannst
mér stórmerkilegt að eiga
frændfólk þarna fyrir austan á
Höfn. Þær systur Björg og
Ragna komu stundum í heim-
sókn á Túngötuna til ömmu en
bræðurna hitti ég fyrst þegar
ég heimsótti þau systkini þegar
ég var níu ára gömul á ferð um
Suðursveit og Höfn með Lilju
ömmu minni. Löngu síðar fékk
ég tækifæri til að dvelja hjá
þeim systkinum í heilar þrjár
vikur. Þau voru þá öll komin vel
á áttræðisaldur en furðulega
ern. Í minningunni var húsið við
Garðsbrún, þar sem þau systk-
ini bjuggu, verulega bjart. Mér
finnst alltaf hafa verið gott veð-
ur og sól þegar ég hugsa til
baka. Þar var gott að vera.
Þegar Leifur var fluttur á
Víkurbraut og þau Jón og Björg
Þorleifur
Benediktsson
✝ ÞorleifurBenediktsson
fæddist 19. maí
1922. Hann lést 2.
desember 2017.
Útför Þorleifs
fór fram 14. desem-
ber 2017.
líka, komum við
Þórhildur dóttir
mín í heimsókn og
fengum að gista í
sólstofunni. Það
var eins og við
manninn mælt,
Leifur vildi endi-
lega keyra okkur
um sveitir og sýna
okkur merkilega
staði enda höfðingi
heim að sækja.
Hann var einstaklega ljúfur og
barngóður. Þau skipti sem ég
kom austur með dóttur minni
eða manni mínum þá gaf Leifur
sér alltaf tíma til að sinna gest-
um sínum. Fyrst var drukkið
kaffi og því næst gengið um ná-
grennið og önnur skyldmenni
heimsótt.
Ég hefði gjarnan viljað
þekkja Leif og systkini hans
enn betur. Þau voru mér af-
skaplega góð. Þau voru heil-
steypt og nægjusöm og ég
skynjaði mikla væntumþykju í
garð föður míns og fjölskyld-
unnar á Túngötu í Reykjavík.
Fyrir hönd hennar þakka ég
fyrir.
Guð blessi minningu Leifs
frænda míns.
Deyr fé,
deyja frændur,
deyr sjálfur ið sama;
en orðstír
deyr aldregi,
hveim er sér góðan getur.
(Úr Hávamálum)
Ingibjörg Þórisdóttir.
Ástkær móðir okkar, tengdamóðir, amma
og langamma,
GUÐRÚN KRISTÓFERSDÓTTIR,
Hraunbúðum, Vestmannaeyjum,
lést sunnudaginn 7. janúar á Hraunbúðum,
dvalarheimili aldraðra í Vestmannaeyjum.
Útför hennar fer fram frá Landakirkju í Vestmannaeyjum
laugardaginn 13. janúar klukkan 14.
Blóm og kransar vinsamlegast afþakkað en þeim sem vilja
minnast hennar er bent á Hraunbúðir.
Sigmar Magnússon Dóra Bergs Sigmundsdóttir
Kristín Þóra Magnúsdóttir Einar Jónsson
Jónína Sigurbjörg Magnúsd. Rúnar Sigurður Þórisson
Bjarney Magnúsdóttir Hörður Baldvinsson
barnabörn, barnabarnabörn
og barnabarnabarnabarn
Ástkær eiginmaður minn, faðir, tengdafaðir,
afi og langafi,
ÁSGEIR LÁRUSSON,
Hlíðargötu 4,
Tungu, Neskaupstað,
lést á Fjórðungssjúkrahúsinu í Neskaupstað
fimmtudaginn 4. janúar.
Útförin fer fram frá Norðfjarðarkirkju föstudaginn 12. janúar
klukkan 14. Þeim sem vilja minnast hans er bent á
Hollvinasamtök Fjórðungssjúkrahússins í Neskaupstað.
Unnur Bjarnadóttir
Heimir Ásgeirsson Freyja Theresa Ásgeirsson
Sveinn Ásgeirsson Hólmfríður Th. Brynjólfsdóttir
barnabörn og langafabörn
Elskulegur faðir okkar, tengdafaðir, afi
og langafi,
ÓLAFUR SIGURÞÓRSSON,
Króktúni 18, Hvolsvelli,
andaðist á heimili sínu 4. janúar.
Hann verður jarðsunginn frá Stóra-Dals-
kirkju laugardaginn 20. janúar klukkan 14.
Ágúst Þ. Ólafsson Þórunn Harðardóttir
Anný S. Ólafsdóttir Robert Lorenz
Sigríður L. Ólafsdóttir Benedikt Sveinbjörnsson
Vigdís H. Ólafsdóttir
Ólafur E. Ólafsson Hrund Guðmundsdóttir
Anný H. Hermansen Kolbeinn Hreinsson
Sveinbjörn, Sigurður, Benedikt, Kristján,
Auður, Díana, Sandra, Ísabella, Sindri,
Kolbeinn, Kristín og Benedikt Leví
Ástkær móðir okkar, stjúpmóðir,
tengdamóðir, amma og langamma,
LAUFEY SIGURÐARDÓTTIR
frá Ingjaldsstöðum,
Smyrlahrauni 8,
Hafnarfirði,
lést á Landspítalanum miðvikudaginn
3. janúar. Jarðsungið verður frá Fríkirkjunni í Hafnarfirði
miðvikudaginn 17. janúar klukkan 13.
Elín Kristín Björnsdóttir Benedikt Benediktsson
Óskar Sigurður Björnsson Guðný Karolína Axelsdóttir
Kristrún Sigurjónsdóttir Gunnar Þór Víglundsson
Gunnar Berg Sigurjónsson Sesselja Ólafsdóttir
barnabörn og barnabarnabörn
Ástkær faðir minn, tengdafaðir og afi,
MAGNÚS ÁGÚSTSSON,
útgerðarmaður,
Hafnargötu 9, Vogum,
lést fimmtudaginn 4. janúar.
Útförin fer fram frá Kálfatjarnarkirkju á
Vatnleysuströnd fimmtudaginn 18. janúar klukkan 14.
Árni Kl. Magnússon Brynhildur Hafsteinsdóttir
Magnús Árnason
Þórarinn Halldór Árnason
Valdimar Kristinn Árnason
Hallveig Sigríður Árnadóttir
Þóra Árnadóttir
Hafsteinn Árnason