Morgunblaðið - 10.01.2018, Blaðsíða 4

4 FRÉTTIRInnlent
MORGUNBLAÐIÐ MIÐVIKUDAGUR 10. JANÚAR 2018
Sími 775 1832 | Happie furniture - húsgögn
Sérsmíðuð húsgögn
fyrir heimili og fyrirtæki
Happie furniture
Draumasmíði
Ingveldur Geirsdóttir
ingveldur@mbl.is
Fækkað hefur á biðlistum eftir að-
gerðum á Landspítalanum um 1.333
einstaklinga frá 15. janúar 2017 og
fram til 8. janúar 2018. Það er 24%
fækkun á milli ára. Enn bíða þó 4.169
eftir að komast í aðgerð á spítalanum
og 1.782 þeirra hafa beðið lengur en í
þrjá mánuði.
Fækkunina á biðlistunum má aðal-
lega þakka skipulögðu átaki sem
hrundið var af stað 2016 til að stytta
bið sjúklinga eftir tilteknum brýnum
aðgerðum eins og liðskiptum, hjarta-
þræðingum og augasteinsaðgerðum.
Stjórnvöld ákváðu að verja 1663 m.kr.
til biðlistaátaksins frá 2016-2018 og er
markmiðið að að átakinu loknu verði
hámarksbið eftir aðgerð ekki lengri
en 90 dagar. Páll Matthíasson, for-
stjóri Landspítala, segir að spítalinn
vilji ná því markmiði, það sé ekki
ásættanlegt að fólk bíði of lengi.
„Biðlistaátakið var sett upp í fjór-
um og síðar fimm aðgerðaflokkum og
þar miðað við hvaða biðlistar hefðu
lengst mest í verkföllum áranna 2014-
2015. Það eru hins vegar aðrar að-
gerðir sem einnig eru of langir biðlist-
ar eftir, fyrst og fremst vegna auk-
innar eftirspurnar með fjölgun og
hækkandi aldri þjóðarinnar. Þeir bið-
listar eru ekki hluti af átakinu, en það
er ekki síður mikilvægt að bæta í þar
og höfum við reynt að gera það eftir
megni. Skortur á aðstöðu og mann-
skap takmarkar þá sókn hins vegar,“
segir Páll.
Slys á ferðamönnum hafa áhrif
Biðlistar í nokkrar aðgerðir lengd-
ust á síðasta ári. Páll segir það ekki
vera á kostnað biðlistaátaksins sem
beinist að öðrum aðgerðum. „Í samn-
ingum vegna biðlistaátaksins var
gerð sérstök krafa um að það myndi
ekki koma niður á öðrum aðgerðum
og þess hefur verið gætt. Bið í þessar
aðgerðir hefur aukist fyrst og fremst
vegna vaxandi eftirspurnar tengdrar
fjölgun og öldrun þjóðarinnar og
aukningar alvarlegra slysa erlendra
ferðamanna, sem þurfa skurðstofu-
og legurými.“
Eitt ár er eftir af biðlistaátakinu.
Spurður hvort hann sjái fyrir sér að
biðtími í aðgerðir verði þá orðinn að
hámarki þrír mánuðir svarar Páll að
stefnt sé að því að fólk bíði sem styst.
„Geta Landspítala til að vinna á
biðlistum og svara eftirspurn eftir
þjónustu er háð ýmsum breytum sem
við höfum ekki fulla stjórn yfir, svo
sem fjármagni, mönnun og fráflæði.
Við forgangsröðum þannig að þeir
veikustu þurfi að bíða sem skemmst,“
segir Páll og bendir í leiðinni á að
þriggja mánaða markmiðið hafi þegar
náðst varðandi augasteinsaðgerðir og
vel hafi miðað í liðskiptaaðgerðum.
Bið í ákveðnar aðgerðir styttist
 Þriggja ára átak til að stytta bið í valdar aðgerðir á Landspítalanum er farið að skila árangri
 Bið í aðrar aðgerðir hefur lengst vegna fjölgunar og öldrunar þjóðarinnar að sögn forstjóra spítalans
Fjöldi á biðlistum á Landspítalanum
Heildarfjöldi á biðlistum Hafa beðið lengur en 3 mán.
2017 2018 Breyting
milli ára
2017 2018 Breyting
milli ára15. jan. 8. jan. 15. jan. 8. jan.
Hjartadeild 769 639 -17% 484 389 -20%
Öldrunarlækningadeildir 106 107 1% 12 28 -
Almennar skurðlækningar 473 451 -5% 205 130 -37%
Augnlækningar 1.833 780 -57% 1.274 168 -87%
Brjóstholsskurðlækningar 158 92 -42% 115 46 -60%
Bæklunarlækningar 984 852 -13% 660 477 -28%
Háls-, nef- og eyrnalækningar 201 290 44% 95 127 34%
Heila- og taugaskurðlækningar 68 73 7% 8 17 -
Lýtalækningar 217 289 33% 145 188 30%
Þvagfæraskurðlækningar 165 169 2% 59 68 15%
Æðaskurðlækningar 21 18 -14% 5 0 -
Kvenskurðlækningar 507 409 -19% 344 144 -58%
Alls 5.502 4.169 -24% 3.406 1.782 -48%
Heimild: Landspítalinn
Höskuldur Daði Magnússon
hdm@mbl.is
„Þarna er víða hallað réttu máli og
farið á svig við sannleikann. Jósep
velur að rógbera samstarfsfólk sitt
með þessum hætti, fólk sem ég þekki
að góðu einu. Hann má níðast á mér
sem hann vill og það er eðlilegt að
spjót berist að yfirmönnum en ég er
auðvitað farinn úr þessu starfi og
veit ekki af hverju hann beinir spjót-
um núna að mér,“ segir Guðjón S.
Brjánsson, alþingismaður og fyrr-
verandi forstjóri Heilbrigðisstofnun-
ar Vesturlands (HSV).
Skrif Jóseps Blöndal, fyrrverandi
yfirlæknis sjúkrasviðs HSV í Stykk-
ishólmi, hafa vakið mikla athygli síð-
ustu daga. Jósep lét nýverið af störf-
um eftir 27 ára starf og fjallar um
starfslok sín í pistli á Facebook.
Hann lætur ekki vel af framkomu
stjórnenda við starfsfólk St. Franc-
iskusspítala í Stykkishólmi og kallar
hana einelti.
Jósep gagnrýnir að engin staða
hafi verið auglýst þegar HSV varð til
við sameiningu átta heilbrigðisstofn-
ana árið 2010. Forstjóra heilsugæslu
og Sjúkrahúss Akraness, Guðjóni,
hafi verið „falið að sjá um samein-
inguna sem leiddi til þess, að hver
einasti stjórnandi stofnunarinnar
hefur síðan verið staðsettur á Akra-
nesi“. Jafnframt að allar ákvarðanir
varðandi starfsemi St. Franciskus-
spítala hafi verið teknar einhliða og
án nokkurs samráðs við starfsfólk
spítalans.
„Kannski er rétt að þakka téðum
forstjóra öll fögru fyrirheitin sem
lagt var upp með í upphafi – um
„samráð“, „samvinnu“, „gagn-
kvæma virðingu“, að ekki væri
„meiningin að sópa öllu niður á
Akranes“? Efndirnar hafa engar
verið og reyndar unnið leynt og ljóst
að því að draga tennurnar úr þeirri
stoltu stofnun, St. Franciskusspít-
ala,“ skrifar Jósep og klykkir út með
því að óska Guðjóni Brjánssyni alls
hins besta innan veggja Alþingis.
„Fyrir aðkomu hans að stjórn stofn-
ana Heilbrigðisstofnunar Vestur-
lands í Stykkishólmi kann ég honum
engar þakkir.“
Guðjón sagði við Morgunblaðið að
hann væri ósammála skrifum Jóseps
um sameininguna.
„Þessar stofnanir glímdu við gríð-
arlegan vanda og niðurskurð í starf-
semi vegna samdráttar í fjárveiting-
um. Það var horfin úr rekstrinum
fjórða hver króna og jafnvel meira á
sjúkrasviðum. Mér er til efs að þess-
ar stofnanir hefðu getað mokað sig í
gegnum þennan skafl ef ekki hefði
komið til sameiningar. Ég leyfi mér
til dæmis að segja að háls- og bak-
deildin í Stykkishólmi væri ekki
starfandi í dag í þeirri mynd sem hún
er, engri starfseiningu var hlíft eins
mikið.
Auðvitað var viðkvæmt mál að
sameina víðast hvar og ekki endilega
sátt þar um. Við sem völdumst til að
stjórna lögðum okkur öll fram og ég
var heppinn að ná í úrvalsfólk til að
vinna þetta með mér.“
„Hann er ekki við alþýðuskap“
Guðjón segir að aldrei hafi tekist
að eiga samstarf við Jósep. „Hann
kann ekki að eiga samstarf við annað
fólk. Samstarf byggist á skoðana-
skiptum, að menn velti ýmsum val-
kostum fram og til baka og leiti að
niðurstöðu. Það tókst okkur aldrei
með þessum einstaklingi. Hann hefði
getað valið að bera klæði á vopnin og
ná sáttum, allri stofnuninni til heilla.
Jósep er mjög sérstakur maður.
Hann er ekki við alþýðuskap. Honum
er þó margt til lista lagt og hefur gert
marga og ágæta hluti. Sem dæmi er
hann afbragðsgóður píanóleikari.
Hann hefur reynst Hólmurum
mætur og dýrmætur starfskraftur.
Því er leiðinlegt nú þegar starfsdegi
lýkur að hann skuli velja að kveðja
svona. Hann hefði getað gert þetta
með miklu meiri sóma.“
Hefði getað
gert þetta með
meiri sóma
 Guðjón sakar Jósep um rógburð
Guðjón S.
Brjánsson
Jósep
Blöndal
Þéttingarstefna borgaryfirvalda
snýst upp í andhverfu sína, þegar
Reykvíkingar í húsnæðisleit telja
sig knúna sig að til að flytja í Hafn-
arfjörð, á Akranes eða jafnvel til
Þorlákshafnar, vegna íbúðaskorts í
höfuðborginni. Þetta kom fram í
máli Kjartans Magnússonar, borg-
arfulltrúa Sjálfstæðisflokks, er
hann mælti fyrir tillögu Sjálfstæð-
isflokksins um aukið lóðaframboð í
Úlfarsárdal á fundi borgarstjórnar
í gær. Í tillögunni var lagt til að
hafist yrði handa við skipulagningu
nýs hverfis í Úlfarsárdal í því skyni
að draga úr lóðaskorti í Reykjavík
og gera það sjálfbært varðandi
margvíslega þjónustu.
Dagur B. Eggertsson borgar-
stjóri hafnaði tillögunni og sagði að
nú þegar hefði meirihlutinn ákveð-
ið að fjölga byggingarlóðum hóf-
lega í Úlfarsárdal.
Sjálfstæðismenn
vilja fleiri bygging-
arlóðir í Úlfarsárdal
Skákhátíð MótX 2018 var sett í gær í
Stúkunni á Kópavogsvelli, en Skák-
félagið Huginn og Skákdeild Breiða-
bliks standa að mótinu. Þátt taka á
sjöunda tug skákmanna á öllum
aldri. Hátíðin er skipuð á þriðja tug
alþjóðlegra titilhafa, þar af 8 stór-
meisturum í skák, þ. á m. Friðriki
Ólafssyni, og stendur fram í febrúar.
„Áhersla var lögð á að laða til leiks
skákmenn sem hafa verið lengi frá
skákiðkun en það er ekki síst mikil-
vægt fyrir yngri skákiðkendur að
njóta þekkingar þeirra og reynslu,“
segir Jón Þorvaldsson, aðal-
skipuleggjandi hátíðarinnar. Hátíð-
ina settu Jón Þorvaldsson, Skák-
félaginu Hugin, og Ármann Kr.
Ólafsson, bæjarstjóri Kópavogs.
Meðal helstu viðureigna var skák
Vignis Vatnars Stefánssonar, sterk-
asta unglings landsins í skák, og
Hjörvars Steins Grétarssonar,
stigahæsta stórmeistara landsins.
Einnig reyndu með sér stórmeist-
ararnir Lenka Ptacnikova og Þröst-
ur Þórhallsson. Fyrsta leik mótsins
lék Guðmundur Sigurjónsson, stór-
meistari, í skák þeirra Friðriks
Ólafssonar og Jóns Þorvaldssonar.
Skákhátíð í Kópavogi
 Á sjöunda tug keppenda og þar af átta stórmeistarar
Morgunblaðið/Hari
Skákmót sett Friðrik Ólafsson er meðal keppenda og Guðmundur Sigurjónsson leikur fyrsta leikinn.