Morgunblaðið - 22.02.2018, Qupperneq 64

MORGUNBLAÐIÐ FIMMTUDAGUR 22. FEBRÚAR 2018
05.30 Vakna hálfsex, fresh fresh,
hvort er nótt eða dagur? Læðist út
úr svefnherberginu til að gæta þess
að vekja ekki nokkurn mann, allir
eru steinsofandi og ekki einu sinni
hundurinn nennir að elta mig fram.
Þvæ mér í framan með ísköldu
vatni og bursta tennurnar. Set upp
andlit og klæði mig í búning dags-
ins, en hann var ég búin að setja
saman kvöldið áður.
05.50 Skelli í eldsnöggan búst, tek
vítamín. Á meðan ég renni þessu
niður lít ég eldsnöggt yfir blöðin
sem stundvísa blaðburðarmann-
eskjan hefur fært mér, takk!
06.05 Lít á klukkuna, ég trúi
þessu ekki … klukkan er sex og ég
er bara nokkuð hress. Hvern hefði
grunað að ég ætti þetta eftir.
Smelli í kaffidrykk með kanil og
haframjólk og set í „taka með“
bolla. Tíni allt til í töskuna og er
rokin af stað. Sest í bílinn og þakka
alheiminum fyrir forhitara því það
er ískalt úti.
06.30 Mætt upp í Hádegismóa,
kosturinn við að mæta svona
snemma er að maður fær alltaf
bílastæði á besta stað. Ásgeir Páll
og Jón Axel eru mættir að vanda
og búnir að setja sig í stellingar
fyrir komandi átök
06.45-09.00 Þarna erum við öll
komin inn í stúdíó. Ég fæ að vera
fluga á vegg og fylgjast með þess-
um snillingum. Mitt verkefni þessa
dagana er að læra á útsendinga-
borðið, mér líður eins og ég sitji í
flugstjórnarklefa … svo margir
takkar, svo skammur tími til stefnu.
09.00-12.00 Frábær þáttur að baki
þar sem upp úr stóð að hún Kristín
Sif okkar var dáleidd, þetta var
magnað atriði. Framundan er fund-
ur þar sem efnistök morgundagsins
eru rædd og eftirvinnsla á þætt-
inum.
12.00-12.15 Ég er að deyja úr
hungri, sit og bíð eftir Loga og
Rúnari Frey. Get ekki beðið leng-
ur og dreg Sigga Gunnars með
mér í hádegismat. Amen, þarna
koma strákarnir.
12.15-13.30 Framúrskarandi und-
irbúningsfundur með teyminu þar
sem við fórum yfir efnistök næstu
vikna. Mikið ótrúlega er Rúnar
Freyr hugmyndaríkur, það hrein-
lega vella upp úr honum hugmynd-
irnar. Logi, þú ert líka frábær.
Finn hvað þetta er magnað teymi.
13.30 Ég er búin að vera vakandi í
átta klukkustundir. Guð hvað ég
dáist að A-manneskjum, ég skal
verða ein af þeim. Ég er farin að
stara stjörf á tölvuskjáinn, á ég að
skella í mig einum kaffi?
14.00-14.30 Komin heim, hugleiði í
30 mín., þvílík orkuinnspýting.
14.30-17.00 Verkefnið „skutla &
keyra“ er hafið. Einn í fótbolta,
annar á skauta og sá þriðji í fim-
leika, sá fjórði reddar sér sjálfur.
Kaupi í matinn og varpa öndinni.
Hendi í þvottavél og strýk yfir gólf-
in.
17.00-18.00 Halli minn er kominn
heim og dregur mig og hundinn út í
göngutúr. Þetta er okkar tími þar
sem við förum yfir daginn og næsta
dag.
18.00-21.30 Elda spaghetti carbon-
ara, Halli vaskar upp (þessi elska),
heimalærdómur, búa til nesti og
spjalla við krakkana áður en allir
koma sér fyrir uppi í rúmi í ró og
næði. Pjúff!
21.30-22.00 Undirbý morgundag-
inn eftir bestu getu. Loksins komin
upp í rúm með nefið ofan í bók sem
lofar góðu, Sagan af Ástu eftir Jón
Kalman. Dett út og held á vit
drauma.
Dagur í lífi Rikku
Friðrika Hjördís Geirs-
dóttir, eða bara Rikka,
fer í loftið í nýjum morg-
unþætti K100 fimmtu-
daginn 1. mars ásamt
þeim Loga Bergmann og
Rúnari Frey. Rikka er
þessa dagana á fullu í
undirbúningi fyrir þátt-
inn og gefur lesendum
innsýn í daginn sinn.
Fríður hópur Þau Rikka, Rúnar Freyr og Logi Bergmann stýra nýjum
morgunþætti K100 sem fer í loftið fimmtudaginn 1. mars
Morgunblaðið/Golli