Morgunblaðið - 22.02.2018, Síða 38

MORGUNBLAÐIÐ FIMMTUDAGUR 22. FEBRÚAR 2018
ÁSKRIFTARHAPPDRÆTTI MORGUNBLAÐSINS
Cincinnati Drögum alla fimmtudaga í 10 vikur og nöfn vinnings­hafa verða birt í Morgunblaðinu á föstudögum.
B
orgin Cincinnati, sem er
þriðja stærsta borg Ohio-
ríkis, var fyrst byggð að því
er annálar herma á því
herrans ári 1788. Bandaríkin sjálf
voru stofnuð 4. júlí 1776 svo ártalið
rímar nokkurn veginn við upphaf
byggðar víða annars staðar í Norð-
ur-Ameríku. Það sem greinir Cinc-
innati frá flestum öðrum þéttbýlis-
kjörnum sem urðu til í frumbernsku
þjóðarinnar er að í upphafi var hún
ekki byggð innflytjendum frá Evr-
ópu heldur fólki sem fætt var í
Bandaríkjunum. Oft hefur borgin
þar af leiðandi verið kölluð „fyrsta
bandaríska borgin“. Engu að síður
eru evrópsk áhrif víða ríkjandi í
Cincinnati og hefur hún löngum bor-
ið gælunafnið „París Bandaríkj-
anna“ því í henni er að finna stór-
brotinn arkitektúr sem helst minnir
á það sem fallegast finnst á meg-
inlandi Evrópu. Þessi áhrif eru
einna helst sýnileg í hinu gullfallega
hverfi Over-The-Rhine (eða OTR
eins og heimamenn kalla borg-
arhlutann) og þar er ómissandi að fá
sér skemmtigöngu og skoða sig um.
Af öðrum fallegum hverfum sem
vert er að skoða eru Oakley, Hyde
Park og Pleasant Ridge. Þá býr
Cincinnati að einu magnaðasta sam-
safni af varðveittum Art Deco-
byggingum í gervöllum Bandaríkj-
unum og það eitt og sér er rík
ástæða fyrir heimsókn ef þú ert
áhugamanneskja um sögulegan
arkitektúr.
Matur og drykkur í „Cincy“
En það er fleira en falleg húsa-
gerðarlist sem minnir á evrópskar
rætur. Hinn þýski arfur sýnir sig
ekki síst í viðamikilli októberfest-
bjórhátíð, hinni stærstu í Bandaríkj-
unum, sem haldin er árlega í borg-
inni. Til heiðurs upprunanum kallast
hátíðin „Oktoberfest Zinzinnati,“
nema hvað! Hina ellefu mánuði árs-
ins er lag að heimsækja eitt af hin-
um fjölmörgu handverksbrugg-
húsum sem sprottið hafa upp í
borginni síðustu árin. Þar á meðal
eru nokkur framúrskarandi og næg-
ir að nefna Rhinegeist, Taft’s Ale
House og Fifty West Brewery.
Af öðrum matartengdum við-
burðum verður að nefna Taste of
Cincinnati sem er gríðarmikil mat-
arhátíð sem árlega dregur að um
milljón manns og býður upp á bók-
staflega óendanlegan fjölbreytileika
í allra handa gúrmeti. Hátíðin verð-
ur haldin dagana 26.-28. maí næst-
komandi og sælkerar og áhugafólk
um matargerð er hvatt til að punkta
dagsetningarnar hjá sér.
Af staðbundnum krásum sem
draga ferðamenn til Cincinnati
hvaðanæva má nefna hið víðfræga
Skyline Chili, en chili-rétturinn á
samnefndum veitingastað er nánast
goðsagnakenndur; borinn fram sem
þriggja laga réttur þar sem neðst er
spagettí, þá hakk-chili með marg-
slunginni kryddsósu samkvæmt há-
leynilegri uppskrift og loks ríflegt af
rifnum cheddar-osti ofan á. Hljómar
nógu einfalt en það er eitthvað í sós-
unni, svo mikið er víst. Chili er að
sönnu einn einkennisrétta borg-
arinnar og hvergi í veröldinni eru
jafnmargir chili-staðir miðað við
höfðatölu.
Sama er að segja um rjómaísinn
víðfræga frá Graeter’s. Meðal vin-
sælustu bragðtegunda fyrirtækisins
eru Black Cherry Chocolate Chip,
Pecan Butter og Key Lime Pie, og
Graeter-fjölskyldan hefur heillað
bragðlauka rjómaísunnenda með
framleiðslu sinni í næstum 150 ár.
Bræðralag og vinarþel
En það þarf ekki blóðbönd til að
íbúar Cincinnati takist á við verkefni
tilverunnar eins og fjölskylda; sam-
hugur borgarbúa er víðfrægur og
hér skal geta dæmis þar að lútandi.
Ruðningslið borgarinnar nefnist
Cincinnati Bengals og nýtur það
mikilla vinsælda meðal borgarbúa.
Engu að síður er það svo að ekki
komast alltaf allir á völlinn og þá
getur verið snúið að sjá leikinn
hverju sinni því reglur NFL-
deildarinnar kveða á um að ekki
megi sýna leiki beint nema uppselt
sé á völlinn. Dæmi eru um það að
þegar Bengals leikur stórleiki, sam-
anber í úrslitakeppninni, og ekki er
uppselt á heimavöllinn, Paul Brown
Stadium sem tekur 65.000 manns í
sæti, þá taka stórfyrirtæki í borginni
höndum saman. Þau kaupa einfald-
lega upp þá miða sem eru lausir, þó
þeir skipti þúsundum, svo sjónvarpa
megi leiknum beint. Miðana gefa
fyrirtækin – þetta hafa mat-
vælaframleiðandinn Kroger og lyfja-
fyrirtækið Procter & Gamble meðal
annars gert – einkum einstaklingum
sem eru í herþjónustu og eins upp-
gjafahermönnum til að þakka þeim
framlagið til lands og þjóðar. Cinc-
innati var að sama skapi griðastaður
strokuþræla á 19. öld en þeir sóttu
stíft að komast til borgarinnar frá
nágrannaríkjum á borð við Kent-
ucky hvar þrælahald var viðhaft.
Bræðralag og vinarþel er því í erfða-
efni Cincinnati og borgin tekur vel á
móti gestum sínum. Því má líka
bæta við að nafnið, sem mörgum
kann að þykja sérkennilegt, er í höf-
uðið á rómverska keisaranum Luc-
ius Cincinnatus sem vann glæsta
sigra en sneri sér svo að jarðrækt
því hann hafði engan áhuga á að
stjórna öðrum. Þetta hugarfar má
enn heimfæra á borgarbúa.
Útivist og útivera
Veður er ljómandi gott alla jafna í
Cincinnati og hlýjasti mánuðurinn
er júlí með um 24°C meðalhita. Það
eru því allar ástæður fyrir því að
njóta útiveru þegar borgin er heim-
sótt. Eitt það skemmtilegasta sem
hægt er að gera er að taka sér góðan
tíma í gönguferð – eða hlaupatúr, ef
sá er á manni gállinn – eftir River-
walk sem er 6,5 kílómetra göngu-
gata meðfram Ohio-ánni sem rennur
gegnum borgina. Þaðan má virða
fyrir sér borgarlandslagið, dást að
hinni glæsilegu Roebling-hengibrú
sem er eitt flottasta mannvirki Cinc-
innati, fylla lungun af fersku lofti og
fá blóðið á svolitla hreyfingu milli
þess sem hægt er að kasta mæðinni
á einum af fjölmörgum mat-
sölustöðum og kaffihúsum sem
liggja meðfram leiðinni.
Í hinum gríðarstóra grasagarði
Cincinnati – einskonar Central Park
þeirra borgarbúa – eru víðfeðm
græn svæði til að ganga um og njóta
útiveru og ekki spillir heimsókn í
dýragarðinn sem þar er að finna en
Cincinnati Zoo er næstelsti dýrgarð-
ur Bandaríkjanna og hefur unnið
mikilvægt starf í verndun dýrateg-
unda í útrýmingarhætti, einkum
górilla og hvítra tígrisdýra.
Golfáhugamenn verða að skipu-
leggja tíma sinn vel ætli þeir að
komast yfir alla toppklassavellina
sem er að finna í nágrenni Cinc-
innati, en þeir ættu líkast til að setja
Pebble Creek, Legendary Run, Mill
Course og Beech Creek ofarlega á
forgangslistann.
Loks er um að gera að nýta sér
nálægð Ohio-árinnar og bregða sér
annaðhvort í útsýnissiglingu með
BB Riverboats eða taka aðeins á því
og leigja sér kanó til að líða um
lygna ána.
Það er því af ýmsu að taka í
„Cincy“ eða París Bandaríkjanna og
stemningin endurspeglast ekki síst í
þeirri staðreynd að af öllum borgum
Miðvesturríkjanna er hagvöxtur
hvergi meiri en einmitt í Cincinnati.
Þessi vinalega 300.000 manna borg
er á uppleið að öllu leyti og rétti tím-
inn til að heimsækja hana er einmitt
núna.
Fyrsta „bandaríska“ borgin
Hnossgæti Rjómaísinn frá Graeter’s hefur verið fram-
leiddur í meira en 150 ár og þykir með þeim allra bestu.
Handverksbrugg Bjórmenningin hefur frá öndverðu lif-
að góðu lífi í Cincinnati og brugghús eru þar ótalmörg.
Menningarverðmæti Cincinnati Music Hall er ein fallegasta menningarmiðstöð Bandaríkjanna. Art Deco Carew-turninn í Cincinnati.
Mannvirki Roebling brúin liggur frá
Cincinnati yfir Ohio-ána og yfir í borgina
Covington í Kentucky. Hún er eitt
þekktasta kennileiti borgarinnar.